اللقيطة (مُكتملة)

٨

https://instagram.com/ohood_alfahdy?igshid=YTQwZjQ0NmI0OA==
حسابي عالانستا

مرحبا حبايبي الورووود ان شاء الله تكونوا بخير وصحة وعافية
.
.
.
. قصة اللقيطة...
بقلم الكاتبة عهود الفهدي✌️
.
.
.
بعد ماسد الباب واتأكد محد شافنة من دخلنة اتوجه عليه واتقرب مني كلللش واني بعدني جامدة بمكاني وخايفة وايدية عاصرة الجنطة بكل قوتي  لزم جتفي اني نظرت على اديه شون خلاهن بكل وقاحة بس شگد جنت احبه مااعذرة ع السواه وصار بداخلي شعور بغض اله مع الحب القوي اللي جان بگلبي...

رفع وجهي وهو يتلمس خدي وعيني صارت بعينة واني ادية گمت افتح جنطتي ع كيف حتى لايشعر بالسجين
،، أحبج فرح،،
گالها بكل شوگ واني فز گلبي واحترييت.. افكر وهو يتلمس بوجهي وامتدت ايدة لرگبتي ليش يگلي احبج اذا ماخذ نزوته يجوز صدگ يحبني وصار صراع براسي اكتله وانهزم لو اظل وياه واجاريه شو مبين عليه صدگ يريدني لان لو مايحبني جان انهزم ومحد يدري بفعلته..

🙁☹️😟

صراحة بهالموقف اني تخردلت كللش ارتبكت حييل  وتمنيت احضنه وفجأة گال ،، فرح تحبيني لو حبي الج من طرف واحد،،
نزلت ايدي من الجنطة وجريت السجينة ورة ظهري وقبضتي شادة عليها بكل قوتي ورغم القوة اشعر اني جدا ضعيفة وخايفة ولايمة هو يحجي واني افكر شلون ياربي شسوي
،، انتظر ردج،، وحاول يبوسني.. رجعت خطوتين ورة، استغرب
،، يعني ماترديني؟؟،،
،، مو مااريدك بس انت مو استعجلت بتصرفك؟،،
،، اي تصرف.. هو الحب بكيف الواحد؟،،
يمممة مااريد انظر لعيونة اسيييح وانوب جاي يحجي بكل هدووء وغزل..
ناديتة بتوسل وانكسار
،، عدنااان،،
،، ياروحة وگلبة،،
،، انت صدگ تحبني؟،،
،، اموت عليج وع جسمج وعيونج وشعرج..... وجر الربطة من راسي..
هو يتقدم وآني ارجع خايفة منه الى ان حسيت صار اثاث وراية ماكو مكان اهرب منه ضايقني كلش مد ايديه لخصري بسرعة ارتبكت وتحركت ردت ادفعة مني وانجرحت ايدة صاح من الألم واني متت خوووف عليه... شمرت السجينة من ايدي وگمت ابجي بقوة وركضت عليه ولزمت ايدة.. اريد شي اشد ايدة بيه مالگيت رجعت وجريت ربطتي ولفيت ايدة وتنزف هواي خفت كل هاي وهو يشوفني تخربطت اوضاعي وينظر بدهشة وغضب
،، تردين تكتليني فررررح؟،،
،، لااا.. للااا...... اني آسفة عدنان... ءهءه.. اني ماادري شنو صاير وانت خوفتني تگول اني صرت حلالك... انت شسوووويت بيه بس ريح گلببببببي،،
دنگت واني ابجي من بعد ماشديت ايدة وبعدني منهارة عالارض گاعدة زحف تقرب  يمي وحضني صرت طوبة بيدة هههه متكورة مثل الجنين خايفة اجيت اضيع واقتل حب حياتي بلحظة شيطان
،، بعد كل هذا بعدك تحبني،،
حجيتهة واني استنشق عطر صدرة اللي دوخني شگد تمنيت اكون حلاله صدگ...
،، انتي ليش ماتثقين بيه.. وراح اسولفلج بس خايف تكرهيني.. وقبل لااحجي اريد منج تثقين بيه،،
هزيت راسي واهيئ نفسي للصدمة وبعدني باحضانه وهو مد رجليه ثنينهن ورجع ظهرة للحايط واني بعدني متقرفصةوحاظني بيدة اليسار وينظر لأيدة اليمين المجروحة
،، اني من شفتج مااستحملت ولاسيطرت ع نفسي واتجرأت وتقربت لج وصرنة مرة ورجال،،
خليت ايدي على حلگي وبجيت بقوة
،، يعني اني ضعت عدنااان ليييبش هيج سويت؟؟،،