اجرام من طراز اخر

Part 19🦋

# اجرام من طراز اخر

# بقلمي شهد الموسوي

# فراشاتي لا تنسون التصويت والتعليق بين الفقرات لطفاً 🦋💙
.............................................
ادريس : هاي كل قوتج

: خليته ملتهي يسولف وضربته بكل قوتي بوكسي على وجهه ابتسم واردف : كبرانه صاير ما ينكدرلج

شويكار: لا تلعب وياي رجليك بالكبر

ادريس: ما بطلتي سوالفج بعدني شباب

شويكار: صح

: رجعت ضربته بوكسي بطنة واردفت باستهزاء : هذا اكبر دليل بعدك شباب

ادريس: هههههه مع الاسف عجزت من وكت المفروض بعدني شباب

: حاول يضربني صديت ضربته رجعت اضربه كمش ايدي وفرني علي ايد كامش بيه ادية وره ظهري وايد خانكني بيها

ادريس: حتى لو صرت شايب ما تكدرين تفوزين عليه

: رفعت حاجبي وبحركة سريعة ضربته وطيحيته بالكاع كعدت بمستوى احجي باستهزاء وهوه مبتسم

شويكار: منو كالك ما الطالب يتفوق على استاذة

ادريس: عاشت ايدج

: كمت وانطيته ايدي كمشه وكام : كبرتي لدرجة ما مستوعب الي كدامي مو هذيج الطفلة

شويكار: محد راح يبقى على عمره حتى انتَ جنت شباب

شمر عليه الخاولي: جنت ولازلت شباب

: ابتسمت ومسحت وجهي من العرك صارنه ساعتين ندرب ملاكمة طلعت من الحلبة جانت فارغة القاعة الصبح الشباب بدوام نص مكملين جامعات والباقين جاي يكملون هاي اخر سنة الهم واني سادس خارجي

: طلعت من القاعة كلها ورحت للحمام غسلت ورحت للمطبخ طلعت مي اشرب لكيته واكف باب المطبخ تنهدت بملل من اردف

ادريس: عندج ساعة والكاج بالمكتبة نكمل دراسة

شويكار: تمام

: طلع وعافني جريت كرسي وكعدت علي ابتسمت بتعب بعد كل هاي السنين الي مرت ما تغير شي بهذا المكان نفس القوانين ونفس قساوة ادريس ونفس عقوباته ونفس التدريب الي ما ينجرع بس الفرق الوحيد كدرت اتقبل المكان

: صرت شبيهته بكلشي الي جنت اكول مستحيل اصير مثلك اليوم اني انكس منه بالتعذيب الي جنت اخاف منه صرت اني اطلبة بنفسي اخخ يالزمن شكد يغير الشخص من بنت هشة ضعيفة تحولت الى كتلة من البرود والقساوة

: بهذا المكان تجردت من القلب ومن الرحمة كدر يجردني من مشاعري كدر يخلي هدفي مو الخلاص من هذا المكان وانما الانتقام بأبشع الطرق واذا اكول كدرت اوصل لهاي المرحلة بكل سهولة ف دا اضحك على نفسي