ဝမ်မိသာစုအိမ်တော်
တွင် ဝမ်ယိုတစ်ယောက် ဒေါသထွက်လွန်းလို့ လက်စားချေနိုင်မဲ့ နည်းကို စဉ်းစားနေသည်။ ဘေးနားမှာ ဝမ်ယန်က ထိုင်နေပြီး ပြောလိုက်သည်။
" အဖေ..ဘာလုပ်ကြမလဲ.. ခုဏကလူတစ်ယောက် သတင်းလာပို့တာက မြေအောက်လောက က အဖေ့ တရားမဝင်လုပ်ငန်းတွေ ပိတ်ချလိုက်ပြီတဲ့..လီရှင်းရန် လုပ်တာမဟုတ်လား ..စောင့်ကြည့်နေလိုက် အဖေ ကျွန်တော် သူ့ကို တစ်ခုခုပြန်လုပ်ပြမယ် "
" မင်း အခုဘာလုပ်နိုင်မှာမိုလို့လဲ... မင်းသူတို့ကို ပြန်တော်လှန်ချင်ရင် အရမ်းစွမ်းအားကြီးနေမှဖြစ်မှာ.. မဟုတ်ဘူး.. သူတို့ထက် အဆပေါင်းများစွာ စွမ်းအားရှိမှ ရမှာ.. "
" ကျွန်တော်လည်း ကြိုးစားနေပါတယ် သိပ်မကြာခင် ချိစုဆောင်းခြင်း အဆင့် ၆ ကိုရောက်တော့မယ်လို့ ထင်တယ်.. ဒါပေမဲ့ အဖေ... အရင်းအမြစ်တွေတော့လိုတယ်.. ကျွန်တော် ဘယ်လောက်ပါရမီရှိရှိ ..အစပိုင်းအဆင့်နဲ့ အလယ်ဆင့်က ကွာခြားလွန်းတယ် "
" အေးပါကွာ...အဖေ့ တရားမဝင်လုပ်ငန်းတွေ ပိတ်လိုက်ရပေမဲ့ တရားဝင် စီးပွားရေးတွေတော့ ရှိပါသေးတယ်ကွ..ပြီးတော့ မင်းအဘိုးကိုသာ ဒီသတင်းပြောလိုက်ရင် သူဝမ်းသာအားရ မင်းကို ထောက်ပံလိမ့်မယ်.. ဝမ်ဟယ်တိ အသက် ၁၆ နှစ်နဲ့ ချိစုဆောင်းခြင်း အဆင့် ၆ ရောက်တုန်းကတောင် မင်းအဘိုးက ဆက်ခံသူအဖြစ် သတ်မှတ်လိုက်တာလေ.. မင်းက ခုမှ အသက် ၁၅ နှစ်ပဲရှိသေးတယ် အဆင့် ၆ ရောက်သွားရင် ဝမ်ဟယ်တိနေရာမှာ အစားထိုးလို့ရပြီး.. "
" ဟုတ်ကဲ့ပါ အဖေ ကျွန်တော်ကြိုးစားပါ့မယ် "
ပြောပြီးတာနဲ့ ဝမ်ယန် လက်သီးဆုပ်လိုက်ကာ မျက်လုံးတွေက စူးရှလာသည်။
ဟမ့်.. ငါကဘာလို့ ဒီလိုအမှိုက်တွေနဲ့ပြိုင်ရ မှာလဲ.. တစ်ချိန်ကျရင် အဲလူတွေအကုန်လုံး ငါ့ကို မော့ကြည့်စေရမယ်.. အရင်းအမြစ်တစ်ချို့လောက်က ငါ့ဟာငါ ရှာလို့ရပေမဲ့ ဒီနယ်မြေကို ငါမရင်းနှီးသေးဘူး ပြီးတော့ အဖွဲ့အစည်းကြီးတွေကို ရန်သွားစမိလို့လဲ မဖြစ်သေးဘူး အခုငါက ချိစုဆောင်းခြင်း အလယ်အဆင့်တောင်မရောက်သေးဘူးသူတို့နဲ့ ရင်ဆိုင်လို့မဖြစ်သေးဘူး... ငါ အင်အားပိုကြီးလာမှ ရမယ်..
YOU ARE READING
I will find you anywhere ( ဘယ်နေရာမဆို ငါမင်းကို လိုက်ရှာမယ်)
Adventureကမ္ဘာပေါင်း ထရထရီယမ်များစွာနဲ့ ဂလက်စီသန်းပေါင်းများကို အုပ်ချုပ်တဲ့ သီးခြား ကမ္ဘာ တစ်ခုဖြစ်တဲ့ ထာဝရမသေမျိုး ကမ္ဘာကြီးရဲ့ စည်းမျည်းများ၏အရှင်သခင်အသစ် လီရှင်းရန် တစ်ယောက် သူ့ချစ်သူ ယခင်စည်းမျဥ်းပိုင်ရှင်ရဲ့ ဝိညာဉ်ကို ကမ္ဘာပေါင်းများစွာမှာ လိုက်လံရှာဖွ...
