علي ــــــ هاي هوا المهم شعرج
فرح ــــــ ايغار صحيح من زاد ماتحبني تا تغار ،،، ضل ساكت صبينه الاكل وطلعنه ضلو مصدومين من شكلنه نزل الصينيه علي واني نفضت دشداشتي الكلها طحين
مروان ــــــ شنو عاجن براسك انته
فرح ــــــ ههه
مروان ــــــ وانتي إن شاءلله مافايته مطبخ بعددين جبتوها ووديتوها ومن الساعه 10:30انتو بالمطبخ ويالله بيضات
علي ــــــ خلي اوصي
مروان ــــــ لو اريد اوصي وصيت اگعدو اكلو
فرح ــــــ گعدنه نتغدا بالبيضات والجو نار
مروان ــــــ اليوم يصير عندي جالي
ملاك ــــــ جان خليتني اني اسوي غدا
مروان ــــــ لا فكرت نفسي سويت خير
فرح ــــــ اااخخخ اگعد عاقل
علي ــــــ قليلة ادب بكبر جدج اتگولين اگعد عاقل
مروان ــــــ اتأدبي لا ادزج لابوج يعيد ترباتج
فرح ــــــ حز بخاطري كلامه،،،، ابويه ميت يالمتربي
مروان ــــــ صدگ قليلة ادب وين
فرح ــــــ الحمد لله شبعت
مروان ــــــ اگعدي شگلت ارجعي
فرح ــــــ گعدت واني مكسور خاطري ولاول مرا ابجي
مروان ــــــ مدي ايدج واكلي
علي ــــــ على كيفك وياها مروان اتشوفها مقهوره
مروان ــــــ انجب انته،،، ندستني ملاك اني حسيت بتأنيب الضمير بس خل تصرف عدل حيل مسترجله البنيه
علي ــــــ ماقبل تصرف هيج ويه مرتي
مروان ــــــ عاد مرتك هم لو محترمتك
فرح ــــــ اني اريد اتطلگ
علي ــــــ كل عقلج
فرح ــــــ اي اني ماحبك ومستحيل احترمك و مستحيل اتحمل الاهانه يمكم طلگني
مروان ــــــ امشي لغرفتج ومعاقبه ماتطلعين
علي ــــــ انته مالك لازم
مروان ــــــ شنو مالي لازم اني اخوك
علي ــــــ اخويه منين اخ اختني
اني لا اخوك ولا اعرفك ولا تعرفني فاهم
مروان ــــــ شهالحجي علي
علي ــــــ اني ماخذ مرتي وطالع من هالبيت
مروان ــــــ علي كل عقلك
علي ــــــ لا نننننصصصهههه
فرح ــــــ جنت ابجي بالغرفه واغسل بشعري لان حرام اغسله بالحمام نضف شعري كبيت المي من الشباك
علي ــــــ اغسليلي شعري ولمي ملابسج تا نطلع
فرح ــــــ دنگ راسه غسلتلهيا
علي ــــــ يالله لمي ملابسج
فرح ــــــ ماعندي ملابس
علي ــــــ لفي حجابج زين ويالله ثانيه بعد منبقى بالبيت هذا
فرح ــــــ لفيت حجابي ونزلنا
مروان ــــــ ارتحتي اخذتي اخويه مني
فرح ــــــ اني ماخذت احد من احد و علي يوصلني لبيتي ويرجع
علي ــــــ بيتج يمي و احنه مالنه مكان بهذا البيت
مروان ــــــ متطلع مو على كيفك
علي ــــــ اتهين مرتي ماسمحلك انته شي مرا شفتني هنت مرتك
مروان ــــــ لان مرتي اتخاف مني ومخوفها مني
علي ــــــ اني مو حقير. مثلك تا اخليها تخاف مني
مروان ــــــ خوفها انگلب احترام وحب واكيد مابقى حاد عليها حتلو بالجذب خوفها اني ردت اعدللكياها.
علي ــــــ اني مامعدلها انته منو تا تعدلها الي انته غريب فهمت
مروان ــــــ لتحجي هيج اني اخوك
علي ــــــ انته يتيم ماعندك اخوه فاهم
مروان ــــــ ماتوقعتك اتبيعني علمود وحدا مو معبرتك
علي ــــــ شنو اتعيرني
مروان ــــــ اطلع من بيتي اطللللللللععععع
علي ــــــ طالع بدون لا تطرد
مروان ــــــ طلعو متت من القهر انقهرت من علي
ملاك ــــــ مروان لتنقهر
مروان ــــــ شفتي يملاك باعني
ملاك ــــــ عوفه هوا يعرف خطأه
مروان ــــــ اجت بشهرين خربت اخوتنه وراحت
ملاك ــــــ لتحجي هيج علي حجه هيج بلحضة غضب
مروان ــــــ اني طالع
ملاك ــــــ لتطلع حبيبي
مروان ــــــ خليني اروح لتلحين،،،، طلعت ضايج ومخنوگ دزيت رقم علي گلتلهم راقبو وين راح اتصلو بيه گالو ببغداد لحگته لگيته مأجر شقه هيج نسيتني يعلي هيج ضيعت اخوتنه حسبتك اكثر من صديق وواثق بيك ليش هيج تخليت عني،،،، خنگتني العبره واني اتذكر من يگلي انته يتيم ماعندك اخوان اني جان راح يصير عندي اخو بس مات ويه اهلي رجعت للمحافضه لگيت ملاك تفتر بالصاله اجت حضنتني
ملاك ــــــ لتنقهر هوا يندم ويرجع تعال اگعد ارتاح تعال
مروان ــــــ گعدت جابتلي مي و صارت اتمسح على شعري،،،، يگولي يتيم انته ماعندك اخوان يعيرني ملاك يعيرني بيتامتي
ملاك ــــــ لتنقهر اني اهلك لتنقهر
مروان ــــــ حضنتها اشو صارت تبجي سكتتها بالگوا ماردت اقهرها اكثر وصرت اتصرف عادي وكأنما لم يكن شي ثاني يوم گعدت نسيت علي ماكو ناديت علي طلعت ملاك من المطبخ اتذكرت
ملاك ــــــ علي ماكو
مروان ــــــ ادري،،، مر النزول وصار لازم التحق رحت لگيته بوجهي سلمت لان جانو ضباط وياه طبيت لمكتبي طبعا اني اعلى من علي برتبتين ف هوا دوم يجي ينطيني الملفات هالمرا داز الجندي الجوا ايده ضليت اتحجج مشتاگله اريد احجي وياه،،، اگلك انته مافهمتني شي روح نادي الضابط علي هوا يشرح
الجندي ــــــ سيدي شيشرح قابل هوا مجرم
مروان ــــــ خزرته طگ التحيه وراح شويه اندگ الباب طگ التحيه
علي ــــــ سيدي شنو المافاهمه
مروان ــــــ اشرتله بأصبعي
علي ــــــ سيدي هذا مهرب المخدرات
مروان ــــــ اعرفه تگدر اتروح،،،، طگ التحيه وراح انقهرت من شفته مو مهتم ودمعا عيوني ولا نفسه علي الكرست حياتي لخاطره طلعت برا المكتب شفته يضحك ومستانس
الضابط دريد ــــــ تعال يالمدرع اگعد
مروان ــــــ لا تسلم اريد اطلع ادخن،،، طلعت ادخن دخنت باكيت كامل بعدها طلع علي يخابر من تعابير وجها فهمته اكو شي دزيت رقمه لصديقي گلتله راقبلي المكالمات الغريبه التجي ثاني يوم اجاني اتصال دزلي مقطع صوتي سمعت التهديد فتت للمكتب دزيت على علي اجه
علي ــــــ تحياتي سيدي
مروان ــــــ عندك ملف ماهر بلال (اسم مستعار)
علي ــــــ اي بس انته مالك لازم اني احل مشكلتي
مروان ــــــ رفعتله حاجبي دحگتله من فوگ لجوا،،،، اگف عدل واحجي عدل لا انزل بيك عقوبه
علي ــــــ الشغله تخصني
مروان ــــــ الشغله ماتخصك هذي قضيتي وانته مجبر تسلمها الي
علي ــــــ
مروان ــــــ اتفضل اطلع برا
علي ــــــ تحياتي سيدي
مروان ــــــ طلع شويه واندگ الباب طگ التحيه وسلم الملف اخذته اجاه اتصال
علي ــــــ تحياتي سيدي
مروان ــــــ طلع طلعت وراه ضليت اتسمع
علي ــــــ لو تموت ماطلعه وعن قريب اكتشف مكانك واسجنك بيدي
مروان ــــــ ماگاله انو القضيه راحت من ايده حتى يحميني طبيت رغم ذلك ضليت مقهور من عنده اجاني اتصال ابتسمت،،، الو
ملاك ــــــ الو هلا مروان شلونك صارلي من الصبح اخابر مترد والله خوفتني عليك
مروان ــــــ شغل حبيبتي شلونج
ملاك ــــــ الحمد لله وانته
مروان ــــــ زين حبيبتي
ملاك ــــــ مشتاگتلك مروان
مروان ــــــ حتى اني مشتاگلج ياريحة الجنه
ملاك ــــــ عموري يريد يحجي وياك
مروان ــــــ انطينيا
عمر ــــــ الو بابا
مروان ــــــ ياروح البابا شلونك يابطل
عمر ــــــ دين
مروان ــــــ وملوكه شلونها
ملاك ــــــ گوله ماما زينه
عمر ــــــ ماما دينه
مروان ــــــ رغم سمعتها اتوصي يگول هيج بس جنت فرحان
