THE FIRST LOVES ||JINKOOK|| [Completed]

U 15

Unicode & Zawgyi

Unicode

ဖြေဆိုခဲ့သည့်စာမေးပွဲရလဒ်တွေထွက်မည့်နေ့ဖြစ်လင့်ကစား ဂျောင်ကုတို့သူငယ်ချင်းသုံးယောက်ကတော့ ဘာကိုမှပူပန်ခြင်းမရှိဘဲ သာမန်နေ့ရက်တစ်ခုလိုသာ ဖြတ်သန်းနေခဲ့သည်။စာတော်တဲ့ကျောင်းသားတွေဖြစ်သည့်အပြင် ကိုယ့်အခြေအနေကိုယ်သိသူတွေလည်းဖြစ်တာမို့ ဆိုးလ်တက္ကသိုလ်ဝင်ခွင့်လောက်ကတော့ အသာလေးအောင်မြင်မည်ဆိုတာလည်း ယုံကြည်ထားသည်။အခုလည်း ဂျောင်ကုကဂိမ်းဆော့နေသလို၊ ထယ်ဟျောင်းကလည်းစာဖတ်နေခဲ့ပြီး ဘောမ်ဂယူကလည်း နေ့လယ်ပိုင်းဆိုင်တစ်ဖြတ်ပြန်ဖွင့်ရင်သုံးမယ့် ဖန်ခွက်တွေကို အဝတ်ဖြူနဲ့ပွတ်တိုက်နေသည်လေ။

"ဟောဗျာ.......တက္ကသိုလ်ဝင်ခွင့်အမှတ်ထွက်မှာကိုခင်ဗျားလေးတို့ကနည်းနည်းလေးတောင်စိတ်ဝင်စားဟန်မပြပါလား"

နှင်းဆီပန်းတွေတစ်ပွေ့တစ်ပိုက်နဲ့ ဆိုင်ထဲဝင်လာတဲ့ဉီးဟာ ဂျောင်ကုတို့သူငယ်ချင်းတစ်စုရဲ့အခြေအနေကိုကြည့်ပြီး အံ့သြတကြီးဆိုလေသည်။နှင်းဆီပန်းအနီတွေကိုမုန်းပေမယ့် သိပ်ချစ်ရတဲ့ဉီးကိုယ်တိုင် ပွေ့ပိုက်လာတဲ့ပန်းတွေပဲမို့ ထိုင်နေရာကနေထကာ ဉီးလက်ထဲကပန်းစည်းကြီးကို လွှဲပြောင်းယူလိုက်သည်။အနားရောက်လာတဲ့ဂျောင်ကုအား ပြုံးပြကာ ကျေးဇူးတင်ကြောင်းပြောပြတဲ့ဉီးဟာ ဂျောင်ကုထိုင်နေခဲ့တဲ့နေရာကိုသွားထိုင်လေသည်။ပန်းထိုးတာ ဉီးရဲ့အလုပ်ပဲမို့ အနောက်ဖေးဘေစင်မှာပန်းကိုထားခဲ့ကာ အပြင်ကိုပြန်ထွက်လာလိုက်ပြီး ဉီးရဲ့ဘေးကိုဝင်ထိုင်လိုက်သည်။

"ဪ......ဒါနဲ့စာရင်းတွေထွက်ပြီသိလား.......ငါတို့သုံးယောက်လုံးအောင်တယ်"

ကုလားထိုင်ပေါ်ဖင်ချကာရှိသေး ထပြောလိုက်တဲ့ထယ်ဟျောင်းရဲ့စကားကို ဂျောင်ကုတို့ကာယကံရှင်နှစ်ယောက်ဟာ ခေါင်းငြိမ့်ပြရုံလောက်လေးတင်အသိအမှတ်ပြုလိုက်ပေမယ့် တကယ်ပျော်နေသည့်သူမှာ ဉီးသာဖြစ်သည်။အခုလည်း ထိုင်နေရာကနေထကာ မနက်ပိုင်းတစ်ဖြတ်တုန်းကကျန်ခဲ့တဲ့ချောကလက်ကိတ်မုန့်ကိုထယူကာ ဖယောင်းတိုင်သုံးတိုင်ထိုးစိုက်ပြီး ဂျောင်ကုတို့သူငယ်ချင်းသုံးယောက်ကို မှုတ်ခိုင်းလေသည်။အခုညနေကိုတောင် ဆိုင်မပြန်ဖွင့်တော့ဘူးလုပ်နေတာမို့ ဂျောင်ကုတို့လူငယ်သုံးယောက်မှာ ထိုလူကြီးအား ပြန်တားနေရသည်။သို့သော် ဇွတ်ရော၊အတင်းရော ညစာအပြင်မှာသွားမယ်တကဲကဲလုပ်နေတဲ့သူကြောင့် ညနေပိုင်းတစ်ဖြတ်ကို စောစောပိတ်လိုက်ရလေသည်။Hotelတစ်ခုမှာ ညစာဘိုကင်တင်ထားတယ်ဆိုတဲ့စကားကြောင့် နည်းနည်းပါးပါးပြင်ဆင်ဖို့အတွက် အိမ်ခဏပြန်မယ်ပြောသော်လည်း မျက်စိအောက်ကနည်းနည်းမှအပျောက်မခံတဲ့ဉီးဟာ အိမ်မှာပဲရေချိုးစေပြီး ထယ်ဟျောင်းရဲ့အဝတ်တွေကိုယူဝတ်ခိုင်းလေသည်။ဂျောင်ကုတို့တက္ကသိုလ်တက်ရမယ့်အရေးကို ဂျောင်ကုတို့ထက်ပိုပျော်နေပုံရတဲ့ဉီးအား တစ်ညနေလုံး လွှတ်ထားလိုက်ရပါတော့သည်။