اجرام من طراز اخر

Part 17🦋

# اجرام من طراز اخر

# بقلمي شهد الموسوي

# فراشاتي لا تنسون التصويت والتعليق بين الفقرات 🦋💙
.............................................
: كعدت اصرخ وابجي اسمع صوته يرن بأذني دفعته عني وكمت بسرعة اركض بكل سرعتي اريد اطلع من هذا المكان ما حسيت غير نجريت من ايدي بقسوة باوعت بعيونه الشرار يطافر منهن

ادريس: وين رايحة

شويكار: عوفني ما اريد ابقى وياك ما اريد

ادريس: مو بكيفج

شويكار: وخر عني يا مجرم وخر لا تلمسني بايدك القذرة

ادريس: شويكار لا تخليني اتصرف وياج غير تصرف

شويكار: تكتلني مثل ما كتلته

تقرب مني اكثر نزل لمستواي وهمس : شي ابشع من الموت

شويكار: شتريد مني وخر اكرهك

ادريس: روحي لغرفتج نامي باجر وراج كعدة من الصبح

شويكار: ما اريد ادرب ما اريد ابقى هنا هسه اطلعني

ادريس: لا تخليني اضربج

شويكار: لا تهددني لا تهددني

ادريس: ما مهدد يلا بنيتي روحي نامي

:دفعته عني ورحت اركض لغرفتي قفلت الباب وكعدت وراها خايفة يجيني لميت نفسي وابجي شجابني لهنا يربي شسويت بنفسي اني شلون وثقت بي ضليت كاعدة فترة طويلة لحد ما حسيت بنغزات حيل قوية بكلبي

: رحت نمت بفراشي ودموعي ما وكفت خايفة من ادريس مستحيل اكدر اكمل هنا لازم اطلع منا لازم اروح لخالتي هذا المكان مو مكاني ما اتحمل هيج شي حبست نفسي من تحرك يد  الباب تحرك اكثر من مرة بعدها راح

:غطيت راسي بالحاف وغفيت بس لو ما نايمة احسن كلها كوابيس شلون يكتله ... كعدت  مخترعة على دكات قوية بالباب كمت مترددة افتح بس من زادت الدكات فتحتها شفته كبالي 

ادريس: كالعادة متأخرة ماعندج غير بس عشر دقايق والكاج بالمطبخ اي تأخير ما يكون لصالحج اليوم

: هزيت راسي وسديت الباب وهوه بعده واكف وقتي اريده دخلت للحمام غسلت وبدلت ملابسي شلت شعري ذيل حصان بدون ما امشطة لبست حذاء رياضي ورشيت عطر وطلعت واعرف متأخر خلي شيريد يسوي خلي يسوي

: رحت للمطبخ لكيتهم كاعدين ياكلون بهدوء صبحت عليهم وكعدت بمكاني ما حسيت غير ايدي راح اطك باوعتله لزمها بقوة

شويكار بألم : جاي توجعني

ادريس: العناد مو وياي فاهمة

شويكار: ادريس ايدي