مش قادر أصلي وأقف قدام ربنا بعد كل اللي عملته 😥
كل ما أقول خلاص مش راجع للذنب برجع تاني ، هو ممكن بعد كل ده ربنا يقبلني ؟!
******
هو مش ممكن ده أكيد هيقبلك ....بس بشرط✋
ترجع لربنا تائب وندمان على ذنبك
ترجع وانت بتعاهده وبتقول مش راجع تاني
طب وقعت تاني ؟؟؟؟!!!!
ترجع تاني ...هو انت ليك غيره ؟؟!!
هو سبحانه يحب عبده اللي كل مايذنب بيتوب بل ويمدحه كمان "نِعْمَ الْعَبْدُ ۖ إِنَّهُ أَوَّابٌ " .. يعني كثير الرجوع بالتوبة
بس خد بالك ... ده غير اللي بيتعمد الذنب ويقول هبقى أتوب
ده حد حاول وجاهد عشان يبعد بس غلط وزل فربنا قال عنه إنه نعم العبد ..
فلو عاوز تكون نعم العبد ... خليك قريب من التوبة
ابتعد عن الذنب ..
بس لو حصل ووقعت قوم تاني سريعا وتوووووب ..
اوعى الشيطان يضحك عليك ويقولك هتقف تصلي ازاي بذنوبك دي .. !!
لا .. اقف صلي ده الصلاة هتطهرك وتثبتك في وش المعصية دي "إِنَّ الْحَسَنَاتِ يُذْهِبْنَ السَّيِّئَاتِ ۚ" ..
اوعى الشيطان يضحك عليك بدل مرة واحدة كتيييير
مرة بإنه وقعك في الذنب والتانية قالك مالكش توبة والتالتة بيقولك هتقف تصلي ازاي وانت كدة ...
خليك واعي للخطة 👍🌹
