اجرام من طراز اخر

Part 28🦋

# اجرام من طراز اخر

#بقلم شهد الموسوي

#فراشاتي لا تنسون التصويت والتعليق بين الفقرات لطفاً 🦋
...........................................

.............آيتن...............

آيتن: شتريد مني ممسوية شي حتى تضلون خاطفيني

تقرب همس يم اذني بكلمات خلاني فاتحة عيوني على وسعهن: بس كم يوم وانتظري السبرايز الي محضرها الج

آيتن: شنو تقصد

كوبرا: كلشي بوقته حلو

: دفعته وطلعت اركض دخلت للغرفة وسديت الباب كعدت بالكاع دكات كلبي الف حيل خايفة من كلامة شيقصد ليش ميردون يعوفوني اني شسويتلهم يربي ساعدني خلصني من شرهم

: شسوي يربي شسوي شلون اطلع منا حسب كلامه يعني ميطلعوني ليش شويكار تجذب عليه ليش كالت بس هاي الفترة وخلتني اتأمل والله لو اعرف هيج جان شردت واني بالمستشفى ضيعت هيج فرصة من ايدي

:بس خوفي على شويكار مخلاني افكر حتى تفكير اشرد منا لازم الكه طريقة واطلع منا مستحيل اضل هنا بس شلون اذا الباب دائماً مقفولة والمكان مابي بشر والسيارة تمشي شكثر يالله نوصل لشارع العام شلون اكدر اشرد منا

:هية شويكار وهيج قوتها وما كدرت تشرد منا وعاشت وياهم سنة ونص مستحيل اكدر اتحمل هيج شي مستحيل ابقى لازم اسوي شي شلون اقنعه يعوفني اخخ يربي ساعدني والطف بحالي

: مسحت دموعي ورحت نمت على السرير يربي شسوي شلون ارتاح واخلص منهم كلشي هنا خطأ بقيتي وياهم حرام صلاتي كله خطأ حجابي كلساع وشاف شعري داخل عليه بدون ما اعرف مرات من احتر انزعة اني بشر مو معصومة من الخطأ

: وبقيتي وياهم اكبر خطأ وحرام صح مو برضاتي شسوي يربي مسحت دموعي وغفيت بدون ما احس كعدت من شبعت نوم كمت على حيلي لبست حجابي صارت عيني على الميز جان اكو قرآن واكو ساعة ايد رجالية بالون الاسود

: هاي الساعة مال منو وشلون اجت لهنا باوعت لساعة جانت بالوحدة الظهر وجواها ورقة مكتوب بيها اتجاها الصلاة الصحيحة وجانت اتجاهي كل هاي الفترة خطأ يارب سامحني طلعت رحت للحمام غسلت وتوضيت

: رحت لغرفتي اجيت اصلي وباوعت قريب الجرباية اكو اكياس تقربت منهم اول كيس جان ايزار صلاة وسجادة ابتسمت يربي منو جابلي هذني كلهن والاكياس البقية ملابس عفت الملابس واخذت الايزار الصلاة لبسته وفرشت السجادة

: فرحانة بيهن عبالك امتلكت كنز وكفت صليت وهالمرة واني بالي مرتاح وما عندي تأنيب ضمير بسبب خاف صلاتي خطأ بسبب الاتجاه صليت صلاتي وكمت اخذت القرآن يربي شلون ومنو جاب هذني وشمدري محتاجة هذني كلهن