اجرام من طراز اخر

Part 32🦋

# اجرام من طراز اخر

#بقلم شهد الموسوي

#فراشاتي لا تنسون التصويت والتعليق بين الفقرات لطفاً 🦋
...............آيتن...............

من انضرب ظهري بالحايط صرخت بي: لا تقرب شتريد

همام: شريد قابل

: ما حسيت غير اخذ شفتي بقبله فتحت عيوني على وسعهن ما اعافني لمن اختنكت: السانج اكصه الج اذا غلطتي فاهمة توت

: دفعته عني وكعدت بالكاع مصدومة وامسح على شفتي اريد اكصها نزل لمستواي يمسح بدموعي

آيتن: وخر عني

همام : روحي نامي

: عفته ورحت لغرفتي شمرت روحي على السرير وين عفتيني شويكار وين رحتي وعفتيني وي احقر شخص ليش خليتيني اتأمل بشي مستحيل يصير

: ضربت على راسي حتى ابطل اثق بسرعة واصدك مثل الثولة حتى الي وثقتي بيها عافتج وراحت منو يخلصني منه لا عندي اب بي حظ ولا كرايب بيهم حظ

: اصلاً اذا وكعت بيدهم يدمروني اكثر من الدمار الي اني بي يربي شسوي ما اتحمله مستحيل اكدر اعيش ويا وحش واناني مثله

: اني اكرهه وهوه يكرهني ليش ازوجني ليش بس لو افتهم ليش ازوجني جان ارتحت بس ارجع احجي كلشي لاهله بلكت يكدرون يساعدوني ويخلصوني منه

: اذا هوه الجذاب يكللهم ازوجنا عن حب شسوي يربي واخلص منه من البجي احس راسي راح ينفجر من الوجع نمت عدل والدمعة منا نشفت من عيني

: شوكت ارتاح يربي جبت عمري كله ضيم من الصغر لحد هسة شوكت اعيش لنفسي شوكت اعيش مرتاحة وحاسة بلامان

: مسحت دموعي استغفر الله ربي سامحني من حركة كلبي وتعبي كمت حتى ما اعرف شنو احجي الحمدالله على كل حال اكو بنات عايشات بعد اسوء من عيشتي متاكدة ربي راح يعوضني عن كل سنين حياتي بعوض

: باليوم احمده الف مرة وقليل بحقة متاكدة كل هاي الايام راح تنتهي وكل الحزن راح يتحول الى فرح وهاي دموع القهر تتحول الى دموع فرح وفرج ماكو شي يضل على حاله كلشي يتغير

: طلعت غسلت وجهي بمي بارد باوعت لوجهي شاحب الدوخة لازمتني رحت للمطبخ شربت مي وكعدت بصالة ما اكدر ارجع لغرفتي من الدوخة

: نمت على القنفة بلكت تروح الدوخة وارجع لغرفتي غمضت عيوني وما اعرف شلون غفيت بدون ما احس فزيت على صوته يحاجيني ضليت صافنة بوجه ما مستوعبة كلامة

همام: اشربي هذا العلاج آيتن صحصحي

: خلاني اشرب العلاج رجعت نمت شوي وحسيت بمي بارد ينزل على وجهي وملابسي فتحت عيوني بصعوبة خالني بحضنه وجوه الدوش