مرحبا حبايب وورداتي الحلوين ان شاء الله تكونوا بخير وصحة وسلامة
قصة اللقيطة
بقلم الكاتبة عهود الفهدي
.
.
.
مرت ايام ووضعي على ماهو عليه انزل اكمل شغلي واسمع كلام من ام سهام...
وابو سهام مايطيقني وبكل مرة تردهم هناء خطية وصارت مشاكل وياهة بسببي لان تدافع لي حتة عمو اسعد اللي اگول هو احسن واحد بيهم مايخليهة تحجي وتتدخل.. وصرت اني سبب لتوتر بعلاقتهم فيوم من الايام بزعت روحي وملييت من حياتي كلهة.. اني ع شنو متحملة اهاناتهم واسلوب عدنان من يجيني ليليه وياي يعاملني برخص واني اللي جنت اشوفة غالي مع الاسف صعدت لغرفة هناء.. دكيت الباب ودخلت لگيتها مجطولة تگلب بمبايلها من شافتني گعدت وخلت مبايلها عالميز
،، هلا فررح تعاي،،
حجت وياي...
ترددت بالبداية وبعدها فتت وگعدت يمها واني اعصر ايدي مااعرف شون ابدي كلامي وياهة
هي انتبهت لحالي.. خلت ايدهة ع جتفي وگالت
،، صاير شي... شو موعلى بعضج،،
دنگت راسي
،، اريد اطلب الطلاگ،،
نشغت وضربت صدرهة من كلامي خايفة
،، يممة اسم الله ماصارلج اربعين يوم من تزوجتوووا،،
نظرت بوجههة وراح انفجر من القهر اريد بس احجي گلبي راح يطگ.....
،، هنااااء يازوااج هذا هي حياتي وي هالنذل هم محسوووبة عليه،،
،، اي ياعيني.. غيررر تفهميني شصاااير،،
،، ماصار شي اصلا،، رديت عليها
،، فرررح.. لاتخبليني احجي رحمة لموتاج،،
... دموعي الرخيصة سبقن كلامي وتركتهن هالمرة حتة يشهدن على كلامي وي هناء
،، عدنان مو أدمي ينظرلي انه اني مثل بنات الشوارع جنت اظنه مومثلهم... بس طلعت غلطانه يومية يرجع بالليل شارب وياخذ حاجتة باهانة ولااا يعاملني كزوجة وإلي مشاعر وعندي گلب وينكسر.... ابد مايهتم،،.... قطعت كلامي والحيرة بانت على وجههة بس حاولت تصبرني..
،، بس هاي... سهلة يجوز لان ابوه منعه من الرجعة لتركيا ضايج وحسبالة انتي السبب،،
،، منعه؟؟ ..... ليييش،،
استغربت بالخبر
،، ايي عصب عليه من قبل خطوبتج وعلن بعد مايرجع وفرض عليه زواجكم،،
مسحت دموعي واخذني التفكير ليش هيج يجبر ابنه وشون صار بجانبي حتة يفرض عليه الزواج مني؟
،، هناااء راح انجلط شكوووو.. شنو الصار وخلاهم يقبلوون بيه،،
حاولت تغير الكلام
،، يمعودة مالج شغل بيهم معليج انتي اهتمي برجلج وهذا هو لاتسألين المهم المستقبل... مالنه شغل بالماضي،،
.
.
شتحجي هناء بالي مو وياهة اني لازم اعرف شكووو وشنو الصار مااريد اظلم احد
أنت تقرأ
اللقيطة (مُكتملة)
Romanceبعدما هربت من عالمها للمجهول كتبت قصتها. ليس لها ذنب في الوجود سوى انها.. بسبب شهوة حيوانية ونزوة عابرة.. كانت... ولم يكن لها وجود بينهم واصبحت فريسة ممتعة لمن يراها
