ملاك ــــــ اي
عمر ــــــ بابا
مروان ــــــ عيون البابا
عمر ــــــ ننه
مروان ــــــ روح لعلي يشتريلك
عمر ــــــ اي ننه
مروان ــــــ اكلك وليدي اكلك
عمر ــــــ هههه ننه
مروان ــــــ نزلته راح يتدحرج لعلي نمت على ايدي حسيتها تحضني گلبي طبل صديت عليها،،، شبيج
ملاك ــــــ حلمت ابابا
مروان ــــــ الله يرحمه
ملاك ــــــ انته تنطي شبه لبابا
مروان ــــــ اني اشبه ابويه لذلك انطي شبه لابوج بس وين شايفته
ملاك ــــــ بالصور
مروان ــــــ ابوج جان ضابط و جان يگلي اتخرج بساع تا اخذك ضابط ويايه
ملاك ــــــ شلون جان بابا
مروان ــــــ حنين سبورتي عصبي
ملاك ــــــ يعني مثلك
مروان ــــــ لا شايفه طباع علي نفس علي يضحك ويشاقه بس من بعصب يعصب و حنين وكريم
ملاك ــــــ اي اني اكره امي
مروان ــــــ ليش
ملاك ــــــ هيه عافتني عليك وراحت تزوجت هيج گالي جدي
مروان ــــــ اي بوكتها گالت ادري محد يهتم بيها بس انته وراحت
ملاك ــــــ هئ ماحب الامهات
مروان ــــــ ملاك هم يجي يوم واصيرين ام وتشوفين حب الام مو كل ام ام لتعمين الامهات بأمج فهمتي
ملاك ــــــ هئ
مروان ــــــ حضنتها بليل طلعت افتر رجعت لگيت الانقلاب بالمطبخ،،،، يمصگعين هاي شسوون
علي ــــــ مرتك تعرف اتسوي كيك و اني نزلت وصفات من اليوتيوب وجاي انسوي
مروان ــــــ الله يالنداره الارضيه كلها طحين الجيس ذاك اليوم اشتريته ماتخافون من الله يولو
علي ــــــ عادي نشتري بداله
مروان ــــــ استلم استلم
علي ــــــ هههه خلي مستانس
مروان ــــــ مستانس بعينك هسه شيطلع العجين من راسه ها
عمر ــــــ ههه بابا حوو
مروان ــــــ حوو بعينك گوم تعال يالله
عمر ــــــ ما
مروان ــــــ استلم المصايب استلم
علي ــــــ سويلك شغله لو بس اگعود
مروان ــــــ اتجتفت،،،، هذا شغل لو تدمير
ملاك ــــــ استوت الكيكه علي حضرت الككو
علي ــــــ اي هذا
ملاك ــــــ انطيني
مروان ــــــ صبته عالكيكه وانطته لعمر ياكل،،،، تريد تموتولي ابني كافي لتاكل مايكفيك الننه اليجيبه علي
علي ــــــ الله شگد معقد ماجنت هيج ها مرة اخويه معقدتك مو عود خطيه هله هله بگليبه ترا يحبج يعشقج
مروان ــــــ انجب،،، دحگت بعيونها جانت خجلانه ونزلت راسها ومبتسمه صبت واكلنا طيبه جانت،،، يالله نضفي المطبخ وتعالي
علي ــــــ مروان عندي موضوع وياك
مروان ــــــ تعال
علي ــــــ مروان اذا لگيت اهلي و گلتلك اروح اعيش وياهم ماضوج
مروان ــــــ إن شاءلله متلگاهم
علي ــــــ لگيتهم
مروان ــــــ ضليت مشدوه و صافن اذا عرفهم اكيد راح يعيش وياهم وبوسطهم ويعوفني ماتحمل يبعد عني علي علي مثل ابني اني الربيته
علي ــــــ قررت باجر اروحلهم
مروان ــــــ متروح اختار لو اهلك الماشايفهم لو صديقك الگضيت عمرك وياه
علي ــــــ هههه تشاقه مروان مو جنت اتگولي اني ادورلك عليهم
مروان ــــــ وانته صدگت اسمع جنك كبرت وصرت ماتسمع كلامي روحه لاهلك ماكو فهمت
علي ــــــ مو على كيفك اريد اعرف اهلي اشوف امي وابويه
مروان ــــــ عفته ورحت دزلي رساله فتحت الصورا جان محضر جنطه رحت لغرفته،،، ها شنو مقرر تبقى يمهم طول حياتك
علي ــــــ اي
مروان ــــــ روح ماني عنك،،، عفته ورحت لغرفتي ضليت ادخن ومقهور والدمعه بعيني صبح الصبح واني مو نايم اندگ الباب،،، اي جاي،،، طلعت حضني
علي ــــــ راح اشتاگلك
مروان ــــــ روح يالله الله وياك
علي ــــــ هاي شبيك مروان لا تزعل مني بس من حقي اشوف اهلي صارلي 18 سنه مو شايفهم
مروان ــــــ حضنته حيل ودموعي نزلن،،،،، مو تنسا اخوك
علي ــــــ لا شلون انساك بس جيبلي الفصعون ابوسه
مروان ــــــ رحت جبته بوسه و حضنه حيل بدلت
ملاك ــــــ وين تريد تروح
مروان ــــــ علي راح يروح لاهله يعيش يمهم
ملاك ــــــ ليش واحنه مو اهله
مروان ــــــ لا يريد اهله الحقيقيين احنه مانعجبه،،، لبست شالها وطلعت اني بدلت وطلعت وصلته لحد الصقور و هوا كمل طريقه مقهور حيل راح هوا اني رحت لبحيرة الحبانيه بقيت اهناك اشم هوا بعدها رجعت للبيت لگيتها گاعده وتبجي،،،،، شبيج
ملاك ــــــ والله تعودت على علي
مروان ــــــ عجل اني شگول هاي عشرة عمر وياه
ملاك ــــــ اي
مروان ــــــ شغلت جگارتي ودخنت مر اسبوع والبيت فاضي ماله اي طعمه ماكو بيه روح ولا ضحك اندگ الباب جنت توني اريد اللتحق لگيته علي من الفرحه حضنته قوي
مروان ــــــ ها يالجلب ها گدرت بدوني اسبوع
علي ــــــ لا والله ماگدرت ماحسيت غير نفسي لام جنطتي ومودع اهلي واجيت
مروان ــــــ هذا بيتك الصحيحي فاهم احنه اهلك
علي ــــــ عز الله ابن امي
مروان ــــــ لو اگدر ماروح جان مارحت بس ماگدر ديربالك اهين ملوكه سوي لاخيج ريوگ ادري بيه هسه جويعين،،،،، رجعت حضنته و رحت للدوام مر اسبوع رجعت للبيت علي اللتحق وبعدها اللتحقت رجعت لگيته موجود طبعا هوا 15يوم واني اسبوع بهالفترا حسيت ملاك منجذبتلي بس اني ذاب ثگل عليها
ملاك ــــــ مروان حضرتلك الحمام
مروان ــــــ تسلمين
ملاك ــــــ و ملابسك هم
مروان ــــــ تسلمين،،،، هاي اول مرا اتخليلي ملابسي بالحمام سبحت وبدلت وطلعت اجت جايبه المنشفه رفعت رجليها ودنگت راسي نشفت شعري،،،، اني انشفه
ملاك ــــــ لا اني
مروان ــــــ اجيت اخذ المشط اخذته
ملاك ــــــ مروان اگعد
مروان ــــــ گعدت صارت تمشط بشعري وتتبسم لزمت ايدها احمرت من الخجل،،،، مو من عوايدج ملوكاتي
ملاك ــــــ مروان
مروان ــــــ حضنتني ضليت ساكت گلبها يدگ سريع،،، شنو واگعه ومحد مسمي عليج مو جنتي اتگولين ماتقبلك
ملاك ــــــ
مروان ــــــ اتحبيني،،،،، من گلتلها هيج شدت على رگبتي،،،،، يعني اي.
ملاك ــــــ لا
مروان ــــــ اي لا اني هم ماحبج شي متبادل،،، ضاجت ودمعتها بعينها،،، البارحه بنيه اعترفتلي ويايه بالدوام
ملاك ــــــ اي وشگلتلها
مروان ــــــ شعليج شگلتلها،،، سويت نفسي صافن ومبتسم
ملاك ــــــ ماگلتلها اني مزوج
مروان ــــــ ليش اني مزوج ؟ نسيت اي بس مرتي متحبني
ملاك ــــــ يعني ماگلتلها مزوج
مروان ــــــ لا
ملاك ــــــ حلوا
مروان ــــــ اتجنن اتخبل وهم ضابطه ويايه
ملاك ــــــ
مروان ــــــ راحت وعافتني طلعت لگيتها تبجي وعلي يگللها شبيج
ملاك ــــــ اخوك يحب ضابطه وياه بالشغل مو گلت يحبج ها و حرضتني اگله واعترف
علي ــــــ ههههه ليش مروان وين يمه ضابطات يجذب عليج بابا مايمه لو حتة ضابطه بس يريد يغورج
ملاك ــــــ يعني مايمه ضابطات
علي ــــــ لا
ملاك ــــــ اي
مروان ــــــ هلاو شجاي اسوون
ملاك ــــــ ماجاي نسوي شي
مروان ــــــ اي
علي ــــــ ها يالمدرع امورك تمام اليوم وتبتسم
مروان ــــــ دحگتلها مبتسمه ومنزله راسها بالگاع،،،،، اي مو ماگلتلك اجا ضابطات يمنه نقل و بنيه انعجبت بيها بس خايف اگللها مزوج
