اجرام من طراز اخر

🦋Part 35 { الاخير ج 1}🦋

#اجرام من طراز اخر

# بقلم شهد الموسوي

#فراشاتي لا تنسون التصويت والتعليق بين الفقرات لطفاً 🦋

................................................

..................جلنار.....................

: كملنا تجهيز وضلينا نركص ونصور علما يجون شوي ورحنا يم الباب دخلوا راكان وهمام وبأيدهم ورد تقرب مني راكان باس راسي وانطاني مسكة الورد

راكان: عمي طالعة كنافة

جلنار: اوووف لا جوعني

راكان: بعد الحفلة

جلنار: اي على الوعد

اخذ ايدي وطلعنا ركبنا بالسيارة المزينة شعل الاغاني وضل يتسابق وي همام ورانة اصدقائهم والاهل وصلنا للقاعة جنت شوي متوتره بس من وره راكان يضل توتر بس يحشش

: دخلنا للقاعة بس احنه اجينه قبل الموعد علمود نسوي جلسة تصوير هنا وجانو جايبن مصورتين النه وللهمام وآيتن وهنه يضلن يصورن العرس

: القاعة حيل فخمة وحلوة ضلينا نصور وبعدها رحنا للغرفة التبديل اجن البنات يعدلن بالميكب وضلينا كاعدين كلنه حتى همام وراكان ويانة باوعت ل آيتن متوتره بشكل تقربت منها

جلنار: شبيج عمري

آيتن: متوتره

جلنار: هذا احلى يوم بحياتج عوفي التوتر والخجل وتصرفي طبيعي وعيشي بكل تفاصيله

: هزت راسها وضلت ساكتة شوي وكامو آيتن وهمام وكفوا كدام الباب دخوليتهم قبلنه بعدها احنه انفتحت الباب و تبدلت الاضواء الى اضواء خافته واشتغلت اغنية هادئة  نسدت الباب احنه وكفنه تحضرنه لدخولية من انطونه الاشارة

: كمش ايدي راكان ودخلنا بكل هدوء وي وفخامة الاغنية والاضواء رحنا كعدنا على الكوشة تغيرت الاغنية وبلشنا بفقرة تبديل الخواتم لبسني خاتمي واني لبسته المصورة ضلت تاخذ كم صورة

: وكمنا نركص ركصة سلو وكفنا بالمكان المخصص وآيتن وهمام هم باوعت بعيونه ونسيت الدنيا خله ايده على خصري وسحبني باتجاهه خليت ايدي على صدره والايد الثانية كمشها

راكان: احلى يوم بحياتي

جلنار: ما جنت متخيلة راح تكون من نصيبي

راكان: وهاي صرت

: فراني ورجع كملنا ركص لحد ما شالني وفراني هاي الحركة المتفق عليها كلنه نسويها نزلني وباسني براسي كمش ايدي ورحنا لجهة البوفي والكيك شغلوا اغنية حماسية جان قالبين كيك والعرس وفقراته مميز