اللقيطة (مُكتملة)

ألم

مرحبا حبايبي ان شاء الله تكونوا بخير وصحة وسلامة
.
.
.
؛ قصة اللقيطة بقلم الكاتبة عهود الفهدي
.
.
.
من أمر القاضي نطلع برة... نظرت لعين عدنان

واذا عيونة غرگانة بالدموع استغربت هذا شبيه... بس بيني وبين نفسي توعدت له بعد وبعد راح ابجيك....

حيييل مقهورة وكارهته على كلشي شفته وياه واتذكرت من اتوسل بيه واگلة تحبني لو لا وهو جاوب بكل برود ميحبني..... اووووه ماااريد اتذكر اي شي من الماضي خل يولون....
.
.
.
اجة حازم ومبين عصبي
،، والله فشلتينة گدام العالم،،

اني سكتت وظليت گاعدة انتظر وشوي ونادوا باسمائنة... دخلت اني وعدنان بس جان القاضي يبتسم بوجهي... ونظر بوجه عدنان وهو يعدل عويناته وگال
،، عدنان... انت حاليا بعين القانون مجرم ومعتدي على فتاة بريئة ومغتصبها بالاحتيال.. ورغم كل اللي تقدمت بيه المدعيه انة راح اسألك سؤال واحد... أنت نادم عالسويته مع فرح اولا؟،،

تردد هواية حتة جاوب القاضي واني انظر للقاضي بعين الشكر
،، س... سيييدي... والله انة بالبداية حبيت....،،
القاضي قطع كلامه،، عدنااااان الجواب.. أييي او لااااا،،

،، ندمااان،،
ودنگ راسة ولاحظت الانكسار بحركاته واشوف عدنان حقيقي گدامي مايمثل

.. القاضي،، مادامك ندمان يعني تتحمل اللي يجرالك وتعوض فرح بكل شي،،
رفعنا روسنا سوة   من كلام القاضي  مستغربة شنو التعويض

القاضي...،، حكمت المحكمة بانفصال فرح من عدنان بموجب موافقة الطرفين.... ونظر لي نظرة جانبيه سريعة بابتسامة وكمل كلامه
.... ونظرا للأذية النفسية والجسدية التي الحقها عدنان بالسيدة فرح قررت محكمة الاحوال المدنية  بدفع مبلغ  للسيدة فرح وقدره ٣ مليون دينار عراقي ومقرر الاجل كاملا وعدم التعرض لها ابدا وبخلاف ذلك سوف يتم محاسبته من قبل القانون هذا وتمت المصادقة عليه..... والتفت القاضي لعدنان   وأنّب ضميرة،، جان عندك دّرة وخسرتها بافعالك... واالقانون يحتم عليك عقوبة السجن تدري لوما صلحت غلطتك وعقدت عليها وحميت سمعتها.... ولا لو عليه اسجنك مؤبد حتة تتادب وماتلعب ع بنات العالم خصوصا المنكسرة بيهن،،
بسرعة تشكرت من القاضي واني عيوني دمعن،، اشكرك سيدي القاضي لاول مرة اشعر انه احد ساند ظهري اني ممنونة منك بس هذا يكفي لاتسجنه ولاتعاقبه اني انتظر العقوبة من الله هو اللي يجازيهم،،
جان يخزرة وهو شبه مدنگ وگال،، من اگلك درة وخسرتها...... روووح وظل ندماان عليها طول عمرك،،

واشر بديه ثنينهن وفتحهن فهمنا عليه وطلعنا.. اني فرحااانه حيييل فرحانه واشعر شعور المنتصر عكس عدنان اللي طلع وراية يجر بطولة جرررر....

حازم ظل يتعذر من عدنان ويواسيه واني اتأسف على اسلوبه بس مو بيدة هاي شخصيته التقهرني يخاف منهم ويحسب الهم الف حساب حتى لو ع حسابي....
تركتهم وطلعت اتمشى وصرت عالشارع العام تنفست بعمق واني مرتاحة جان اسمع صوت حازم
،، هسة ارتاحيتي من فشلتيني وي اخوي وابنه فرح هاي التردينها،،
انداريت عليه
،، آني سويت شي غلط... آني ردت الطلاگ بطرررر.... آني مو اتحملت الاذية وماحجيت وماشكيييت....... شنو بعد الاريدة..... شووف حاازم اذا تظل بهذي طريقتك واسلوبك ترة ماادري شسوي واتصرف فخلييني مرتاحة رحمة لموتاك،،