اللقيطة (مُكتملة)

٣

مرحبا ورداتي الحلوين شخباركم ان شاء الله صحة وسلامة 💕🙏

اريد ان انسى ماأناعليه وألمي دوما يغلبني
.
.
.
...

لبست تيشيرت اصفر عريض وقصير فوگ الارداف وتنورة فصال السمكة يسموهة وشال اصفر وبيه دوائر ناعمة سود وترانشوز اصفر واسود، فد شي عجبني كلللش هذا اللوك ورحت اتمشة  واني كلما اقترب عالبيت اتراجع واخاف ليش تريدني شنو عدهة بعد، افكر وماحسيت الا ودموعي ملت عيوني حجبت عني الرؤيا وجان تجي سيارة ومحسيت الا ع صوت الهورن شگ اذني وفزيت بخوف وگلبي يدگ الف ومية من الهبطة وهذا بعدة يصرخ عليه،، ماتشوفييييين ثوووولة،،
اها فوگ ماراد يدعمني.......
لالا فروح هو انتي بنص الشارع وتردين السيارات تهفي عليج هههههه حجيت وي نفسي وضحكت ومسحت دموعي وركضت مااريد اي شي ياثر عليه
وصلت ولگيتهة منتظرتني ومسوية الفطائر اللي احبهن بالزعتر اموت عليهن بس شنووو، بعت ثگل ولا مديت ايدي وهي كل شوي ماما ضوگيهن
التفتت الهة بكل جسمي
،، شترديييين اخصمي الكلام بللا لف ودوران،،
،، شنو هذا الاسلوب فرح لاتنسين اني.....،، وقاطعت كلامهة
،، كافي يمعودة مامليتوا من هالتمثييييل،،
زفرت بنفس حرگ روحي وياه وغمضت عيوني حيييل، هذي الفترة كلللش صحتي موتمام احسهة والدرخة ماتفارگني
،، لج ماما موشرط الام هي اللي تجيب، مو يگولون الام هي اللي ربتْ؟،، حجت هالجمله وتكسرت العبرة بصوتهة وكملت
،، ولج والله من جابوج الي الدنيا ما لمتني وفرحت ولفرحتي وفرحة حازم بيج سميناج فرح،،

،، اختصري،،
جاوبتهة ولاحركت شي بمشاعري بزلعكس شو گمت كلما يذكروني اكرههم اكصر دييييش مااعرف...
،، تمام، راح احجي بس بدون ماتقاطعيني،،
نععععم، حاااضر،،
حجيت بملل ولامبالاة، وحسيتهة مستغربة.
،، اني رفعت قضية خلع وربحته،،
،، بالعافية،، رديت بنفس النبرة واني مانظر الهة رغم هي اكلتني بعيونهة
، أ.. احم.. وسلمااان....،،
قاطعتهة بصوت عالي ونظرت بجانب عيني الهة
،، هذااا الحجي والمفييييد،،
ردت وتريد تكمل الكلام عصرت عيونهة،، أمي ، سلمان خطبني ووافقت،،

،، طبعا توافقين غير عفتيني علمودة الخسيس،،
رديت بصوت نااصي بس سمعتني..

،، فرح بداعتي اذا تحبيني خليني اكمل كلامي، اني طلبت من سلمان اخذج وياية،،
،، شنوووووو، شنوووو بالله ماسمعت، اي ليش لا هم نغلة وهم تفرون بيه منااا ومنااااك،،
صرخت بكل علو صوتي وتهسترت ووگفت ع حيلي واني اتلفت ولا انظر الهة،
لزمت جتفي وهي واگفة وراي تتوسل

،، يمة، حبيبتي انتي بنتي الماجابتج بطني اذا تردين تجين وياي اخذج منهم بس شتگولين؟؟،،

نظرت بعينهة وعيوني مثل الگزاز من الدموع،، سولفيلي شلون عرفتيه،،
جان هي انصدمت من تغييري للموضوع وماگالت باطل  جرت ايدي وگعدنة وهي عدلت گعدتهة مرتبكة
.
.
.
قبل ٣ سنوات شفته كلما اروح للسوگ اأمر عليه وعادي حالة حال البقية مانظر لاحد ولا اهتم لأي شي بس ملاحظة نظراته هو كلللش حلو واظن شفتيه؟