شمس ــــــ رحت جبت خاولي صرت اسويله كمادات وغطيته صار يون من جرحه واني اخاف گعد يون ويتوجع واني ابجي عليه مابيدي غير البجي اجت فرح خطيه قبل لا تبدل فتحت الضماد و عقمتله جرحه و غيرت الضماد،،،، فرح امشي ساعديني نودي عالحمام
شمس ــــــ وجروحه
فرح ــــــ ماعليج بس شيلي ويايه
شمس ــــــ حاولنه انگله ثگيل گعدناه بالگوا وصلنا للحمام جبتله كرسي گعد عليه صارت شمس اتغسل جسمه بس ماتنگع جروحه رجعنا للربعه
فرح ــــــ اني راح اخذ الجهال وانتي بدليله
شمس ــــــ ابدله شنو لا عيب والله
فرح ــــــ مو زوجج بدليله راح اروح اجيبلج ملابس
شمس ــــــ راحت دحگتله غافي دست كصته حرارته خفت شعره ينگط مي بجامته منگعه وترط مي
فرح ــــــ هاج هاي ملابس يالله تعالو
عمر ــــــ اني ابدل لبابا
فرح ــــــ انجب وامش جدامي يالله لا اكتل
شمس ــــــ اخذتهم وراحت عدلت گعدته غصب عني دست جرحه
مروان ــــــ ااااخخ
شمس ــــــ اسفه اسفه والله مو بيدي هئ والله غصب عني
مروان ــــــ اخ يايمه
شمس ــــــ ساعدني خل ابدلك
مروان ــــــ
شمس ــــــ صفن على بجامته مد ايده السليمه
مروان ــــــ اطلعي اني ابدل
شمس ــــــ مادحگ خليني ابدلك انته صفاحك مضروبات متكدر تتحرك
مروان ــــــ شمس اسمعي الكلام انطيني
شمس ــــــ انطيته صديت ورا صار يتوجع ماگدر يبدل غمضت عيوني سحبت ملابسه
مروان ــــــ غطيني وبدليلي
شمس ــــــ غطيته وبدلتله
مروان ــــــ شكرا
شمس ــــــ بعده جتفك يوجعك
مروان ــــــ اي مورم
شمس ــــــ انته اطيب ماعليك شي ابو عمر،،،،، رحت جبتله ادوية التهابات ومسكنات واكل غديته وشربته ودفيته زين وانطيته ادوية افلاونزه صعدت لغرفتي محروگ گلبي هيه ميته واغار منها عجل لو بالحياة شسويت اجه عمر رايح مطرفس مي ركضت طلعتله ملابس وبدلتله،،، شجنت اتسوي
عمر ــــــ اغسل ملابس بابا تا مايموت مثل ماما
شمس ــــــ لا مايموت وامكم عايشه بگلوبكم بگلبك وبگلب ابوك واخوانك
عمر ــــــ اي
شمس ــــــ انته طفل بس ذكي انته ليش متحبني
عمر ــــــ لان ماما راحت وانتي اخذتي مكانها
شمس ــــــ لا
عمر ــــــ امبله
شمس ــــــ لا لتحجي هيج،،، عفته ورحت نزلت
فرح ــــــ رجلج صارله ساعه يصيح
شمس ــــــ فوگ وماسمعته هئ
فرح ــــــ شبيج
شمس ــــــ مابيه شي
فرح ــــــ اي روحي يم رجلج شوفي شيحتاج اني والله عندي امتحان بس من يحتاج شي ناديلي
شمس ــــــ تسلمين ماقصرتي والله ماعرف شلون اجازيج حقج
فرح ــــــ لا هذا واجبي
شمس ــــــ إن شاءلله انشوفج احسن دكتوره
فرح ــــــ تسلمين حياتي
شمس ــــــ رحت يمه
مروان ــــــ تعالي نامي يمي
شمس ــــــ نمت يمه
مروان ــــــ تغطي بغطاي
شمس ــــــ تغطيت
مروان ــــــ حتلو نمت لتروحين
شمس ــــــ لا ماعوفك نام،،،،، صرت اللعب بشعره نام ورا فتره گعد ضايج يريد يغير نومته بس صفاحه مصاوبات ثنينهن مايگدر يفتر عليهن يبقى بس على ضهره
مروان ــــــ ام ملاك عدلي گعدتي
شمس ــــــ ها
مروان ــــــ عدلي گعدتي
شمس ــــــ اي،،، عدلت گعدته
مروان ــــــ وين رايحه
شمس ــــــ هنا اجيبلك شي حار
مروان ــــــ گهوا
شمس ــــــ تدلل،،، رحت سويتله وانطيته
مروان ــــــ تسلمين
شمس ــــــ العفو
مروان ــــــ اريد جگارة
شمس ــــــ ماكو
مروان ــــــ گلتلج اريد جگاره
شمس ــــــ ماكو گلتلك انته مريض من اطيب
مروان ــــــ بنت ال&$&$& جيبيلي جگاره لا انعل ابو الخلفج
شمس ــــــ اهلي ميتين لتغلط عليهم
مروان ــــــ جيبيلي جگاره احسلج
شمس ــــــ ماجيب
مروان ــــــ اني اجيب لا خلفت
شمس ــــــ اگعد اگعد يهيجن عليك جروحك اني اجيبلك
شمس ــــــ رحت جبتله جگاره انطيتهيا راد يورثها،،، اصلا عليش امنعك ليش اني منو مجرد وحدا شفقت عليها وتزوجتها تكسب بيها اجر
مروان ــــــ شمس لتضل اتلمحين
شمس ــــــ ماملمحه لشي بس هذا واقع،،، ردت اروح
مروان ــــــ لتروح
شمس ــــــ ماتحمل اهانه اكثر
مروان ــــــ تعالي
شمس ــــــ رحت اشرلي اگعد يمه گعدت غطاني وياه وطفى الجگاره صد عليه
مروان ــــــ شبيههن عيونج ذبلانات ووجهج ذبلان من جنتي يم عمامج ماجنتي هيج
شمس ــــــ مابيه شي لا تشغل بالك ابو عمر
مروان ــــــ وين الجهال
شمس ــــــ فرح اخذتهم نومتهم
مروان ــــــ اي
شمس ــــــ شلون اتصاوبت
مروان ــــــ هجوم صار واني ماحتمي بساتر واتصاوبت
شمس ــــــ ستر من الله ما براسك لو بگلبك
مروان ــــــ اني كل مرا هيج تدرين نوبات ماطخني لا طلقه رغم يمي ومايطخني واذا اتصاوب ماموت الله حاميني لهذا يسموني المدرع
شمس ــــــ لخاطري بعد احتمي
مروان ــــــ هوا الساتر شنو لاعبالج يحمي من رصاص مايحمي بس هيج ختيلان
شمس ــــــ اي يوجعك صدرك جنت تشكي منه
مروان ــــــ هاي من جتفي يوجعني
شمس ــــــ اي الله يشافيك
مروان ــــــ شبيج
شمس ــــــ شبيه
مروان ــــــ ماعرف
شمس ــــــ مابيه شي
مروان ــــــ اي
شمس ــــــ شوكت اطيب عندي موضوع وياك
مروان ــــــ موضوعيش
شمس ــــــ مو هسه
مروان ــــــ اي
شمس ــــــ مرا الايام ومروان شبه طاب بس صار يمشي ويطلع ويبدل وحده قررت احجي ويه بالطلاگ لان من صدگ تعبت نفسيتي ماگدر اعيش ويه شخص احبه ويحب غيري وابنه الجبير مايحبني شما اسويله مايجي لعينه عود الاطفال ماعدهم تفرقه ،،،، مروان
مروان ــــــ عيوني
شمس ــــــ صفنت لان گال عيوني
مروان ــــــ شبيج.
شمس ــــــ احم،،،، رجعت من صفنتي ادري هوا گالها كلمة تسليكيه،،،، مروان اني قررت قرار نهائي يمكن يفيدك او لا ماعرف بس هالقرار حيل يفيدني وحيل يهمني ويسعدني مروان اني تعبت يمك و على گولتك ذبلت هئ بعد مالي طاقة تحمل ارحم صغر سني انته لا تحبني ولا عدنه جهال ولا جهالك يحبوني بعد عليش اطر اتحمل
مروان ــــــ شهالحجي ماكو طلاگ لتجيبين سيرة الطلاگ لو اتموتين هم ماطلگ مستحيل اطلگج فهمتي
شمس ــــــ سحبني من ايدي وهمس بأذني
مروان ــــــ طلاگ ماكو خليها ترجيه بأذنج
شمس ــــــ كافي لتضل اناني طلگني انته ماتحبني عجل عليش باقيه ردت اروح سحبني لحضنه دنگ على جتفي
مروان ــــــ منو گالج ماحبج يم اعيون الصفر ها
شمس ــــــ متحبني حتى من تمرضت وصرت تهذي هذيت بأسم ملاك مو بأسمي
مروان ــــــ ذاك اليوم مو اليوم
شمس ــــــ هدني وخر
مروان ــــــ لا تلحين عالانفصال ماطلگج ماخسرج
شمس ــــــ انته واحد اناني لان محد ترضا بيك تخرب حياتي علمود ابقى اخدمك واخدم جهالك اناني حيل انته
مروان ــــــ ليش هالحجي ست شمس ها لتخليني اضرب مو گلنالج احبج متعود على وجودج ماتحمل بعدج ماصدگين انتي النافره مني
شمس ــــــ لانك هاملني
مروان ــــــ لانج متريد تعترفين بزواجنه
شمس ــــــ انته المتريد
