اللقيطة (مُكتملة)

فراق....... ولقاء

مرحبا احبائي وورداياتي.. ان شاء الله تكونوا بالف خير.
.
.
.
. قصة اللقيطة بقلم الكاتبة
عهودالفهدي،💋

.
.
.
استمتعوا بالبارت الاخير وحاولوا ماتبكوون 😘

.
من ماجاوبني حازم ظليت الليل كلة اتگلب خاف بيه شي گلبي مامطمن بس حاولت اتأقلم وي كلام تالي ولو عندي فلووس تكفي حجز طيران الرجعة جان حجزت وتركت تالي بس جان بوقتها ماعندي والهوية عند الفندق هذا روتين الحجوزات لازم ياخذون الهويات .. المهم صحيت ثاني يوم واني مصرة احجي وي تالي اخذ مبلغ الطيران وارجع.. شو هذي عصبت عليه
،، صدگ تحجييين فرررح... جاي نلعب احنة؟؟،،

،، لااا بس بالي يم حازم صار يومين اتصل وجهازة مغلق الا صاير شي،،

،، يمعووودة خلصينا... شنو صاير شي..،،
ووگفت ع حيلها وتأشر لي باصبع السبابة كتهديد
،، هذا شغلنة واني گلت لج من البداية ماكو بعد رجعة،،
يووووه ع حظي بعد شنو احجي... سكتت والنار تاكل بگلبي طلعت الونسة من خشمي
.. طلعنة نكمل تجهيز مواد التجميل من فرع تجهيز اربيل وانطونة مدة ٣ ايام حتة يكمل الطلب واني تخبلت  بس مااگدر احجي.. هي هم حقها يعني شبيدنة واني للعلم گمت اسجل شنو تطلب مني يعني انتكلت عليه وعييب افشلها.. وظليت بين حانة ومانة
.
.
.
.
صار العصر واتغدينة واحنة گاعدين بالحديقة وجان يجي نمر من بعيد شفته... استغربت لان عرف مكانه بسرعة التفتت ع تالين وخزرتها، وهي ضحكت ودارت وجهة لنمر تأشر له... تقرب اشو هالمرة ابد مانظر لي استغربت اكثر ونسيت غضبي من تالي وانشغلت بوجه نمر.. شبيه هذا... ظليت اسمع سبب حضورة وشنو يريد اشو تالي اخذتة من ايدة وراحت تتمشى وياه واني صافنة مثل الاطرش بالزفة صدگ ضجت بس مابينت لاي احد

رجعت وهو من بعيد التفت عليه نظر لي من زاوية عينة حسبالة ماشفته 😜

وراح ... وتالي رجعت فرحاانة هزيت راسي استفهم سبب فرحتها... گالت
،، فررح اليوم معزومين،،
،، خيييير.... لاتگولين نؤاس اللزگة،،

،، لاتحجين على خطيبي،،
فتحت عيوني😳 مستغربة
،، خطيييبج؟؟؟،،

،، اي حبي.. مو اگول انتي وجهج خييير عليه،، وگرصت خدي

مسحت خدي وبعدني مامفتهمة شون خطيبهااا

هي كملت وفرحاانه،، اليوم راح يعلن الخطوبة  ورسل نمر حتة يخبرني بالمكان،،

يالله خلصت منه الف الحمد لله والشكر
،، اگول فرح گومي نبدل ونروح للصالون،، گالتلي..
،، ع شنووو نرووح للصالون هو بس انتي اني ابقى بالفندق هذي خصوصية،،
،، يووو شگد نحيييسة غير انتي صديقتي وياي باجمل لحظة بحياااتي تكونين،،
مااخفي عليكم رغم فرحتي انه تخلصت منه ومن مضايقته الي بس انقهرت ع بطة لو تسمع شراح يصير بيهااا.... استغفر الله ربي واتوب اليه... شنو هذي الدنيا عجييبه...