اللقيطة (مُكتملة)

٢

لامني طالع صوج لاأنة غلطان
البس هدوم البيض وگليبي حزنان

مرحبا حبايبي ورداياتي الحلوين ان شاء الله تكونوا بخير وسلامة
ارجو مشاركة القصة مع اصدقائكم ولاتنسوا التصويت عفية حتى تظهر لكل من يبحث عليها وبدوري راح اتحمس واكتب باقي الاحداث بابتسامة لأن تشجعوني بتفاعلكم
🌼🌼🌼🌼🌼🌼🌼🌼🌼.
.

.
.
فزيت على كل جسمي يرجف عبالي  زلزال فتحت عيوني وماصدگ منو گاعد على طرف السرير،، عدنان!  شجاي تسوي بغرفتي؟،، لملمت اللحاف على صدري وخفت خاف ابوية ميدري بيه   وهو ولا عبالك يضحك ويدندن اغنية حتة مافرزنتهة من الفزة  ودخلت المداهمة الرعنة سهام، هسة كملت صرت بالطين وكلهة هسة تسويلي حجاية،، ولج گومي شگد تنامين،،
الحمد لله ماكو رعب اللي ببالي ظليت اباوع الهم وعيوني تروح من سهام لعدنان اللي اخيرا نطق،، گومي امي تريدج تساعدين البنات اليوم يرحون خطابة لعمي سعد موتدرين قبل اسبوع محددين الموعد،، ها.. أي.. وأنة شكو؟،، ضربتني سهام على راسي وگالت،، حتة تزفيهم،، وضحكو ثنينهم على شكلي المتفاجئ، والحقيقة اني مرتبكة لان عدنان مخليه ايدة على كعب رجلي ومامنتبه يمكن واني جامدة بمكاني، صاحت سهام،، هسة تگومين لو نسحلج من الفراش، ولك عدنان گوم شيلهة عليك العباس،، هو ماگال باطل وعيونة بيهة ضحكة خبيثة ووگف يم راسي ومن صدگ يريد يشيلني واني اصرخ،، لا والله گعدت .. راح اگوم، بس اطلعو خلوني اغير ملابسي،،
،، شوف العوبة اغير ملابسي،، حجتهة وهي تگلب بحلگهة سهام ودفعت اخوهة
وية ماطفرت من الجرباية اريد اقفل الباب جان اندفع   علي باب الغرفة وايد لزمت ايدي حيل،، يمة منو..،، جان عدنان لازمهة وعصرهة حيل عالباب ومد راسة مقابيل وجهي،، عود صباح النور،، ووخر وهو يضحك..
گبر گبرك هبطتني هسة هذا هم صباح وسديت الباب  واني اضحك ع تصرفاته، هذا شاخط يمكن لو استهتر من تركيا وقوانين اوربا اللي سوفلت الشباب المايعة.... بس بيني وبينكم هو من منهم 😊

بدلت ولبست حجابي وقميص طويل لحد ركبي ومرفوع من الجوانب بخيوط ساحبتة ليفوگ لونة ماروني وبنطلون اسود  عريض   وشال اسود وبيه ورد ناعم ماروني
ههه انسق واخرب عالتنسيق وترتيب روحي،، هاي شنووووو،، عدنان حجاهة بتعجب ورافع حواجبة واني تمنيت الگاع تنشگ وتبلعني من الخجل، هسة غير يجوز مني.... بعيني اني الك عاجبك تلعب وتضحك علية بسيطة، وماهتمين اخبر ابوية وين رايحين حتة ماصبحت عليه، ماادري اشعر بكره تجاهة ومرات استخطية ومرات اخاف من نظل لوحدنة خاف يسويلي شي لو يتهجم عليه صرت ماادري شنو يجي ع بالي من افكار راح اتخبل زين وهذول ع اساس عمامي مو يعرفون الحلال والحرام شون يخلوني بيت رجال غريب واكيد بعد ماسألت هو يحل علية ولاابوي ولا هاي الكلاوات، يمة جسمي يكزبر من افكر فريت راسي بسرعة اريد اطشر الحسبات اللي راح تجلطني واشرت لسهام براسي  يالله نروح.
،، بابا اذا يعجبج روحي للخطبة،، گالها وهو ضايج لان ماعبرتة.
التفتت له بنص جسمي،، ومنو گلك ماروح،، وعاقجة حلگي صفح، وسهام فاتحة عيونهة وحلگهة،، عزة عزاج، هيج تردين ع عمو حااازززم؟!!!،،
رجعت عيوني عليهة،، ماتطيرين،،