اجرام من طراز اخر

Part 25🦋

#اجرام من طراز اخر

# بقلم شهد الموسوي

#فراشاتي لا تنسون التصويت والتعليق بين الفقرات لطفاً 🦋
.........................................................

............آيتن..................

مسحت عيوني كمت شلت التربة خليتها على الميز ونزعت حجابي خليته يم راسي وصعدت على الجرابية نمت بعد تفكير طويل بحياتي ...

: بعد فترة فتحت عيوني كمت على حيلي الدنيا ظلمة وما اعرف بيش ساعة شلون اعرف الصلاة لبست حجابي وتقدمت على الباب متردده اطلع اخر شي فتحت الباب وطلعت متوجه للحمام بس مو امشي اركض ما اريد واحد يشوفني

: دخلت للحمام  وسديت الباب يالله كدرت اتنفس غسلت وجهي وتوضيت وطلعت ما اعرف بيش ساعة علمود اصلي تقدمت على غرفة شويكار الي هيه غرفتها بصف غرفتي دخلت على كيف غرفتها ظلمة وباردة ضليت اتلمس لحد ما شعلت الضوة شفت الساعة ب٨ ونص

: حيل هاي كلها مخلصتها نوم جنت سديت الباب وطلعت اريد اروح لغرفتي صار كبالي كوبرا بلعت ريكي وضليت واكفة بمكاني يارب يروح منا تقدم عليه

كوبرا: شسوين هناا

آيتن: جنت يم شويكار

كوبرا: نايمة شويكار جنتي سوين

آيتن: اعرف نايمة وخر اريد اعبر

كوبرا: وين رايحة

آيتن: للغرفة

ردت اعبر كمش ايدي وقربني علي صرخت بي : وخر عني حرام تلمسني

كوبرا: ما اعوفج شسوين

آيتن: اصرخ واخليهم كلهم يجون

كوبرا: ههههههه

آيتن: وخر عني

كوبرا: روحي اذا شفتج طالعة بعد وتفترين بكيفج اكسر رجليج

: وخر عني واني رحت ركض للغرفة الحقير شعليك واحد يبطل ما يدخل للحمام كل ما اطلع الكا بخلقتي حته يجيبلي الكآبة من كثر كل ما اشوفه عاكد حواجبة ويريد يتعارك شعلية بي كالت شويكار فترة ويرجعوني يارب تخلص هاي الفترة على خير

: عدلت حجابي وكمت صليت كملت صلاتي ضليت كاعدة اسبح واقره الآيات الي حافظتهم لحد ما كملت كمت صعدت على الجرباية نزعت حجابي خليته يمي وضليت كاعدة اسبح واقره ادعية ما عندي شي يلهيني غير الدعاء والتسبيح

: مرت فترة طويلة واني كاعدة وحدي منتظرة بلكت شويكار تكعد وتجيني التهي وياها فزيت من انفتحت الباب رفعت راسي شفته كوبرا جريت حجابي لبسته على السريع وكمت اصرخ علي