مروان ــــــ بقيت احجي وياهم ساعه وبعدها طفيت ارتاجيت عالكرسي اتذكر خجلها مني و ابتسامتها وهدوئها ولطافتها وحنيتها وخوفها عليه عكس مرتي الاولى الماشفت راحه وياها هيه ابنها ذبته عليه ابتسمت واني اتذكر ملاك من تهمس بأذني وتتغزل لو تبوسني لو تلعب بشعري صدگ ملاك اندگ الباب طب علي دگ التحيه انطاني الملفات ماعبرته طلع طلعت لان جنت جوعان لگيته يضحك ويه الولد ولا كأن تبرا من اخو انقهرت واني عليش مهتم هوا الخسرني طلعت للمطعم اغير جو اكلت و افتريت ورجعت كملت شغلي رجعت لگيت علي يخابر عرفته يهددو شفته راح للعقيد گلت اروح ليش لا طبيت واسمعه يريد حرس لشقته ماقبل ينطي طلع قنعته وطلعت دزيت الجندي گلتله العقيد ينادي الضابط علي رحت لغرفتي كملت شغلاتي وضليت ملان قررت انام عالتخم ولو مايكفيني بس احسن من الماكو نمت گعدت على دگة الباب رحت گعدت بمكتبي،،،، ادخل،،،، طب علي و دگ التحيه قبل لا يحجي گلتله،،،، وتالي ملازم علي ماتخلصني من وجهك الشؤم
علي ــــــ اني اجيت اشكرك لان قنعت العقيد يدز حماية
مروان ــــــ تگدر تطلع
علي ــــــ حاضر
مروان ــــــ طلع حسيت گلبي ينحرگ اخوتنه هيج اتروح اني السويته لمصلحته اتصلت عافيتي رديت عليه،،،، ياهلا بمن ذكرني
ملاك ــــــ شلونك
مروان ــــــ جنت مخنوگ ومن اتصلتي راحت الخنگه
ملاك ــــــ الله يبعد عنك الخنگه
مروان ــــــ حياتي وانتي شلونج شلون ابنه
ملاك ــــــ ههه زينين بس مشتاگيلك حيل
مروان ــــــ مو اكثر مني
ملاك ــــــ حبيبي شيمرر هال15يوم
مروان ــــــ يمرن يمرن
ملاك ــــــ مروان احبك اني
مروان ــــــ واني احبج
ملاك ــــــ اكثر من ماتصور اني احبك
مروان ــــــ مو بگدي ياعالمي الخاص
ملاك ــــــ احبك
مروان ــــــ مو بكثري يادنيتي
ملاك ــــــ اي شجاي اسوي
مروان ــــــ گاعد تويته اجه علي
ملاك ــــــ اي
مروان ــــــ يضحك ولا جن خسر اخو مقهور من عنده حيل ماقدرني نساني لاجل هالسافله هاي
ملاك ــــــ لتخلي ابالك والله هوا لو يحبك ماتخلى عنك
مروان ــــــ اي الله كريم
ملاك ــــــ حبيبي
مروان ــــــ صايرا تتغزلين هوايه
ملاك ــــــ
مروان ــــــ ههههه اتغزلي يابه اتغزلي هوا شنو مفرحني غير حبج اليه ملاك ــــــ
مروان ــــــ اروح فدوا للخجول اني
نروح لفرح
فرح ــــــ الو شتريد
علي ــــــ لا هيج بس حبيت اطمن عليج
فرح ــــــ تطمن
علي ــــــ اي فرح وينج انتي
فرح ــــــ بالبيت وين
علي ــــــ لتطلعين نهائيا ولتفتحين الباب ترا شقتنا مراقبه
فرح ــــــ لتخوفني علي
علي ــــــ لتخافين دزيتلج حمايه فد شويه ويوصلون
فرح ــــــ وانته
علي ــــــ واني شنو
فرح ــــــ مايمك خطر مو
علي ــــــ مادري لحد هسه الامور تمام بس بعدين مادري
فرح ــــــ علي
علي ــــــ خير
فرح ــــــ ديربالك على نفسك
علي ــــــ اي ماشي
مروان ــــــ مرت الايام واجه يوم المهمه رحنه للمكان الاعترف بيه المهرب همه ماعدهم علم لان علي گال ماخلي يعترف بس لتگربون يم بيتي ف علي بقى بالدوام ماتحرك اما احنه طلعنا شي على شي طوقنا المكان وصارت بيناتنه مشاحنات اتصاوبت بجتفي گعدت لگيت علي گاعد يمي ولازم ايدي نفرتها من ايدي
علي ــــــ لا تسوي هيج مروان انته مصاوب
مروان ــــــ گوم منا گوم اطلع
علي ــــــ خليني يمك مروان
مروان ــــــ ردت اگوم رجعني للفراش صديت عنه،،،، محد اجه من اهلي لا ابويه لا امي لا ابو زوجتي لا عمامي لا اخواني ههههه نسيت اني يتيم
علي ــــــ مروان ماجنت اقصد اگلك بس والله غصب عني
مروان ــــــ ماعرف ليش صاير اتقزز من اشوفك
علي ــــــ مروان لا تحرگ گلبي يخوي
مروان ــــــ اني مو اخوك انته هذاك اصلك موصلي اخوانك من موصل مو من اهين
علي ــــــ مروان اسف والله جنت متعصب
مروان ــــــ لا تبرر عذرك اقبح من ذنبك امشي اطلع منا
علي ــــــ ارتاح ماطلع
مروان ــــــ فصخت السيروم وگمت وجع فضيع بجتفي و دوخه لزمتني بس ماستسلمت طلعت اجه الدكتور رجعني للفراش گلتلهم يطلعون علي غصب عنه طلع انقهرت لاول مرا انقهر ماعندي اهل بسبب علي بسبب اخويه بسبب التعبت عليه بسبب الربيته يومين وطلعت لگيته نايم برا مشيت اجه لزمني من ايدي،،، هدني هسه عايلتي منتضرتني
علي ــــــ مروان لا تحرگ گلبي الله عليك
مروان ــــــ عفته صار ينحب ويبجي اجه حضني من جتفي السليم
علي ــــــ والله اطلگها بس سامحني والله اعوف دنيتي كلها بس سامحني يخوي
مروان ــــــ خلص انتهت اخوتنه من عيرتني بيتامتي
علي ــــــ اني اوصلك الله عليك
مروان ــــــ رحت صعدت سيارتي هوا اجه صعد ويايه مشيت السياره ضل يمسح بدموعه انقهرت عليه جتفي صار يوجعني وگفت السياره دحگلي
علي ــــــ ترا مانزل اني
مروان ــــــ شربت علاج وسقت ضل يحجي سويت نفسي مطنش يأس گال نزلني نزلته ورحت للبيت طبيت لگيت ملاك بالغرفه تناشغ وتبجي ومطلعه ملابسي وحاضنتهن ضحكت عليها رحت وراها بست شعرها شهگت وگمزت من الفراش من شافتني اجت ضربتني على صدري وصارت تبجي وتشهگ وتحجي مثل الطفل المحموس،،،،، اخ ايدي ايدي
ملاك ــــــ هئ صارلك 18يوم غايب
مروان ــــــ اخ
ملاك ــــــ شبيها ايدك
مروان ــــــ نزعت القميص شافتها واهتالت حضنت رگبتي وصارت تشهگ وتبجي،،،، مابيه شي حبيبتي لتبجين.
ملاك ــــــ هئ مروان هئ هئ هئيييئ
مروان ــــــ تدرين شالمأذيني هسه
ملاك ــــــ شنو هئ إن شاءلله بيه ولا بيك إن هئ إن شاءلله
مروان ــــــ لتبجين والله بجيج ودموعج المأذياتني لتبجين ياروحي يابنيتي ياطفيلتي انتي لتبجين شو دميعاتج امسحيهن،،، مسحت دموعها صارت تهتم بيه وخرت الملابس وخلتني انام مافشلتها راحت جابت مي وشربتني گعد عمر اجه حضني وصار يبوس بيه ورجع نام بحضيني اجت هيه جايبه فواكه وگعدت توكل بيه وتبجي كسرت بخاطري والله مسحت دموعها،،، هسه عليش البجي يا عالمي الخاص
ملاك ــــــ هئ يوج يوج يوجع يوجعك هئيييييئ هئ هئ هئيييئ
مروان ــــــ هههه ادري تبجين بدالي لو شنو هههههههههههه اخ يا يابه تتوجعين بدالي شو جتفج مابيه شي
ملاك ــــــ لا تضحك هئ
مروان ــــــ يايابه ياوليدي الحلو،،، ضميتها لحضني وشميت شعرها احس بگلبي لازم اضمها
ملاك ــــــ يوجعك جتفك
مروان ــــــ تؤ اني جدامي مخدر عام وف شهالمخدرات جبت عمري اكافح المخدرات واليتاجرون بيهن بس انتي شيكافحج يولي مو هشمتيلي گلبي گلبي صار مدمنج بكل لحضه اضل افكر بيج وهايم
ملاك ــــــ وانته هم مخدرات واني ادمنتك كل لحضه افكر بيك احبك
مروان ــــــ ياروحي انتي مو اكثر من حبي ولج انتي عالم خاص بيه عالم صغير عالم مايجرح بريء طفولي حباب يخاف عليه يحبني احلى عالم
ملاك ــــــ اني اكتفي بيك من الدنيا
