مرحبا حبايبي وورداتي.
.
.
.
قبل كم يوم خرجت من عملية جراحية لاتنسوني بالدعاء..
.
. وحبيت انسى الألم وياكم واكتب بارت وارجو تعذروني اني وطاقتي وين مااتعب اتوقف 🙏.
.
.
. قصة اللقيطة بقلم الكاتبة عهود الفهدي.
.
.
.
. من شافني حازم مُصرة سكت ورجع گال
،، بوية... شبيج بس فهميني،،
،، انت احجيلي شمسوووي وي اخوك الشفية،،
،، ماسويت شي بس ردت ارد الج اعتبارج،،
ضحكت بكل صوتي بهستيريا،، اي اعتبار تقصد انت... هم غييير حطموووني.. واذا جان اكو شي حلو بحياتي قضوا عليه،،
ظل مدنگ راسة وماحجة اي شي.. تركتة ودفعت باب غرفتي بقوة وصحت بصوت عالي
،، بعد محد يتدخل بيه ومالكم شغل.. خوووووش،،
وشمرت روحي عالسرير وبجييييت الى ان دخت ونمت.
.
.
ثاني يوم واسمع عياط طلعت واشوف ابو سهاام وحازم گابة بيناتهم طلعت وعيوني تجدح نااار
ضربت الباب بيدي وطلع صوت ثنينهم سكتوا والتفتوا عليه.. وماانتظرت يسألوني بسرعة حجيت بنبرة تعالي
،، اللي عندة كلااام يحجي وياااي.. منا وجاي اني مسؤولة عن نفسي محد يتدخل بكل اموري.....
ونظرت لابو سهام ودنگت عليه خليت وجهي گدام وجهة
،، وعيوني ثابتة بحقد انظر لعيونة
،، وابنك خل يطلگ... بالعيني وآغاتي لو ماااكووو.....،،
جان يدفعني ويگول،، ولللج فريييحة اتأدبي لااعرف شغلي ويااج... شنيي لووووو... ولج الج عييين وتهدديني؟،،
جتفت اديه ع صدري وضحكت،، بكيفك العندي حجيته،،
تركتهم ودخلت للغرفة اخذت ملابسي ودخلت لاحمام واني ادندن واغني وهو اتخبل اسمعه يگول لحاازم،، لااا هاي هية... هواااي راح تسيطر... ولك اتبرة منهة ولك هاااي راح تبلينة،،
وطلع وهو يغلط واني اغني ودموعي تصب....دخلت جوة الدوش بملابسي اريد بس اريح گلبي وابرده بأي شي....
.
.
.
.
راحت ايام وإجتي ايام واني گاعدة انتظر شوكت اتطلگ ومحد اجة ولااحد خابر او سأل عني... مليت جان اتصل ع عدنان اول مرة ماجاوبني ومرة الثانية فتح الخط
،، شتردييين،،
،، مشتاقة الك واتصلت غيييرر،،
،، اوووه فرحتي اختصررري،،
،، شوكت تطلگ؟،،
،، واذا ارفض.. وارجعج يمي وادوس راسج بالقن****،،
،، احترم نفسك وخلص الموضوووع بسرعة.. لااا وحق الحق افضحكم بالمحاكم،،
،، ههه الج عيين وتهددين،،
،، بعدكم ماتعرفوني عدنااان... ترة فرح اللي انولدت انتوروا خلقتوووهة،،
وسديت الخط بوجهة...
وگمت غسلت وبدلت وردت اطلع وحازم مسوي ريوگ گال،، تعالي تريگي،،
هملتة ومارديت عليه... صاح وراية،، مو جاااي احجي وياااج،،
أنت تقرأ
اللقيطة (مُكتملة)
Lãng mạnبعدما هربت من عالمها للمجهول كتبت قصتها. ليس لها ذنب في الوجود سوى انها.. بسبب شهوة حيوانية ونزوة عابرة.. كانت... ولم يكن لها وجود بينهم واصبحت فريسة ممتعة لمن يراها
