مروان ــــــ جنت بغرفتي اعدل الجراويه دخلت ملاك وسدت الباب گلبي انفلق فلقتين من شفتها نسيت ابو شمس
ملاك ــــــ لو خطئان انته جان اتحملت ونسيت بس اني طفله ريسا تبريت مني
مروان ــــــ انحرگ گلبي عليها وروحي راحت طلعت من الغرفه مانزلت خلاص كرهان كلشي نزلني علي بالگوا ثاني يوم العرس جبتها وهيه فرحانه اخذنه صور و حفله خلص العرس بثنعش طبيت للغرفه نمت گعدت لگيتها بعدها على گعدتها وبفستان العرس ماحاجيتها بدلت ونزلت مرا الايام وسمعت ملاك مسويه حادث ركضت للمستشفى بدون وعي لگيتهم مجرجفيها ضليت مصدوم ودموعي تنزل وندمان على كلشي ندمان تخليت عنها اخذوها عمامي وسوينالها فاتحه دفنتها ودفنت روحي وياها. رحت للشط احس ماكو صوت بس صوتها وهيه تتصرف بلطافه وخجل خوفها عليه رجعت للبيت لگيت شمس تفتر وتبجي اتخيلتها ملاك رحت نمت گعدت جهالي ماكو صفنت بلكت حلم بس لا مو حلم ماتت اجت شمس
شمس ــــــ حضرتلك ملابسك تا اتروح للفاتحه
مروان ــــــ ماتت يشمس ماتت بنيتي عالمي الخاص ماتت جنت اهتم بيها هيه طفله هيه روحي من الدنيا وماتت
شمس ــــــ راحت لدار حقها وكلنا على هالدرب
مروان ــــــ بدلت ورحت خلصت الفاتحه ورحت للدعمها گال هيه ذبت نفسها گدامي الشهود گالو غير الگاله ابو گال جنت اعلمه سياقه وهيه تمشي بنص الطريق الشهود حجو غير كلامهم و جان حجي الشهود متشابه المحكمه مشت على كلام الشهود بس ماقبلت گلتلهم ناخذ حگنه عشاير و جان الحگ عدنا دم بدم كتلتله بأيدي نهيت حياته بكل دم محروگ ضليت اضرب بيه احس گلبي تجلد هوا معاكسها و داعمها مفكر ماراح تموت بس ماتت رجعت لگيت شمس تنتضرني شمس تصرفاتها تصرفات ملاك رحت حضنتها حيل صرت ابجي
علي ــــــ عيب يالمدرع تبجي
مروان ــــــ مسحت دموعي وصعدت لگيت شمس محضرتلي ملابسي مخليتهن عالجربايه صرت اعلمها اتسوي مثل ما ملاك اتسوي صارت مثلها بس مو ملاك تطبخ الطبخات التطبخهن ملاك تخلي احذيتي من اطلع وين كلشي علمتها صرت اناديها ملاك وهيه خطيه متگول شي ادري تنقهر بگلبها بس متبين الي،،،، ملاك ملاك
شمس ــــــ نعم.
مروان ــــــ باجر اللتحق
شمس ــــــ تدلل
مروان ــــــ عفتها وطلعت مسويه عشى تعشينه فرح قدمت الجاي اني ماشربت رحت لغرفتي ضايج نمت اجت نومت الجهال واجت نامت ورايه تغطت ويايه وحضنتني ضليت هيج ضمت راسها بضهري دفعتها،،،، متستحين انتي شلون تحضنيني
شمس ــــــ هئ اسفه اني
مروان ــــــ طلعت من الغرفه وتبجي استغفرت رحت لگيتها بالمطبخ،،،، اني اسف ماقصدت اضوجج تعالي،،،،، ضميتها لحضني ضلت تشهگ وتبجي ليما غفت رادت اتروح بس ماقبلت اتذكر ملاك تغفى بحضني وتنام نامت شلتها وديتها للفراش بست عيونها ونمت گعدت على صوت
ملاك ــــــ مروان حبيبي الحگني مشتاگتلك
مروان ــــــ لتروحين انتضريني ملاك ملاك
شمس ــــــ مروان مروان مروان اگعد انته حلمان مروااان
مروان ــــــ گمت من الفراش غسلت و بدلت
شمس ــــــ سويتلك ري
مروان ــــــ ماريد
شمس ــــــ ترجع بالسلامه،،،،، الجهال طلعو يلعبون گعدت ابجي وحدي لو ادري بيه هيج متعلق بغيري ماقبلت ازوجه رحت على فرح سألتها عن تصرفات ملاك اني بس ماريده يبقى مقهور گالتلي من يلتحق اتضل اتخابره خابرته رد عليه،،، الو
مروان ــــــ ها ملاك حبيبتي
شمس ــــــ اشتاگيتلك
مروان ــــــ واني هم حيل مشتاگلج
شمس ــــــ مروان شوكت ترجع
مروان ــــــ خمسطعش يوم
شمس ــــــ شيخلصهن
مروان ــــــ يخلصن ياعالمي الخاص
شمس ــــــ احبك،،،، ضليت اغازله اخذني الواهس حسيته يغازلني مو يغازل وحدته وحزنه ضليت اخابر كل شويه رجعت اداوم علي سوالي واسطه رجع مروان ركضت حضنته
مروان ــــــ ههههه رجعت ياحياتي
شمس ــــــ شم ريحتي،،، شالني جاب عطر رشني بيه
مروان ــــــ هذا العطر ضلي حطي منه
شمس ــــــ صار يتجاوز دفعته،،،، احم رايحه اسويلك غدا اكيد جوعان
مروان ــــــ اي
شمس ــــــ نزلت احس بالقهر ضليت اقنع نفسي تزوجني حتى يخلصني من عمامي واني لازم اردله الجميل عرفت علي و مروان مو اخوه بس عايشين سويه وعرفت كل التصرفات التتصرفها ملاك صرت اقلدها مروان تعلق بيه بس ك ملاك مو شمس والجهال بعد عمر ميحبني يحب امه او بالاحرى ملاك زوجة ابو الثانيه فرح ماعافتني خطيه ضلت اتساعدني جنت اعزل بالكنتور اجه حضني وصار يتحرش،،،،، ووووخرررررر
مروان ــــــ
شمس ــــــ احم لتلمسني اني مو ملاك اني شمس
مروان ــــــ اني اسف
شمس ــــــ لتعيدها
مروان ــــــ اسف مرا ثانيه
شمس ــــــ عادي
مروان ــــــ احم شعرج حلو هيج بالصبغ الاسود
شمس ــــــ اي
مروان ــــــ و جسمج حلو هيج لا ترجع تسمنين
شمس ــــــ لا ماسمن
مروان ــــــ اي
شمس ــــــ مروان
مروان ــــــ نعم
شمس ــــــ هيج،،، راح نام نمت ورا صرت ابوسه واغازله حضنته وصرت ابجي ياريتك تحب شمس ياريتك نمت گعدت لگيته يحاول يبوسني دفعته حيل
مروان ــــــ انتي زوجتي
شمس ــــــ دفعته حيل وگمت ركضت للباب اجه لزم ايدي گعدو الجهال نفضت ايدي منه وفتحت الباب وطلعت رحت للحديقه ابجي وحاقده عليه
مروان ــــــ شسويت اني مالي وجه حتى اروح اعتذر منها،،،، رحت سويت ريوگ
فرح ــــــ جان گعدتني اني اسوي
مروان ــــــ لا اني حبيت اسوي،،، صبيت واخذت ريوگ لشمس بالحديقه لگيتها تبجي،،،، ملاك
شمس ــــــ
مروان ــــــ تعالي سويتلج ريوگ
شمس ــــــ ماريد خليني بحالي
مروان ــــــ ملاك اني اسف ماقصدت والله اسف
شمس ــــــ هئ هئ،،، ضل ساكت دحگت للاكل والله جوعانه نزلت اكل اجه گعد يمي صب جاي،،، انته سويت الريوگ
مروان ــــــ اي
شمس ــــــ طيب الجاي عاشت ايدك
مروان ــــــ وايدج
شمس ــــــ انته حلووحباب
مروان ــــــ ههه تسلمين
شمس ــــــ الله يسلم غاليك
مروان ــــــ غاليتي ماتت
شمس ــــــ
مروان ــــــ اكلي
شمس ــــــ اي،،،، انسدت نفسي بس مابينت اكلت شويه وگلتله شبعت راح لدوامه ضليت ادگ عليه مايرد انشغل بالي گلت لعلي مايرد علي خوفني گمت ابجي وانتضره طول النهار افتر بالدير انفتح الباب وطبب سيارته سديت الباب ونزل من سيارته ركضت حضنته ضربته على صدره واعاتبه لان غالق موبايله حضني حيل
مروان ــــــ احبج مشتاگلج ملاك
شمس ــــــ انحبطت من گال ملاك ضليت ساكته وهوا حاضني هدني من اجه علي علي رزله تكاونو لان غالق موبايله
مروان ــــــ ماتنجب
شمس ــــــ طب للبيت طلعتله ملابس بدل حصرني بينه وبين الكنتور
مروان ــــــ خفتي على رجلج
شمس ــــــ شلون ماخاف
مروان ــــــ
شمس ــــــ بعدت ايده عن خدي وردت اروح دفعني عالكنتور وخزرني گلبي صار طبل من الخوف اخاف من نضراته من عصبيته بلعت ريگي
مروان ــــــ مريتي ليش اتخافين مني
شمس ــــــ لان خزرتني ودفعتني عالكنتور بقوه اذيت ضهري
