اجرام من طراز اخر

Part 30🦋

#اجرام من طراز اخر

#بقلم شهد الموسوي

#فراشاتي لا تنسون التصويت والتعليق بين الفقرات لطفاً 🦋
.......................................
............جلنار ...............

جلنار: هيلين ايلين كافي نوم شلعتن كلبي راح نتأخر

هيلين: بس شوي جلنار خليني انام

جلنار: ماكو باوعي الساعة ب٧ ونص السايق ب٨ تلكيهم متحضرين ومطلعين السيارات

ايلين: اهوو هم دوام هم كعدة من الصبح ما اريد

جلنار: تره بابا موجود جوه انزل اصيحه

: ابتسمت من كامن يطافرن هوه ياهوه ما يخاف منه غير نتراجف ورغم ما مسويلنه شي بالعكس يحبنه  ومو عصبي ومخلينه على راحتنه عفتهن وطلعت لغرفة البنات هم هذني كوه يكعدن فتحت الباب وشغلت الضوة

جلنار: تولين اكعدي

تولين: وخري عني جلنار خلي انام

جلنار: ب٧ ونص شوكت تكعدون واليوم عندج امتحان يروح عليج تره

تولين: اهوو كمت

جلنار: قموره الحلوة كومي حبيبي كعدي

قمر: صباح الخير جوجو

جلنار: صباح نور عمري يلا كومن خلي اروح احضر نفسي

قمر: صار

: عفتهن ورحت لغرفتي طلعت الملابس على كيف ما اريد اطلع صوت لا ملاذ تكعد شلعت كلبي يالله نامت بدلت وكملت لبست حجابي ورشيت عطر ما خليت ميكب ما بيه حيل تعالي حطي من الصبح

:وعندي الفترة جاية كلها حفلات ومناسبات مال التخرج لا اتعب بشرتي من هسة طلعت من الغرفة رحت ل هيلين وايلين فتحت الباب ودخلت ملتهيات يلبخن بالوجه حقهن مرحلة اولى لا يخلن شي بنفسهن

جلنار: ها ما كملتن

هيلين: اني كملت

ايلين: اني هم

جلنار: شوكت تبطلن تلبسن نفس الملابس لو نفس الالوان شلون الناس تفرق بينجن

هيلين: من شامتي اكيد

جلنار: يا بطران ينتبه لشامة وانتن حتى نفس القسم

ايلين: متريد تفارقني اجت لقسمي

هيلين: بالمدرسة كله وياها ترديني اعوفها بالجامعة حتى لو قسم ما احبه

جلنار: تره مكابلتها بالبيت

هيلين: لا اداوم وحدي شلون تقبليها واصلاً صرت احبه

ايلين: عمريييي