مروان ــــــ ماخوف
شمس ــــــ رفع ايدي باسها خفت منه حيل احس گلبي وگع ببمعدتي قرب وجهه عليه صرت ابجي وادفع بيه
مروان ــــــ لتبجين
شمس ــــــ وخر
مروان ــــــ ملاك
شمس ــــــ عفته وطلعت مقهوره قررت مانام بنفس الغرفه اخذت افراش واخذت الجهال ونمت بغير غرفه نمت گعدت رحت لغرفته طلعت ملابس بدلنه ورحنه للمدرسه كلشي ماعرفت شكلي راح اعيد الخامس مرا ثانيه،،، رجعت عالبيت بعد ما گالت المديره جيبو اولياء اموركم ضليت ابجي منو اجيب اني حتى مانزلت تغديت
مروان ــــــ ملاك ليش مانزلتي تتغدين جبتلج اكل
شمس ــــــ هئ ماريد
مروان ــــــ شبيج تبجين
شمس ــــــ المديره دزت ورا اولياء امورنا واني ماعندي احد
مروان ــــــ اني اروح عفيه بالشاطره
شمس ــــــ يا شاطره اني كسلانه وگالت اذا ماجبتي احد من اهلج يتعهد تدرسين زين تنفصلين البنات عدهن هئ اهل يجيبنهم بس اني ما ما عندي اهل ماعندي
مروان ــــــ تؤ واني مو اهلج،،،، شلتها خليتها بحضني رفعت وجها غمضت عيوني ماريد اشوفها غير ملاك،،، عالمي الخاص
شمس ــــــ ها
مروان ــــــ ملاك عالمي الخاص
شمس ــــــ بس اني شمس مو ملاك
مروان ــــــ لاول مرا شمس تگولي اني شمس مو ملاك دفعتني وگامت ادري مقصر وياها طلعت ضايج گعدنه بالحديقه ندسني علي
علي ــــــ لا تضلم بنت الناس وياك يمروان شوفلها ادور رضاك اتحملت اتگوللها ملاك واتحملت كلشي لخاطرك فرح اتگول عليها تسألني شلون جانت ملاك تصرف تا اتصرف مثلها تا مايلاحض غيابها وين تلگه مثلها ملاك ماسوت سوايتها شوفلها اتضحي بحياتها لخاطرك اتضحي بسعادتها هاي لو وحدا غير جان عافتك
مروان ــــــ دحگتلها نزلت راسها انتبهتلها طول الوكت ادحگلي متمل من شوفتي صرت اطلع واتأخر اشوفها شتسوي بهالبرد الگاها گاعده عالمرجوحانه تنتضرني والبرد رحت گعدت يمها لگيتها نايمه وخرت شعرها وعدلت شالها گعدت
شمس ــــــ جنت اقرا و نمت
مروان ــــــ مايمها لا كتاب ولا شي بس ماحبيت احرجها شلتها اخذتها للغرفه نومتها بدلت ونمت وتغطينه گعدت الصبح وصلتهن للدوام رجعت اكلني علي حاصل فاصل لان اتأخر وهيه تنتضرني صرت اميللها قررت اطلع اشتريلها خاتم افرحها شويه رحت لابو الذهب طلع حلقتين وحدا مالت زلم وحدا مالت نسوان تجنن اخذتها ورجعت جبتهن من دوامهن صعدت للغرفة لحگتها
شمس ــــــ مروان محتاج شي
مروان ــــــ لا
شمس ــــــ احم اريد ابدل
مروان ــــــ بدلي بالحمام
شمس ــــــ ماعرف
مروان ــــــ شنو تطرديني من غرفتي
شمس ــــــ لا،،،، رحت للحمام توني تا اسد الباب سحبني شهگت،،، مروان شتريد،،، سحب ايدي وخلى بيها حلقه حلقتي ذيج ذبيتها من شفته مو رايدني
مروان ــــــ لگت مكانها
شمس ــــــ ضليت صافنه شكرا بس ليش معذب حالك
مروان ــــــ لا عذاب ولا شي جبتها لمريتي
شمس ــــــ احم رايحه ابدل
مروان ــــــ اي
شمس ــــــ رحت بدلت وطلعت طلعنه تغدينه گعدت بالصاله ادرس
علي ــــــ ها مرة اخويه عندج امتحان
شمس ــــــ اي بس ماعرف كلشي
علي ــــــ روحي على مروان يعرف يدرس رياضيات
شمس ــــــ لا عيب
علي ــــــ شنو ماسمعت تعال يمروان اسمع مرتك الصگعه اگللها روحي لمروان يدرسج تگولي عيب
مروان ــــــ هههه تستحي مني
علي ــــــ اشو العندي ماتستحي حتى لو عرضت عليها مساعده اتفشلني بكل اريحيه
فرح ــــــ لا اتضل تتبله عليه اني هم استحي منك
علي ــــــ مبين
فرح ــــــ اصلا اني كيوت
علي ــــــ مبين
مروان ــــــ يالله ابويه تعالي ادرسج
شمس ــــــ رحت گعد يشرح صفنت عليه يربي ششخصيته حلوه
مروان ــــــ براسي گمل تا ادحگين علي
شمس ــــــ هه لا لا
مروان ــــــ انتبهي
شمس ــــــ اي
مروان ــــــ انتبهي بالورقه مو بوجهي
شمس ــــــ احم اي،،،،، صار يشرح صرت استرق النضرات بوجها اتعصب
مروان ــــــ وتالي وياج
شمس ــــــ ها شسويت منتبها وياك
مروان ــــــ لتجذبين
شمس ــــــ
مروان ــــــ انتبهي يملاك هاي اخر مرا والله اكتلج اذا مانتبهتي
شمس ــــــ لا شكرا ماريد راح اروح اقرا غير ماده هد ايدي
مروان ــــــ اگعدي احسلج
شمس ــــــ گعدت انقهرت اني شجنت متوقعه مهتم بيه ك شمس لو ك ملاك
مروان ــــــ انتتتتتببببهههههيييي
شمس ــــــ ماريد انتبه ماريد امتحن
مروان ــــــ هيه بمزاجج اذا رسبتي اخلص عليج فهمتي
شمس ــــــ رسبت نجحت لنفسي
مروان ــــــ مو لنفسج فهمتي مو لنفسج
شمس ــــــ اوي
مروان ــــــ ملاك جانت شاطره صيري مثلها
شمس ــــــ دفعته حيل و صحت بوجها،،،،، انننننيييي مو ملااااككك ااااننننييي شممممسسس ككككااافييي طگييييتتتت گلللببيييي اااافهههممم اااانننييي شممممسسس شممممسسس ماااشبببههه ملاااكك ولا صوووتيي صوووتها ولا اننننييي هيييهههه،،،،، فصخت الحلقه وذبيتها بوجها وطلعت،،،، علي توديني لمكان
علي ــــــ وين
مروان ــــــ امشي طبي لغرفتج
شمس ــــــ لخوالي
مروان ــــــ شمس
شمس ــــــ هسه تذكرت اني عندي اسم
مروان ــــــ اصعدي لغرفتج
علي ــــــ مو گلتلك الحگ گبل لا تخسر
مروان ــــــ انته انجب،،،، جريتها من ايدها وصعدتها فوگ وسديت الباب راحت يم الشباك سحبتها وسديت البرده،،،،، حبيبتي اني اسف بس ماريدج تبقين كسلانه مو حلوا الكساله
شمس ــــــ حبيبتك ملاك لو شمس
مروان ــــــ شمس
شمس ــــــ
مروان ــــــ صدي عليه
شمس ــــــ صديت بعيونه ضليت صافنه علي دنگت،،،، اني اسفه جرحتك بس والله جنت متعصبه
مروان ــــــ عادي بس بعد لتعيدينها
شمس ــــــ اي
مروان ــــــ شهالشعر الحلو ارجعي اصبغي اسود
شمس ــــــ تدلل
مروان ــــــ تعالي ادرسج
شمس ــــــ درسني ضليت اگوله عيد رجع يناديلي ملاك سكتت گلت يجوز ماخذ لسانه على ملاك كملنا مر اليوم وامتحنت جاوبت رجعت فرحانه دخلت للغرفه لگيته مطلع اللبوم شفت صورة عرسهم ودمعته على الصورة عرفت اني بهالحرب خسرانه مسحت دموعي ورحت بدلت بالحمام طلعت لگيته نايم ردت اطلع
مروان ــــــ ملاك طفيلي الضو وياج
شمس ــــــ ماشي تدلل ابو عمر
مروان ــــــ تسلمين
شمس ــــــ طلعت تغديت ورجعت للغرفه گعدت ادرس سويت صوت رفع راسه وخزرني بلعت ريجي واخذت كتبي وفليته گعدت بالصاله ادرس وعمر واخوانه يلعبون دحگتلهم واذا اني صرت ام رحت لاعبتهم بس عمر يكرهني غلست عليه وضليت احاول اخلي يحبني نامو التوم شلتهم وديتهم للغرفه اجه عمر نام غطيته
مروان ــــــ تعالي يمي
شمس ــــــ ها ليش
مروان ــــــ ماكلج تعالي
شمس ــــــ متكتلني لان گعدتك
مروان ــــــ ههه لا
شمس ــــــ رحت يمه سحبني وگعني على صدره
مروان ــــــ اني اعتبرتج ملاك وحبيتج بس عمر ميگدر يعتبرج ملاك
شمس ــــــ اي
مروان ــــــ تگددر تروحين
شمس ــــــ انقهرت من كلامه زعم لا تحاولين تدخلين حياتنه رحت سولفت لعلي كلشي وگلتله اني اريد اروح لخوالي زفر ضليت ادحگله
علي ــــــ يالله لمي ملابسج وتعالي
شمس ــــــ ماحاجه ملابس بس وديني قبل ليعرف
