اجرام من طراز اخر

مشهد🦋

بين معتقدات باليه بين عالم يسوده الظلم
مليئ بالوحوش البشرية وجدت نفسها
بين ظلمات الحياة وغدرها تحمل على عاتقها خيبات ثقيلة ...
لتتحول من عصور بين اقفاص الحياة الى لبوة
تهمش كل من يؤذيها لتقهر الحياة واوجاعها لتكون مراوغة محتالة مكابرة
كبرياء قاسي
شموخ لعين
وجدت نفسها

بقلمي: شهد الموسوي
....................................
مشهد 1 🦋
.......................................
طكيت ركبتي وطلعت خنجري من جيبي ضليت اتلمسه اخر شي فتحته وتقدمت علي ضليت امرر الخنجر على اصابيعة ضل يسب ويصرخ ضربت اصبعة السبابة بكل قوتي غمضت عيوني لان الدم طفر على ملابسي وجهي فتحت عيوني باوعتله يصرخ بكل صوته ويترجاني اساعده اصبعه بعده موجود شوي ويطيح بالكاع رجعت كعدت على الكرسي وهوه مفرفح كدامي

: يلا فضني احجي كلشي مسوي بالحرف الواحد كل التجار المتعامل وياهم هنا او بالبصره

: مرح احجي شي لو تموتيني هنا

: ماهوه انتَ ميت اصلاً بس مو قبل ما تحجي كلشي تعرفة

: مرح احجي وشنو تردين تسوين سوي

: اذا ما خليتك عبره لكل الناس ما يطلع اسمي شويكار الملقبة بالشيطان

: مرح تكدرين تكتليني

: واثق من نفسك انتَ كلش لا تتحداني بالجنون امحيك بأبشع طريقة
.............................................
مشهد2🦋
.............................................
اركان : صار من عيوني شوفي شويكار سارحه

اريج : الله وكيلك سوينا بيه جفاف عاطفي لطفلة خلي نتأدب بعد ونسكت

شويكار: بالله عليكم كملو عبالك دا احضر مسلسل رومنسي اموت على حبكم وسوالفكم

اركان : تربية سزز شلون اثنين مربيج واحد انكس من الثاني

اريج : هههههههههههههههههه

اركان : ضحكتج وصلت لسابع جار هستوج كلتي خلي نتأدب

اريج : اسكت رح اموت هههههههههههههههههههه
.............................................
مشهد 3 🦋
..........................................
: ما اسمع اي شي احس النفس كوه يدخل لارئاتي تقربت منه كعدت على اركبي جسمي يرجف اريد ارفع ايدي اغطي جسمه ما اكدر اسمع صوت وشوشه بأذني بس ما اكدر اركز عقلي فصل طفلة ما يعبر عمره عن 10 الى12 سنة شلون الهم نفس بطفلة الله واكبر عليهم الله واكبر وما كافيهم الي مسوي بيه حاركيه هم حاركيه كوه كدرت اسحل ايدي سحبت ملابسها غطيت جسمه دموعي تجري اريد اخذ نفس مو كادره بس صافنه عليه ............
.................................
مشهد 4 🦋
..............................
فزيت من انفتح الباب ودخل يضحك بمكر وهوه يردف

: صفيتي بس انتِ يا شويكار جؤ جؤ جؤ اهلج عافوج الي جنتي تحتمين بيهم بحححح راحو

: ضليت ساكته تقرب مني لزمني من شعري ضل يتلمس بقذاره دفعت ايده بقوه واردفت