اجرام من طراز اخر

Part 9🦋

#اجرام من طراز اخر

#بقلمي شهد الموسوي

#فراشاتي لا تنسون التصويت والتعليق بين الفقرات 💙🦋

:...................................................

الضابط : خير ليش واكفة بنص الزلم

رفعت حاجبي : مو شغلك سيدي نريد نعبر حاولو تستعجلون ليش قاطعين الشارع اذا الي تردوهم شردو

الضابط : وانتِ شمدريج لتكونين وياهم

تقربت منه واردفت بصوت خافت قريب اذنه فتح عيونه على وسعهن

شويكار: شوف كاميرات المراقبة وراح تعرفون اني وياهم لو لا ؟

الضابط : تعلميني بشغلي

شويكار: اكيد لا انتو اعرف نريد طريق نعبر

تنرفز وراح ضليت انتظر هيج نص ساعة والكل بلش يمشي صعدت بالسيارة وانطلقت مسافة الطريق وصلت للبيت طبكت السيارة ونزلت فتحت البيت ودخلت همزين البيت صافي رحت للمطبخ اخذت علاجي وطلعت تلفوني من الجنطة لكيت ٧ مكالمات لم يرد عليها من الشباب اتصلت بأحمد جان اخر واحد متصل ثواني وشال التلفون

شويكار: الووو احمد

احمد: هلا شويكار شلونج

شويكار: بخير انتو شلونكم شنو سويتو

احمد: حجزنه القاعة ورحنه عند الخياط نسوي البدلات

شويكار: عفية بعد شنو ناقص

احمد: هواي والله باجر نروح نكمل انتِ شنو باقيلج

شويكار: ماعندي شي كملت كلشي اليوم باجر اجي وياكم لو ما تردوني

احمد: هلا بيج ولو اشياء كله بسيطة تنحل اذا تبقين تريحين نفسج احسن وراج ركص

شويكار: هههههههه اي والله وراي ركص تمام لعد اخذ ريست باجر بعده عندي ركص العب لعب خطوبة الغالي عيني

احمد: هههههه

شويكار: شكاعد تسون

احمد: كاعدين والله نسولف اشياء عامة ما تجين

شويكار: لا والله تعبانة نشوف باجر شوكت تكملون اجيكم كم ساعة

احمد: تمام تصبحين على خير

شويكار: وانتَ بألف خير

: شمرت التلفون على صفحة ما اريد ازعاج وصعدت لغرفتي غسلت وبدلت ملابسي اخذت الابتوب من الميز وصعدت على الفراش دخلت بي ولفلفت نفسي بالبطانية الدنيا موت برد شغلت لابتوب وطلعت مسلسل تركي من زمان ما متابعة مسلسلات ما اكدر احك شعر راسي من الشغل اسمه حب ابيض واسود اخذني الواهس اباوع بلمسلسل من 11بليل لحد 10 الصبح حلقة وره حلقة لحد ما طفت عيوني خليته على صفحة ونمت