مروان ــــــ اني احبج شمس
شمس ــــــ انته متحبني كافي تضحك عليه وعلى نفسك كافي مروان اهملني اهملني كلمن عليه بنفسه
مروان ــــــ براحتج حبيبتي اليريحج
شمس ــــــ والله لخليك تحبني عهد على حالي اخذته بس هسه خل اهمله واهتم بنفسي انسه شي بحياتي اسمه مروان رحت وعفته اجه عمر مارديت عليه اتجاهلته لان دوم يگولي اخذتي مكان امي ماريد اقهر نفسي صرت اهمله لو ابوه لو فرح يبدلوله ويسبحو صار يهتمون بيه بدالي حسيته محتاج اهتمامي اني اهتم بيه مثل الام بقيت اهتم باخوانه هوا لا دائما يدحگلي بنضرات ليش تهتمين باخواني واني لا اني صرت اقاهره،،، يابعد روحي ياوليداتي يابعد امكم اني من اروحلكم فدوه منو يحب الماما اكثر
علي ــــــ اني
عمر ــــــ اني
عمران ــــــ اني
شمس ــــــ انتبهتله من گال اني ناديتله ضل بمكانه مستحي على خوف ماعرف شوصفها،، تعال شبيك تعال،،، رحت گعدت يمه ولزمت وجها،،، تحبني
عمر ــــــ
شمس ــــــ ترا والله احبك واعتبرك مثل ابني والله
عمر ــــــ انتي متحبيني تحبين عمران وعلي واني لا ماتبدليلي ولا تسبحيني ولا تشتريلي ولا تنوميني بحضنج
شمس ــــــ اخذته لحضني،،،،، اريد اقهرك لان متحبني وبما انو هسه انته تحبني راح اعتني بيك اكثر لان انته كبرتي،،، رجعت حضنته اتخيلهم ضنايه من جد واحس نفسي المسؤوله الوحيده عنهم اجه بليل ماله مكان لان منومه الجهال يمي نام بالگاع ثاني يوم اجه للغرفه
مروان ــــــ بابا عموري اخذ عمران وعلي ونامو بغرفتكم ويه ولد عمكم
شمس ــــــ لا يخافون
عمر ــــــ لا منخاف احنه ابطال
شمس ــــــ راحو رحت نمت بفراشي دون لا احجي وياه شي ضل يدحگلي اشرتله بيدي يعني شكو سد الضو واجه نام
مروان ــــــ باجر اللتحق
شمس ــــــ تروح وترجع بالسلامه
مروان ــــــ اي وماحضرتيلي
شمس ــــــ ملابسك حضرتهن
مروان ــــــ واك
شمس ــــــ اكل للطريق الصبح اگعد اسويلك حتى يبقى طيب حذائك لمعته و ضميتلك احتياط شحاطه موجوده وملابس للاستراحه محطوطلك ومي و دوا مالت طريق ضميتلك كلشي محضر لا تهتم
مروان ــــــ ملاحضه ماكملت اسألتي تا اجاوبين
شمس ــــــ تصبح على خير
مروان ــــــ اي
شمس ــــــ ورا شويه گال
مروان ــــــ اليوم تا انروح وجان اواجه عمي يريد املاك شمس اقصد ملاك
شمس ــــــ اي وشسويت
مروان ــــــ مانطيتهيا راح اسجل نصهن لعلي وعمران ونصهن انفقه عن روحها
شمس ــــــ خوش
مروان ــــــ اي
شمس ــــــ اي
مروان ــــــ شمس
شمس ــــــ نعم
مروان ــــــ اني املاكي هوايه عادي اسجل بسمج
شمس ــــــ شسجل
مروان ــــــ گياعين
شمس ــــــ لا تسلم منو يگول نبقى ماريد منك شي
مروان ــــــ شمس
شمس ــــــ نعم
مروان ــــــ صايره اتخبلين
شمس ــــــ تسلم
مروان ــــــ كل هذا علمودي
شمس ــــــ لا علمود نفسي
مروان ــــــ عجل لا تحلوين ارجعي مثل قبل اني احبج مثل ماجنتي قبل
شمس ــــــ غلست على كلامه ونمت گعدت لگيته گاعد ويدحگلي ويدخن ماهتميت خل يعرف قيمتي زين اني من اول ماهملته هوا هيج ضايج وروحه زغيره حضرتله ملابس لبسهن ونزلت شويتله للطريق وسويتله اكل ضميته بحافضات اجه عموري حضن رجلي
عمر ــــــ شفت وحش
شمس ــــــ الابطال ميخافون من الوحش
عمر ــــــ شجاي اسوين
شمس ــــــ لابوك غدا للطريق
مروان ــــــ شمس كملتي
شمس ــــــ نزلت عمر وضميت الدجاحه بالحافضه انتبهتله يدحگلي،،، شبيك مو شايفني السنه
مروان ــــــ ههههه اربعه وعشرين ساعه بعيني
شمس ــــــ اي.
مروان ــــــ يالله اني رايح
شمس ــــــ مرواان
مروان ــــــ نعم
شمس ــــــ بخنگه،،،، لتروح
مروان ــــــ ببتسامه،،،، مع السلامه
شمس ــــــ راح اختنگت حيل و جايتني ابجي ماعرف ليش بس احس گلبي مو مرتاح ثگل بصدري گعدت ابجي و اشهگ مخنوگه طول ال15 يوم واني بس ابجي وراها ماجه هنا تاكدت احساسي مو مجرد احساس مروان صايرله شي و لهذا ميرد عليه علي حاول يتواصل وياه ماكو انتهت حياتي حسيت كلما اذكر من يدحگلي واگله شبيك مو شايفني السنه اموت من القهر ضليت بحدود السنه سجلت عموري بالمدرسه ورجعت للمدرسه مرت السنه وعمر ثاني واني سادس قررت اعتمد على روحي وانجح واصير ام واب لجهالي هوايه ناس گالولي رجلج مات عوفي وازوجي بعدج طفله بس مگدر اعوفهم مادامهم يگولولي ماما خلص السادس وطلعت معدل عالي رحت صيدله بامكاني اصير دكتورة اسنان بس كل هذا يبعدني عن جهالي ف ماگدرت اروح غير للصيدله جنت يم اهلي وماخذه الجهال ويايه رجعت لگيت الغرفه مالتي مفتوحه وبيها ملابس عسكريه جمدت بمكاني من شفته اي هوا رحت يمه،،،،، گوم منا شرررجععععككك گووووممم اااطلللع مننن غرررفتتنننااا،،، گعد فز من نومه اجه عليه حضني دفعته سنتين مو شويه
مروان ــــــ ميت عليكم خليني احضنج الله اكبر عليج ميت على شوفتكم وتدفعيني
شمس ــــــ دموعي لحالهن نزلن حضن جهاله التوم ناسينه بس عمر يذكره
مروان ــــــ شمسي
شمس ــــــ حضني حيل دفعته اريد اگله اطلع بعد ماگدر من الخنگه اشرتله للباب
مروان ــــــ تطرديني يشمس تطرديني دون لتعرفين وين جنت وشجنت عايش وشعانيت
شمس ــــــ گعدت ابجي گعد بصفي والجهال تحاوطوني
مروان ــــــ شمسي حياتي
شمس ــــــ ضمني لحضنه ماجنت بس اسمع دگات گلبه وشهگاتي الجهال حاضنيني وخانسين
مروان ــــــ جنت مخطوف
شمس ــــــ ماصدگك مستحيل انته تنخطف مستحيل
مروان ــــــ جنت مخطوف صدگيني
شمس ــــــ انته الصدرك للطلق والصواريخ وماتخاف الموت مو معقوله تنخطف
مروان ــــــ انخطفت هاي شبيج بعد اني مو سوبرمان تا مانخطف
شمس ــــــ هئ ليش غبت كل هالفترا حياتي ادمرت بدونك هئ كلها تضغط عليه زوجج مات ليش تلبسين املون زوجج مات ليش باقيه عوفي جهاله وتزوجي زوجج وينه خاف مزوج وانتي اطمطميله خاف اتبرا منكم خاف خاف كل هالاشياء سمعتها وانته هئ انته وينك ها گلي وينك هئ هئ.
مروان ــــــ جنت اتعذب واشتاگ جنت عايش بالضيم هالسنتين الشمس بالاسبوع مرا اشوفها لو اشوفها من الشابك البالغرفه من فوگ لو الشوگ الهمش گلبي
شمس ــــــ لحيته صايره طويله
مروان ــــــ اشتاگيتاكم ياروح ابوكم
شمس ــــــ حضنهم وصار يبوس بيهم ويشمهم ليما نامو
مروان ــــــ ومرتي ماشتاگت لرجلها لو بعدها على زعلتها القديمه
شمس ــــــ عفته وگمت
مروان ــــــ بيه گمل ترا بشعري
شمس ــــــ عاد اذا بيك گمل اصدگك
مروان ــــــ هههه تعالي شوفي
شمس ــــــ طلع صدگ بيه،،، تعال للحمام،،،، خليتله صابون رگي ويتغلغل بشعره لبسته علاگه ورحنه نمنا ثاني يوم گعد غسلتله شعره كله وگع مختنگ وميت
مروان ــــــ تسلمين ام ملاك
شمس ــــــ اي
مروان ــــــ ندمان
شمس ــــــ على شنو
مروان ــــــ هيج
شمس ــــــ وين جنت هالسنتين
مروان ــــــ مخطوفين بابا افهمي مخطوفين قابل وين جنت
