اللقيطة (مُكتملة)

٦

مرحبا يا حلوووين اليوم كتبت البارت واني بالدوام 🤗
استمتعواااا.
...

.
.

التفتت على عفاف،، بعد اكو شي شنو الموضوع الطلبتيني  علمودة؟،،
عفاف،، شوفي فرح اني اريد اخذج وياي من اتزوج وحجيت وي حازم ورفض،، 
عيوني صارت بحر، ومارديت عليها..
طلعت من يم عفاف واني راسي يفتر ياررربي هي هم حقها مسكينة  شنوووو ذنبها، بس اني هم خطية ليش تبنوني واستمر بيا الحال واني افكر بيها وبحبها  وبنفس الوقت افكر ليش هيج ياربي اني لشوكت اظل هيج هذا يجيبني منا وهذا يجرني منا ولا آني للسما ولاني للگاع  وروحي لاتريد تظل يم عفاف ولا احب اظل يم حازم ملييييت من التفكير واشعر روحي مختنگة رجعت لگيت حازم گاعد وخزرني بعينة ولااهتميت ولاحتة سلمت عليه اشعر بروحي تعباااانة وكارهة الدنيا كلهة من الله لايوفقج يالسويتي هيج بحالي انتي والنذل الورطاج  اريد من الله تطلع حوبتي بيكم يالماتخافون الله......

.
.
دفع الباب وراي وصاح بصوت عالي،، ولللللج  فرررررح انتي مو بعينج احد،،
ضربت راحة ايدي اليمنى على ظهر ايدي اليسرى حيييل حتة صارت حمرررة وصحت بعلو الصوووت،، اييييي ومايعجبني شي شتررييييييد مننني كاااااافي راح اكتل رووووحي واخلص،، وركضت عالمطبخ وطشرت المواعيين ادور على اي شي. اموووت نفسي بيه وهو يحرك بعربانته وراي ويصرخ
،، ولج بوووية شجااااج تسودنتي،،
،، اييييي مااريد الحياة مليييت ارحمووووني، الله لايوفقج يالسببتي وجودي،،
جر ايدي حيل واشوف العرگ ترس وجهة وملابسة وگال بصوت مبحوح
،، شتردين اني حاضر وانسيييج كل العذاب بس انطيني فرصة ولج بووووية انتي بنيتي وماعندي غيرج شبييج تسودنتي،،

گعدت بالگاع وخليت راسي بين ركبي وبجييت بصوت عالي  وهو يمسح على راسي 
،، بوية  اذكري الله، بوية شلعتي گلبي وشنو تردين سوويه،،
نظرت بعينة واني تايهة مااعرف شنو اريد اريد اب حقيقي اشعر بحضنه الأمان واريد أم حقيقية اشعر بحضنهة الحنان.. صعبة يربييي؟

ماحسيت ع نفسي نمت مثل الميت  وگعدت راااسي ثگيل كلللش سويت لي فنجان گهوة سادة حتة اصحصح طلعت من الغرفة ماموجود حاازم وين راح اوووه... يجوز يم اخوانه يوزونة ع عفاف وعلية، فتحت مبايلي ولگيت ٥٤ رسالة من بطة يبووووو نسيتهة وابتسمت من شفتهة تسأل علية وتهدد اذا مااجاوبهة الخبلة
هالمرة اتصل عليهة احسن
_ويييين البذااات مختفية؟ بسرعة بدت
_اسكتي بطة الناس بالاول تگول مرحبا لو هلاو لو السلام عليكم شالقصة
_هو غير كون تستاهل السلام واسلم عليهة يربي
_ماااشي يالله مع السلامة 😉

_لاعمي وعليكم وبصفكم وفوگاكم وجواكم السلام بعد شترديييين
_اي عفييية هسة انتي خوووش بطة بطتي
_ والله بذات... وانة ظل بالي اگول المسودنة وين راحت!
_والله يابطة سالفتي ماتتسولف
_سالمين.. شكوووو سولفي احنة موصرنا صديقات
_تدرين عاجبني نتعرف ع بعض اكثر
_ايي ليييش لا عااادي كلللش
_صدگ🤗
_تعالي للمركز الاشتغل بيه.
_امممم، مااشي ارسليلي العنوان
.
.
وخليت العنوان وحضرت نفسي اروح الها وابد حاازم مااعترض ع طلعتي وهو يبتسم لي لان خبررته انه اني راح اطلع...