مرحبا ورداياتي الحلويين ان شاء الله تكونوا بخير وصحة وسلامة
.
.
قصة اللقيطة بقلم الكاتبة عهوود الفهدي
لاتنسوا المشاركة والتصويت.
.
.
.
.
.
فتحت عيوني وراسي كلللش يوجعني وبعدني مختنگة بس اگدر اتنفس الحمد لله جسمي اشعر بيه مكسر ماادري شبيه انتبهت لنفسي اني ببيتنة فتحت عيوني بصدمة شون اجيت اني اتذكر تخربطت ببيت عمي ابو عدنان سمعت صووت نفس شخص وياي بالغرفة فزيت بسرعة صارت عيني على شكلي بالمراية شعري مخربط وحمرتي تارسة وجهي عزاا هاي شننو شكلي شصاير واسمع واحد يگح حسبالي حازم واركض بالگوة واذا.. عدنااااان،،، شجاي تسوي هنا؟،،
ماجاوبني اشوف حالتة خراااب اكثر مني
هه شنو ضاربنة اعصاار ومگلوووبة حالنة ههههه..
مدنگ راسة وساندة بجفوف ادية ويشررب جگارتة ويذب الدخان بدون مايلزم الجگارة
،، عدنان احجي وياك، حازم وييين،،
مسح وجهة ووگف گدامي واني مرتبكة بحالي ماگدرت ارجع للغرفة البس حجاب دخت شجابة يمي
،، شلون اجيت!!،،
صريت سنوني بغضب
،، بس فهمني شصاير وانت ليش هنا ومنو الجابني؟،،
،، فرح انة اعتذر،،
، استغربت من رده
،، تعتذذذررر ع شنو؟،،
ذب حسرة وجان وضعة موطبيعي مومثل كل مرة صرااحة اول ماشفته خفت لان لوحدنة صحيح اتمنى اظل وياه بس موهيج وهسة اني ماادري شنو صاير فترة من الزمن اني فاقدة بيها مااعرف شلون اجيت وبعدني دايخة وشكله حيرني لايضحك ولايتغزل مثل عادته وليش بس اني وياه هنا وين حازم
قطع حيرتي وجاوبني
،، فرحتي..... اريد اگلج شغلة وخليهة سر بيناتنة واوعدج راح اصلح الامور باقرب وقت،،
... خربط فكري بهالكلمتين...
،، شكووو شبيك لاتخوفني شنوو تصلح ماتصلح ليش هو شصايرررر، فدوة حاجيني،،
ركضت على مبايلي حتة اشوف حازم وين وهذا شبيه مجاي افهم عليه.. بسرعة لزم ايدي ومخلاني اتصل جريت ايدي ودفعته
،، انت شبييييك وشجاي تسوي هنااا، رجاء اطلع برا هسة لويشوفك احد شيخلصني،،
اني خفت منه لان لوحدنة واني اظل ارجف من اشوفة مثل الجلي 😂
واريد بس يبتعد مني جسمي اشعر بيه ينفض وعرگانة..
،، فرح بعدين تفهمين كلامي شقصد بس اللي اريدج تفهمينة انتي بعد صرتي الي...... سكت وهو ينظر بعيني وگال... وللأبد،،
دار ظهرة يريد يطلع واني تبسمرت من كلامه شيقصد حسيت اجتني الشهرية ردت اخليه يوضح كلامه بس استحيت خليتة يطلع وبعدني ارجف من موقفة وكلامة بس بعدين افهم منه ركضت للحمام غسلت وبدلت ملابسي وارتاحيت بفراشي لان كلللش دايخة يمكن ضغطي ينزل هذي الايام واني مامنتبهة لصحتي وانسى حتى أكل مرات..
.
.
.
ورة ساعتين سمعت صوت الباب طفرت وشفت حازم هو راد يدخل للغرفة بسرعة تلاگيت وياه بباب غرفتي.. خطية جفل (خاف ) وضحكنة سوة وحجة،، الحمد لله صرتي زينة،،
أنت تقرأ
اللقيطة (مُكتملة)
Romanceبعدما هربت من عالمها للمجهول كتبت قصتها. ليس لها ذنب في الوجود سوى انها.. بسبب شهوة حيوانية ونزوة عابرة.. كانت... ولم يكن لها وجود بينهم واصبحت فريسة ممتعة لمن يراها
