اجرام من طراز اخر

part 14🦋

#اجرام من طراز اخر

# بقلمي شهد الموسوي

# فراشاتي لا تنسون التصويت والتعليق بين الفقرات لطفاً 💙🦋
................................................

: واكفة كدام الشباك اتأمل الحمامة الي واكفة كبالي من كثر الملل ما اعرف شسوي اوكف كدام الشباك اتأمل الحيوانات  الي تمر الي مستحيل يمر من يمه اي بشر غيرهم همة

: صالي تقريباً ست اشهر بهذا المكان عجزت اطلع من من هذا المكان وعجزوا جماعتي يوصلون رغم مرتين لكو مكاني بس كانو انبه منهم ويكدرون يطلعوني من المكان قبل لا يوصلون بس من جابني لهنا بعد اي واحد ما كدر يندل مكاني

: مرت هاي الفترة ما بين العركات وبين الهدوء همه عجزوا يحصلون مني معلومات رغم اشكال شفت بس لا فاد وياي لا تعذيب جسدي ولا نفسي واني عجزت اطلع منا ما كدرت اعرف شنو يردون ومنو همه اي معلومات بسيطة عنهم ما كدرت احصل حيل حذرين يحجون كدامي شي

: غريبين بشكل مو طبيعي مستحيل يكونون عصابات ماكو عصابة تصرف تصرفاتهم اني وحده من العصابات واذا طاح بأيدي احد اعدائي اقوه شي يبقى عندي يومين وبهاي اليومين اخليهم يتمنون الموت بيها وما يحصلونه

: واحد ياخذها بالعقل مستحيل اهتم باحد اعدائي او اعالج بعد كل مرة يوصلني للموت لو اعتني بشخص هوه عدو الي مثل مجاي يسون وهذا الحجي سواء كانو من جنس ادم او حواء متفرق عندي الكل يتعامل نفس المعاملة اذا كانو يستحقون

: نخطفت قبل سواء من جنت طفلة لو من اعداء ادريس راوني نجوم الظهر بعز اليل ما هتمو لا لصغر عمري ولا للمرحلة الي وصلوني الها التعذيب الي تعذبته ما يتحمله رجال وما اعرف شلون عشت بعد كل الصار وياي

: الي كاتلني ليش يختلفون هذولي عنهم كلهم  ليش ما اخذو الي يردوا وكتلوني من البداية ليش كل هاي الفترة حابسيني هنا كل هاي الفترة ما شفت شي واحد يثبت همه عصابة بس اريدلي معلومة وحده اعرف واريح عقلي من التفكير بيهم وبالاخص شغلهم ساعة احسهم مجرمين وعصابة وساعة احسهم لا عجزت اعرف منو همه

: مسحت عيوني تنهدت بقلة صبر  ربي مليت وجزعت من هذا المكان اني الي بيوم الي ما  اطلع من البيت اكتأب لو بيوم الي ماعدنه مهمات اخلق العركات من جوه الكاع وهسه صالي اشهر ناصبة بين اربع حيطان بس هم اتعارك اذا حصلتهم مستحيل ننجمع اني وياهم وما نتعارك

: امي متنسية عليه بعركات من اني صغيرة ادور عركات لحد هاي الحظة تمشي بدمي ابتسمت بحزن من اذكرت امي شلون جانت تكلي كل ما اتعارك بالمدرسة تشبهين ابوج بصغرة يومية متعارك وي واحد لحد ما المدرسة جزعت من عنده بقو ما يحاسبو من كثر ما يتعارك