اجرام من طراز اخر

Part 27🦋

# اجرام من طراز اخر

#بقلم شهد الموسوي

#فراشاتي لا تنسون التصويت والتعليق بين الفقرات لطفاً 🦋
................................................

............ آيتن............

كوبرا: قناص فر السيارة بالاتجاه الثاني محاصرين  دلهمس وشويكار متخربطة

القناص: منو المحاصرهم

كوبرا: ما اعرف بس استعجل دقيقة

القناص: شكو

كوبرا:  همزين داز موقعة بسرعة استعجل

: ضل يمشي بكل سرعتة اجت السيارة تنكلب بينا شوي وكفت بقوة جانت  تلاث سيارات  محاوطة سيارة دلهمس طلعوا اسلحتهم ونزلوا

: نزلت راسي وغمضت عيوني بقوة من صار الرمي بفلس حيل خفت على شويكار والله اذا تجيها رصاصة تايها تموت بمكانها شنو من حياة عايشيها الله واكبر عليكم ورة فترة طويلة وكف الرمي فتحت عيوني وصعدت راسي اشوف شصاير

: جثث بكل مكان الدم على طول الشارع ولا واحد بيهم عايش انتبهت عليهم واكفين يم دلهمس  شوي واجو و دلهمس ركب سيارته ركبوا بسيارة ورجعوها ليوره علمود يطلعون من هذا الشارع

آيتن: شلونها شويكار

كوبرا: ما نعرف بس جاي تنزف

آيتن: يااا خلي يرجعها للمستشفى لا يصير بيها شي

كوبرا: لا راجعين للبيت

آيتن: وشلون شويكار تضل هيج

كوبرا: اسكتي آيتن

: ياربي هذولي راح يخبلوني البنت تنزف بسببهم وما يردون ياخذوها للمستشفى وهذاك مو كتل روحه عليها مخايف عليها هسة  وعلي يجلطون هذولي يارب احميها خليت راسي على الجامة كامشة كلبي لهسة يدك بقوة من صوت الطلق

: شلون شويكار متخاف ورايحة وياهم شبيه اني اخاف من شكله مو يالله اشيله واستعملة رغم المستنقع الي اني بي بس ما خليت شي يأثر عليه ولا انجرفت لنفس طريق ابوي اني ربيت نفسي على الصح والخطأ مجان يفكر حته يشوفني

: اني التعبت على نفسي واني الي علمتها ما جان شي سهل عليه بس بفضل الله كدرت الف الحمدالله والشكر ... بعد فترة رفعت راسي من وصلنا للبيت سيارة دلهمس موجودة يعني واصلين قبلنا دخلنا للبيت شفت شويكار نايمة على القنفة وقميصها كله دم

: تقدمت عليها امسح على وجها اريدها تكعد بس جان مغمي عليها مسحت دموعي ورفعت راسي ل دلهمس احجي ويا رغم خوفي منه

آيتن: ليش ما رجعتها للمستشفى لا يصير عليها شي

خزرني واردف بعصبية : ما يصير عليها