مروان ــــــ اني ماكتفي بهالعالم بيج اني اكتفي بعالمي الخاص وعالمي الخاص انتي
ملاك ــــــ حلوا هاي عالمي الخاص
مروان ــــــ اي لان انتي عالمي الخاص عالم بيه كلشي بس مابيه قهر مابيه جذب مابيه كره مابيه اي شوائب
ملاك ــــــ وانته عالمي الخاص عالم امن
مروان ــــــ اني عالمي يختلف عن عالمج اني عالمي بيه كل الامنيات الحلوا
ملاك ــــــ اي
مروان ــــــ تعالي بحضيني،،، مرا الايام والتحقت صارت اتخابر كل ربع ساعه اني عندي شغل بس شسوي ارد لان ادري تخاف وتخابر طلعت بمهمه خمس ساعات لگيتها حارگه الموبايل حرگ ضحكت يروحي هيه خابرتها واعولت مافتهم عليها كلشي منا تشهگ وتبجي ومنا صوتها مبحوح ومنا ترزل وعموري يبجي يمها ضليت اضحك عليها وهيه ضلت ترزل كلمه افتهمها وعشرا لا سكتت وضلت تشهگ وتبجي،،،، حبيبتي مابيه شي اني مو گلتلج راح اروح مهمه واذا مارديت لا يضل بالج هوا هيج ياحبيبتي هوا هيج ياعيوني
ملاك ــــــ هئ خفنا عليك
مروان ــــــ ههه انطيني عموري
ملاك ــــــ هذا بابا يريد يحاجيك
عمر ــــــ الو
مروان ــــــ وف يابعد الالوات ياروحي شلونك يوليدي
عمر ــــــ هئ هئ
مروان ــــــ ضحكت حتى الولد مبجيته،،،، شلونك مو سألتك عموري انته شلون اطب دون استأذان منو سمحلك
علي ــــــ اسف سيدي بس
مروان ــــــ اطلع يالله
علي ــــــ موضوع مهم
مروان ــــــ اجل مواضيعك هسه
علي ــــــ حاضر سيدي
مروان ــــــ طلع ورجعت احاجي عموري حاجيت ملاك البعدها تبجي سكتتهم بعدها گلتلها حنام فد ساعه زمان لتخابرين هيه گالت اي نمت وجريتها نومه طويله گعدت لگيت الموبايل محروگ خابرت عليها و رزلتني واكيد لازم تبجي طفله وربي ضليت ساكت وهيه تحجي وتبجي شويه عافت الرزايل وگامت تتغزل وتشرحلي انها خايفه عليه،،، حقج عليه يروحي بس والله مو نايم زين ونمت تعبان حيل
ملاك ــــــ هئ اي نوم العافيه
مروان ــــــ ملاكي
ملاك ــــــ نعم
مروان ــــــ عالمي الخاص
ملاك ــــــ هئ ههه نعم
مروان ــــــ ترا اني احبج
ملاك ــــــ واني احبك
مروان ــــــ اموت عليج ديربالج على نفسج وعموري من تروحين للمدرسه خلي يم الجاره
ملاك ــــــ هوا هيج احبك
مروان ــــــ اموت عليج
ملاك ــــــ تدري على هالهبطات اتمنه يمي واضل حاضنتك
مروان ــــــ هههه احضني ملابسي
ملاك ــــــ اي والله هوا اني هيج اسوي من انته مو موجود
مروان ــــــ واني ماعندي شي الج احضنه
ملاك ــــــ احبك
مروان ــــــ عسى اليحبوني كلهم انتي
ملاك ــــــ جنت ماحبك
مروان ــــــ هههه ذيج الفترا لعبتي بيه طوبه
ملاك ــــــ اي بس هسه اموت عليك مجنونه بيك شنو مسويلي سحر
مروان ــــــ لا انتي مسويتلي سحر تاحبج هالگد
ملاك ــــــ احبك
مروان ــــــ اموت عليج احبج عالمي
ملاك ــــــ احبك
مروان ــــــ وف راح اشتاگلج هيج كافي اتگولين احبك
ملاك ــــــ شگول
مروان ــــــ گولي اي شي بس لتحسسيني مشتاگتلي
ملاك ــــــ هههه والله مشتاگتلك حبيبي
مروان ــــــ انو چطتها هههههه
ملاك ــــــ اوف شلون ضحكتك حلوا
مروان ــــــ مو انتي حلوا واذانج الزغار حلوات لهذا يسمعن صوتي حلو
ملاك ــــــ انته لطيف واني حيل احبك
مروان ــــــ هههه ولج والله اني اموت بيج اموت عليج حبيبتي
ملاك ــــــ الحياة وياك حلوا
مروان ــــــ احبج
ملاك ــــــ واني اموت عليك
مروان ــــــ اگلج هسه اتصل يعيوني انتي يندگ الباب
ملاك ــــــ اي مع السلامه
مروان ــــــ الله وياج اتفضل
علي ــــــ تحياتي سيدي
مروان ــــــ تگدر تطلع واتخلي الجندي الجوا ايدك يجي
علي ــــــ سيدي
مروان ــــــ اطلع
علي ــــــ سيدي لا تخبط العمل و البيت سويه
مروان ــــــ اني انتقص منك واگلك اطلع
علي ــــــ مو طالع
مروان ــــــ سكتت وارتاجيت عالكرسي هوا اجه گعد گدامي ضل يدگ عالمكتب وترني يعرف ماحب هالحركات،،،،، ايدك صرعتني
علي ــــــ سيدي العقيد راح ينقلنه اني وياك عالموصل و اني لميت غراضي وانته هم لم غراضك
مروان ــــــ تگدر تطلع اعرف شسوي
علي ــــــ مروان ترا اني ندمان حيل واكل بروحي
مروان ــــــ رفعتله حاجبي وگلتله،،،، اشو مروان حاف عالقليله گول سيادة الضابط مروان عالقليله بعدين اندم الندم حلو واكل نفسك ولو لحمك مو طيب ونجس
علي ــــــ تسلم
مروان ــــــ طلع من المكتب انقهرت ورا ساعه كملت وخابرتها اكلتني حاصل فاصل يا ماتحبني يا يا،،،، ولج بابا راح انتقل للموصل ياعيوني انتي لا تبجين گرعتي راسي يابنيتي
ملاك ــــــ هئ هئ
مروان ــــــ اهو راح تنعمين من گد ماتبجين
ملاك ــــــ هئ هئيييئ احبك
مروان ــــــ اموت عليج
ملاك ــــــ اعشقك اتنفسك اني اموت عليك
مروان ــــــ لا البشر يتنفس عالمه مو العالم يتنفس البشر واني اتنفسج ياعالمي الخاص
ملاك ــــــ عالمك الخاص
مروان ــــــ اي احبج حيل انتي دنيتي كلها دنيتي الخاصه اموت عليج طفلتي الحلوا
ملاك ــــــ ترا اني صرت احس نفسي طفله بسببك
مروان ــــــ هههه وف احلى طفله يالله طفلتي ديري بالج على نفيستج و على ابنه و ديربالج من الطباخ والكهرباء ماشي اوليدي
ملاك ــــــ ماشي احبك
مروان ــــــ واني هم احبج اروحلج فدوا اني
ملاك ــــــ اموت بيك ياروحي
مروان ــــــ ربي يسلمج من كل شر ياروحي انتي يابنيتي الغاليه
ملاك ــــــ احبك والله حيل احبك
مروان ــــــ واني مشتاگلج
ملاك ــــــ اني هم مشتاگتلك
مروان ــــــ وف راح اكمل شغلاتي واخذ غراضي علمود اروح لمكتبي الجديد
ملاك ــــــ ماشي حياتي انتضرك تتصل
مروان ــــــ اي مع السلامه
ملاك ــــــ الله وياك
مروان ــــــ كملت وشلت غراضي جان كم ملف مو كاملات انطيتهن لضابط دريد هوا يكملهن طلعنا صعدنا السيارة العسكريه ماحاجيته هوا يسوق گلت اخابر ملاك شويه خابرتها ردت بساع،،،، هههه شنو جنتي منتضره اتصالي
ملاك ــــــ اي
مروان ــــــ ياروحي
ملاك ــــــ عموري گعد ويريد يحجي وياك
مروان ــــــ ياروحي انتي وعموري انطينيا الو هلا بابا
عمر ــــــ تونك بابا
مروان ــــــ زين يابعد البابا انته شلونك
عمر ــــــ اني دين و ملوته تلتلي ننه
مروان ــــــ لا تاكل هوايه يتسوسن سنونك
عمر ــــــ مع ديبات
مروان ــــــ ياعيوني انته اروحلك فدوا انته والديبات وف اجي اكلك اتحلى بيك
عمر ــــــ هبت بابا
مروان ــــــ واني احبك يابعد البابا فوت منا يالاذگن مو هذا طريق حكومي وين فوتتنا بالسرا
عمر ــــــ بابا
مروان ــــــ مو عليك باباتي مو عليك عجل وين ماما ملاك
عمر ــــــ نات
مروان ــــــ وين هناك
عمر ــــــ تويلي فواهت
مروان ــــــ ههه اسمهن فواكه مو فواهت
علي ــــــ ممكن تنطييني احجي وياه
مروان ــــــ لا
علي ــــــ
مروان ــــــ وين امك عجل
عمر ــــــ مادت
مروان ــــــ ماجت
عمر ــــــ لاع
مروان ــــــ انزل شوفها
