اجرام من طراز اخر

part 2🦋

#اجرام من طراز اخر

#بقلم شهد الموسوي

#فراشاتي لا تنسون التصويت والتعليق بين الفقرات 🦋💙
........................................................................

:اركض بكل سرعتي الدنيا ظلمة وصوت الذئاب يعلى ما يقل درت وجهي وجان انصدم من كمية الذئاب وعيونهم مخيفه واعدادهم هواي بشكل مو طبيعي رجعت اركض بكل سرعة عندي ما احس الى واني واكعة على وجهي بحفرة جبيرة رفعت راسي وجان اشوف الذئاب كانت حول الحفرة بس يطفرون عليه اصير وجبة الهن

ثواني وصار ضوء قوي غمضت عيوني بوجع بعد دقايق  كدرت افتح عيوني لكيت ولا ذئب موجود بس شخص مقدملي ايده ابتسمت بفرح مديت ايدي على ايده سحب ايده واردف

مجهول : اذا كمشتي ايدي راح تتتأذين

: مو مشكلة طلعني منا

مجهول : اطلعين من هاي الحفرة بس راح توكعين بناري

رجع مد ايده جان شكله ما مبين بس هيئة جسمة مافتهمت معنى كلامه كل همي اطلع من هذا المكان قدمت ايدي على ايده سحبني بقوه لدرجة نضربت بصدره صرخت بوجع من حرارة جسمه احس كاعد يحركني اريد ابعده عني كمشني باحكام ما يخليني ابتعد عنه صحت بكل علوصوتيييي لااااااااااااااااا جاي احترك عوفنيييييييييي

شويكار : كعدت مفزوعة وارجف رجف وكلبي يدك بقوه سديت اذني باثنين ادية وحصرت نفسي بزاوية الجرباية كافيييي كافييي ياربي تعبت ما اريد احلم ما اريد خلي يروح مني هذا الكابوس بكل مرة بكل مرة انام بيه احلم بهذا الحلم اريد اريد انام بدون كوابيس يمه كلبي يوجعني ضليت على هذا الحال اهدئ بنفسي

: اش اش شويكار مجرد كابوس ماكو شي اشش فدوه اروحلج اهدي

ضليت كاعده بحدود نصف ساعه صافنه بالفراغ رفعت راسي شفت الساعه ب٨:٠٠ بليل كمت توجهت لغرفه الملابس اخذت ملابسي وطلعت اسبح كملت سبح وبدلت وشعري حتى ما نشفته مشطته على السريع وشلته شلون ما جان

اخذت جنطتي وتلفوني وطلعت من البيت صعدت السيارة مشيت مسافة وخابرت احمد

شويكار : الوو

احمد : ها شويكار وين انتِ

شويكار : بطريق تردون عشة

احمد : اي والله صارنه ساعه نتعارك منو يطلع يجيب كله جوعانة ومابينه حيل نطلع

شويكار : هههههههه رح اجيب جوعانة من البارحة ماماكلين شنو اجيب ولحد يكلي بكيفج

احمد : ههههه ما نكلج اسئل الشباب وارجعلك ابني

شويكار : خوش على ما اطلبك السيارة

احمد : ليش انتِ واصله للمطعم