مرحبا ياورداياتي الحلوين ان شاء الله تكونوا بخير وصحة وعافية شونكم بالبرررد🌨️⛈️
.
.
.
.
.
مرت ايام ولاحس ولا نفس اشترالي حازم مبايل جديد هدية مهري فرحت بيه وبسرعة ردت ابشر بطة حاولت اتذكر رقمها ماگدرت فطلبت من حازم اروح اشوفهة وخلصت شغلي ورحت العصر للمركز انتظرت نص ساعة يالله خلصت شغلها ودخلت ع غرفتها وجان تصرخ فرحاانه من شافتني
،، لج ليييش هييج يابذااات لاتتصلين ولاتسألين وظال بااالي عليج ومبايلج غالقته لو مغيرتة.....،،
وجان تگرصني من زندي وضربته ع كيف وهي تتشاقة... ومشتاقة الي واني بسرعة حضنتهة واني اضحك ودموعي نزلن من كيفهن ماادري لييش
،، بطة بشرفج اگعدي اريد افرغ كلشي بگلبي...،،
وگعدنة وسولفنة وطلبتلي كيكة.. ترليتشا .. طعمهة يجنن كلللش حبيته...
وسولفت الها كلشي صار ويايه وهي خطية تفاعلت عالمواقف وحييل انقهرت من عدنان ومعاملته وغدرة وياي
خلت راحة ايدهة ع ركبتي
،، فرررح... يجووز يخاف من اهله؟،،
،، مااعتقد.... وحتة لو يخاف مافكر بيه من نكرني شراح يصير بيه... بطة ماعندة غيرة ورجولة عليه اني بداخلي صرااع تصدگين احبه واكرهة بنفس الوقت؟،،
ضحكت وهي تنظر لي،، لاااااا تحبيه ياملعونة... لان ماكو گلب يحب ويكره نفس الشخص بنفس الوقت... الظاهر انصدمتي بيه لااكثر ولااقل،،
غمزت لي بعيونهة المثل عيون القطة وگالت
،، خليهة عليه اني الاعرف شون ارجع هذي المشاعر،،
ضحكنة سوة واخذت تعلمني ع المكياج والموديلات وطلبت ازورها قبل لايحددون العرس حتة ترتب شعري.. واني كلللش فرحت.. لان لاعندي احد يعلمني ولايهتم بيه غيرهة الحمد لله والشكر.
.
.
.
بعت ثگل على عدنان ولااا راسلته ولا اتصلت عليه لان هو ماكلف روحة يتصل لو يشوفني شمحتاجة شريد لان العرس بعد اسبوع حددوا
وبالايام الفاتن ابو احمد تعارك وي ابو سهام من عرف بخبر خطوبتي وصار مهادد بينهم وابو سهاام طرد انور من بيته مارحت وشفتهم بس حازم سولفلي من اتصل عليه انور وظل يغلط ويفشر عليه لان مثل مايظنون اني نايمة براس عدنان واغريه ووگعته بغرامي.. هههه
.
.
. اليوم الصبح گاعدة من وقت واندگت الباب واجتي هناء مرت عمو اسعد ووجهة المشرق المبتسم واول ماشفتهة حضنته حييل.. كللش اشتاقيت الها... سلمت عليه وبيديها علاليگ هواي الظاهر مشترية شغلات كثيرة ساعدتهة واخذتهن من ايدهة وهي ابتسمت
،، فررروح هذول كلهم الج اشتريتهم،،
فرحت مامصدگة واخيرا اكو من يفكر بيه....
.
. صرت مثل الطفل اطلع الملابس والمكياج والعطووور واضحك من كل گلبي واركض احضنها وابوسها وارجع للغراض اگلب بيهم... صراحة مشترية ملابس نوم يجنن ومكياج كامل وعطور وغسول عرايس كلشي مامخليه.. حبيبتي
وهي على ضحكي تضحك وگاعدة تشوفني واني اگلب بيهن.. تشكرت منها كلش هواية. وگالت
،، يمعودة هذا حقج المفروووض نشتري اكثر بس ماگدرت اجيبهن وياي من تتزوجين اني وياج نطلع ونكمل نشتري كلشي تردينة،،
أنت تقرأ
اللقيطة (مُكتملة)
Romanceبعدما هربت من عالمها للمجهول كتبت قصتها. ليس لها ذنب في الوجود سوى انها.. بسبب شهوة حيوانية ونزوة عابرة.. كانت... ولم يكن لها وجود بينهم واصبحت فريسة ممتعة لمن يراها
