اجرام من طراز اخر

part 5🦋

#اجرام من طراز اخر

#بقلمي شهد الموسوي

# فراشاتي لا تنسون التصويت والتعليق بين الفقرات لطفاً 💙🦋
...............................................................
شويكار : الخطة كتالي

:ما حسينه غير الباب اندفع كل قوتة دخل الاعور صعدت الثام على وجهي ولفيت على جهته

الاعور : خطة شنووووو

رفعت حاجبي وتقربت منه واردفت بنتر : مرة ثانية احترم خصوصياتنا اذا ما وثق بينه ليش مدخلنا بنصكم

الاعور : جاوبي خطة شنو لا اخليكم عبره لمن تعتبر

شويكار : راح اجاوبك بس بعده راح اطلع منا اهانتك الي وتجاوزك مراح اسكت عنه يا عثمان

الاعور : اي يلا جاوبي جاي تخططون عليه

شويكار : مو اني الي اغدر جنه نسوي خطة شلون نصفي البنات الجبتوهم وراح تحملوني يوم كامل مسؤلية المكان واني ما اريد اي خطأ فلهذا جاي نخطط وهسة وخر عن طريقي ما اتشرف اشتغل وي شخص ما واثق بيه ويتجسس عليه

الاعور : اني اسف بنيتي حقج عليه بصدفة مريت من غرفتكم وسمعتج تكولين الخطة صار سوء فهم لو ما واثق بيج مراح اخليج المقر والبنات بمسؤليتج

شويكار :لا تحكم على واحد من كلام لو تصرف محد اعرف بالناوية وتخلص امانة باجر وبعده نتوكل نرجع للبصرة

الاعور : اكرر اعتذاري وحقكم عليه تبقين يمنه مستحيل نضيع هيج جوهره بشغلنه وطلعتي مو قليلة بشغلج كلشي تسويله تخطيط احد اهم طرق النجاح العقل والتخطيط يوم بعد يوم تعجبيني اكثر

شويكار : شكراً لحضرتك هذا واجبي وعملي ولازم احافظ وانتبه على كلشي

الاعور : عفية بنيتي اخذو راحتكم

طلع وسد الباب نزلت الثام تفلت بالكاع وهمست : اطم روحي بطين اذا بنتك كل كلمة والثانية كالها

احمد: ههههه داهية انتِ عمي فريته علي

ايمن: اي وعلي وكفت كلوبنه وهيه خلته يحس بذنب

شويكار : شباب السالفة داجة نامو

احمد : صدك رح تنامين

شويكار : لا

احمد : جا عليش تكولين نامو

شويكار : حتى اطلع اشوف البنات

ايمن : همه الي ينامون مو احنه الضاهر متوهمة ترميم بيت

: ضليت ساكتة اخر شي كمشت التلفون وكعدت اكتب كل المخطط الي راح نسوي باجر ودزيته على الكروب الشباب رفعو الاجهزه وقروه ابتسمو وكتبو تم ضلينا نركع صفنات لحد ما صار الصبح طلعنا برة الغرفة كانو الكل مخبوص سألت احد الحراس