علي ــــــ امشي
شمس ــــــ انطتني فرح رداء ومن ملابسها ورحت الطريق كله ابجي دليته وصلني گلتله عود خل يدزلي الاوراق گال ميخالف،،، سلمت وطبيت سولفتلهم انو اريد اطلگ خالي ماقبل
الخال ــــــ بابا الطلاگ مو شويه
شمس ــــــ ميريدني عليش اجلب بيه
الخال ــــــ براحتج تا ماتگولين اخوان امي مايريدوني
شمس ــــــ لا ماگول،،،،، ضليت گاعده مرا تلتيام وجية مروان خالي گال انزلي شوفي نزلت اشوفه خزرني ضليت ساكته وخالي يحجي
مروان ــــــ لا عمي منو گال ماريدها الله وكيلك مخليه اخويه يجيبها واني مالي علم بجيتها ترضاها بنتك تروح بدون علم زوجها
الخال ــــــ لا والله ماقبل صح يخالي
شمس ــــــ عليش مجلب بيه دامنك متريدني
مروان ــــــ اسمع وين ردينه
شمس ــــــ ضل يحجي ويه خالي طلع هوا وماگفاة بالطريق متعصب ويسوق سرعه اني اخاف،،،، مروان سوق على كيفك،،،، صد عليه متت من الخوف سكتت الضاهر ماناويلي على خير صرت ابجي وگف السياره
مروان ــــــ مو يطلعلج گرن وتگوم تنطحين
شمس ــــــ مروان ماريدك لا تجبرني عليك
مروان ــــــ حس ماسمعلج لا ابتلي بيج
شمس ــــــ اني مو ضعيفتلك اني اشكرك لانك نقذتني من عمامي بس بعد ماتحمل اعيش هالعيشه اني مو ملاك اني شمس ولا اشبها ولا اعرفها شفتها مرتين وبس وبعد ماشفتها وحتى صوتي يختلف عن صوتها افهم حبيبتك ماتت
مروان ــــــ اش اسكتي
شمس ــــــ
مروان ــــــ السويتي مو حبا بيه السويتي رد دين مو
شمس ــــــ اي
مروان ــــــ واني الفكرتج اتحبيني
شمس ــــــ لا
مروان ــــــ كل هذا مو مهم المهم انتي زوجتي
شمس ــــــ
مروان ــــــ و شي ثاني تصرفي تصرفات ملاك مفهوم
شمس ــــــ لا اخ هد راح اتكسر سنوني هد
مروان ــــــ هذا فكج اسويلجيا طحين الراددتيني
شمس ــــــ سكتت وصلنه البيت نزلت سلمت وطبيت للغرفه
عمر ــــــ عليش رجعتي
شمس ــــــ ابوك رجعني
عمر ــــــ جان گلتيله ماريدهم
شمس ــــــ فهم ابوك اني مو ملاك فهمه
عمر ــــــ اي هوا يعرف انتي مو ماما
شمس ــــــ اطلع واخذ اخوتك من الغرفه اطلع،،،، صديت عنهم شويه واجه مروان رفع وجهي
مروان ــــــ جري عدل ملاكي
شمس ــــــ وخر وخر،،،، دفعته بقوه وگمت،،،، لتتصرف هيج لتخوفني منك
مروان ــــــ اني اريدج اتخافين
شمس ــــــ رفعلي حاجبه رحت صرت ابجي برا الدنيا غروب صرت ادعي الله يلحگني بأمي وابويه ماحسيت غير شخص يحضني
مروان ــــــ لتدعين ماخسرج انتي هم
شمس ــــــ هئ كله بسببك ادعي على نفسي بالموت هئ كسرت گلبي واني حبيتك
مروان ــــــ واني حبيتج شمس بس انتي من هربتي طلعتي الشيطان الجوايه
شمس ــــــ لو تحبني ماتشبهني بملاك
مروان ــــــ اشايه والله واذكر اسمها لتدعين على نفسج
شمس ــــــ دفعته خاف يجي علي يشوفنه تعشينه تحاشيت ادحگله بس حسيت هوا يدحگلي غصيت مدلي مي شربت
مروان ــــــ اسم الله على كيفج
شمس ــــــ الحمد لله شبعت،،،، رحت للمطبخ غسلت المواعين ومسحته حضرت تعليله الهم اجت فرح غسلت المواعين وديت الحبشكلات وگعدت بالمطبخ شربنه گهوا اني وفرح وحجينه بالدراسه شويه واترخصت تدرس اني هم رحت راجعت ونمت لان حيل اغفي گعدت على صوت الباب من ينفتح صوته مزعج سده واجه نام جرني لحضنه شم عطري
مروان ــــــ مشتاگلج ملاك هوايه ليش عفتيني ورحتي
شمس ــــــ ماحجيت شي گمت بدلت ملابسي وخليت من غير عطر
مروان ــــــ ليش
شمس ــــــ لان اني شمس مو ملاك،،،، نمت هوا صد عني ضاج من حجيي عجل اذا ابقى اتصرف مثل ملاك شوكت يحب شمس صرت اطبخ غير الطبخ التطبخه وماهتم بيه مثلها صرت اخلي ملابسه بالحمام واحذيته اخليهن برا من يريد يلبسهن كلشي غيرت رجعت من المدرسه لگيت سيارة مروان موجوده و الجهال يبجون ويمنه اصوات زلم صعدت لغرفتي بدلت رمشت على مروان اجه علي للمطبخ
علي ــــــ ها رمشتي
شمس ــــــ اي منو يمنه
علي ــــــ اصدقائنا
شمس ــــــ ماعدنا ضيافه ولا مسواگ ترا
علي ــــــ اي وصيت على غدا هسا فد شويه ويجي
شمس ــــــ اي
علي ــــــ لتخافين ترا ماكو شي
شمس ــــــ شنو
علي ــــــ ماگالولج الجهال
شمس ــــــ شنو لا
علي ــــــ هيج وين فرح
شمس ــــــ فرح وگفتها الجاره هسه تجي
علي ــــــ اي
شمس ــــــ اجه علي جايب صياني وخرت من عليهن الغلاف و عمر اخذ السفره مدها و ودا علي الاكل طلعت للصاله وصرت اسمع اصوات اصياح واحد يتألم نفس صوت مروان،،،، عمر تعال هذا منو الينوح
عمر ــــــ بابا
شمس ــــــ اصفريت اجه علي ينگل الصياني سألته كال ماكو شي بس مروان تصاوب ردت اصيح سكتني صعدت لغرفتي ابجي اريدهم بس يروحون للعصر تاراحو رحت لگيت مروان يون من جرحه حضنته
مروان ــــــ ول وخرررري وخرررييي
شمس ــــــ مروان شبيك
مروان ــــــ اخ يايمه راح تطلع روحي
شمس ــــــ اسم الله اسم الله لتحجي هيج والله اموت إن شاءلله بيه ولا بيك
مروان ــــــ علييي بسسس ناااديييلييي علللييي عللليييي
شمس ــــــ رحت ناديت علي طالع اجت فرح نزعته تيشيرته
فرح ــــــ جيبي معقم وگطن وتعالي
مروان ــــــ اييييدييي يايمه
شمس ــــــ طبعا الطلقه جايه بمفصل الكتف جبت التعقيم گعدت فرح تعقم بالجرح لگتها بيه جراحه ملتهب،،،، هاي شگد صارله الجرح يمروان
علي ــــــ ها شبي مروان
فرح ــــــ جرحه حيل ملتهب ودي للدكتور
علي ــــــ جيبيله ملابس شمس
شمس ــــــ ركضت جبتله ملابس ماللبسناه بس لفيناهن عليه ردت اروح بس ماقبل ضليت انتضره على نار النار رجعو المغيرب اخذه نومه بالربعه انتبهت لبطنه هم بيها گمت اللطم
مروان ــــــ ارحميني من صوتج وخل انام
فرح ــــــ تعاي يشمس
شمس ــــــ طلعت وضليت افتر اجه علي راد يطلب اجازه بس ماقبلو ينطوه ثاني يوم التحق ضربت الدوام وعلي خطيه كال عود بالطريق اخابر اطلبلج اجازه رحت للغرفه لگيت الجهال كاعدين يم ابوهم
عمر ــــــ اطلعي منا
شمس ــــــ اسكت هسه يگعد ابوك
عمر ــــــ اطلعي
شمس ــــــ سكتت وطلعت رحت ابجي
مروان ــــــ ها شبيج تبجين مابيه شي
شمس ــــــ عليش طلعت وهسه تبرد ليش مو لابس
مروان ــــــ ماگدر اللبس وبعدين شنو ماطلع اريد عالتواليت
شمس ــــــ وصلت شويه وطلع غسل وجها،،، شتريد اسويلك ريوگ
مروان ــــــ لعبانه نفسي ماريد
شمس ــــــ فكرت بس بيدك
مروان ــــــ عادي متعود شبعان طلق اني
شمس ــــــ تعال
مروان ــــــ عوفي اگدر امشي يعني
شمس ــــــ براحتك،،، رجع نام كلما اريد اطب عمر ميخليني،،، بس اطمن على ابوك تريد ابوك يموت؟؟؟
عمر ــــــ وحلي ماعلي شي ميموت
شمس ــــــ لتصير حقير خل شوفله ينادي،،،،، رحت يمه حرارته مرتفعه و يهلوس بملاك انقهرت و حسيت گلبي يريد يطلع
