مروان ــــــ اجه عمر يصيح ركضت لگيتها نايمه ومخليه الجرجف وعليه دبه اذا تسحب الجرجف تگع الدبه على بطنها سحبت الجرجف تلاحگت شلت الدبه لزمتها من شعرها ودگ كتل وهيه تصيح بالگوا علي هدها مني تفلت بوجها وطلعت رجعت لگيتها تبجي گعدت يمها واني متعصب
ملاك ــــــ ماريد توم منو يعتني بيهم شلون اداوم هئ شلون اگدر ادرس يسكت هذا يبجي هذا هئ هئيييئ اريد اكمل دراسه
مروان ــــــ والله لنعل ابوج لبه الدراسه تكتلين روح لاجل مصالحج
ملاك ــــــ هئ هئ هئيييئ
مروان ــــــ وسم وطحله
ملاك ــــــ هئ هئيييئ
مروان ــــــ ورثت جگارتي،،،، اني ضنوتي كلها توم تريد تكملين ويايه اهلا وسهلا متريد تكملين اتجيبين اخذ الجهال وادزج لعمامج لان ماكتفي بتلث جهال اريد جهال يترسون بيتي
ملاك ــــــ هئ هئ و عمر واحد
مروان ــــــ عمر جان وياه بنيه وماتت متشوفيني كاتل نفسي اريد بنوته
ملاك ــــــ هئ ماريد
مروان ــــــ مو جنتي حابة الطفل
ملاك ــــــ مو توم هئ موتوم ماريد توم
مروان ــــــ اخذت الجواب
ملاك ــــــ اي جواب
مروان ــــــ متريد تكملين ويايه
ملاك ــــــ هئ هئ هئيييئ
مروان ــــــ انتضرتها اتگلي لا اني احبك بس ماحجت طلعت ادخن برا بعد خمس شهور واجيب جهالي وينورون للدنيا مرا الشهور اطرينه نتهجر وديتهن لبغداد واني وعلي داومنه اجت سياره مدرعمه عالمركز فاتت بنصه وانفجرت هنا وگعت على ركبي علي مات ماگدرت حتى اشوف جثته ركضت برا المركز ماعرف وين اريد لگيت نفسي واصل مكان بيه قتال صار رمي علينه شلت سلاحي وطلعت من الساتر وصرت اضرب عشوائي باللاسلكي يگولولي ارجع ارجع واني فاصل علي الربيته على اديه مات وعافني عاف اخو وصديقه حسيت حراره نزلت على بطني وانوب بجتفي ورجليه وگعت من طولي گعدت لگيت نفسي بالمستشفى عرفت ماكل خمس رصاصات ضليت نص شهر وطلعت رجعت للبيت وحاير شگول لفرح اگللها ترملتي ابنج البعده ماصارله 5شهور تيتم طبيت وصرت اسمع صياح فتت لگيت فرح تفتر بالصاله وتبجي عرفت ملاك تولد طلعت مرا وبيدها الوليدين غسلتلهم وبدلتلهم فرح شالت واحد واني شلت الثاني كبرت بأذنه وسميته علي الثاني هملته دحگت لفرح ونضرتها بيها تساؤل
فرح ــــــ ابو عمر عل
مروان ــــــ ماتحملت وبجيت هيه دحگتلي بخوف وعيونها مغورگه خلت الطفل عالدوشگ وگالت
فرح ــــــ بصوت ناصي،،،، علي وين
مروان ــــــ جان بالمركز وفجرو علي مات
فرح ــــــ لا علي ميعوفني ميعوفني هوا وعدني ميعوفني لا،،،،،، ركضت للغرفه مالتي من راح جنه متكاونين وراح زعلان بقيت ابجي وبعدني مو مصدگه نمت واني اگول حلم واني اگعد منه بس خابت امالي من سمعت عمتي يمنه وتلطم طلعت وگلتلهم علي مامات بس من شفت الكل يلطم ويبجي رجعت لغرفتي فتحت الشباك ووگفت على حافته اذكرت كواناتنا وحبه الي واهتمامه بيه صحيت من ذكرياتي عالكل بغرفتي ذبيت نفسي بس مروان لزم ايدي جروحه صارت تنزف سحبني فوگ وضربني راشدي ربطو اديه بالجربايه ورجليه وسدو الباب عليه مرا الايام والاشهر واني بهالحلم البشع جنت نايمه گعدت على وجع مو طبيعي صرت اصيح اجه مروان شالني وداني للمستشفى جبت طفلي ورما غسلو وجابو ماردت اشوفه اتذكرت علي وصرت ابجي وابجي لحد ماحسيت روحي خلصت رجعوني للبيت واعتكفت على نفسي اهملت روحي والطفل گضيتها بس بجي احس روحي بحلم صرت افتر اريد اطلع من هالواقع لبست شالي وطلعت ضليت امشي ناحرني الليل واني مازلت امشي احس الحزن لاحگني وگفت يمي سياره ولد فتح الباب وغمزلي ماهتميت ومشيت اتذكر علي يگولي اغار عليج حتى من خيالج نزل الولد وصار يتحرش بيه لزم ايدي وصار يريد يدخلني السياره صرت انادي على علي يجي يساعدني بس ماكو صرت اضرب براسي و اخمش وجهي عافني وراح گعدت وضميت رجليه لصدري واني اتذكر وماراحت الذكريات من راسي وفكرة علي مات تاكل بروحي اكل حسيت حياتي لعبة ضليت ابجي وابجي ليما سياره وگفت يمي ازلمه جبير امنت بيه وصعدت وياه ضل يسألني منو انتي ماجاوبته اخذني لمركز الشرطه وعافني وراح صارو يذبولي حجي گمت ابجي،،،،، اني زوجة الضابط علي هوا بس يجي يسجنكم اي يسجنكم هوا يغار عليه مايقبل احد يتغزل بيه غيره بوقت متأخر وهمه يذبون حجي اجه واحد يمي صرت اصيح و ادفر بيه اجه مروان شاله ولگحه
مروان ــــــ ولك كلب هيج اسوي بزوجة الشهيد
فرح ــــــ اشتكى عليهم واجه گعد يمي
مروان ــــــ انتي زينه
فرح ــــــ لا مو زينه علي عافني هوا ميحبني
مروان ــــــ گومي
فرح ــــــ لا من يجي علي اروح لذاك البيت
مروان ــــــ گومي لتعصبيني
فرح ــــــ ما من يجي علي اروح
مروان ــــــ اتعصبت منها سحبت ايدها ورحنه صعدتها بالسياره ضلت تبجي استخطيتها وصلنا للبيت اجت ملاك اخذتها لغرفتها اني رحت للربعه نمت وجهالي ثنينهم يمي نمت بالاربعه حسيت جهالي يبجون بس سكتو لگيتها اترضعهم سحبت علي منها و عمران،،،،، امشي اطلعي
ملاك ــــــ مروان لا تحرمني من جهالي هئ
مروان ــــــ جهالج الردتي تكتليهم مو امشي اطلعي
ملاك ــــــ هئ
مروان ــــــ طلعت هاي مو اول مرا تجي اني لولا فرح جان مطلگ ملاك بس ميصير فرح تبقى ابيتي واني ابقى وهيه تحتاج عنايه رحت لغرفتها مادحگتلها بس شلت الوليد اخذته للربعه لان هيه ماتهتم بيه صرت اني اهتم بيهم تلاثتهم ليلي مانامه ولا نهاري صرت مخبل لان مانام قررت اجيب مربيه اسبوع واني مرتاح بعدها اللتحقت لصلاح الدين هناك قاتلت كلما اذكر الدواعش اخذو مني اخويه احقد اكثر اخذت القناص وصرت اصوب عليهم ماطلقه راحت غلط كله بعيونهم حسيت نفسي اگع من البرج گعدت لگيت نفسي مكسر اديه ورجلي ومصاوب مرا 14يوم وشالو الجباس ورجعت اقاتل مرا الشهور وتحررا بعض المناطق ليما تحررت تكريت كلها رجعت للبيت والعصر توني نايم سمعت دگه مو غريبه وغاليه عليه ركضت عالباب مثل الطفل فتحته ماخبت طلع علي حضنته حيل وصرت ابجي وهوا حضني ويبجي
علي ــــــ فكرتك متت بالمركز
مروان ــــــ واني فكرتتتتككك متتت،،، ضليت حاضنه وابجي فرحان لان ماخسرته سمعنه صوت طبه جانت فرح واگعه ركض عليها لمها بحضنه راحت ملاك جابت مي وطشو عليها گعدت دحگت على علي وصارت تشهگ وتشهگ حضنها حيل
علي ــــــ ياروحي
فرح ــــــ لتروح لتروح والله بعد مازعلك مني والله بس لتروح والله ماتحمل بدونك لتعوفني لا لتعوفني
علي ــــــ يمج والله ماعوفج اهدي
فرح ــــــ متروح متعوفني متروح علي متروح ابقى يمي علي متروح متروح
علي ــــــ اهدي اهدي ماروح اهدي والله ماعوفج ماعوفج ياروحي
مروان ــــــ علي فرح هيه هيج لتحاول تهديها حاول تخليها تنام
علي ــــــ ليش شبيها ها
مروان ــــــ ماتحملت فكرة موتك
علي ــــــ تعالي
مروان ــــــ علي
علي ــــــ ها
مروان ــــــ صرت اب وعم
