Unforgotten Night [KomBaiboon]

Ep-15

"မဟုတ်ပါဘူး ကျွန်တော်ကဒီအတိုင်းပဲမေးကြည့်တာပါ"
ကောင်ငယ်လေးကပြန်ဖြေသည်။

"ဒါမှမဟုတ် တစ်ယောက်မှမင်းကိုကျောင်းအကြိုအပို့မလုပ်မှာကိုကြောက်နေတာလား?"
Komကထပ်မေးလိုက်သည်။
Baiboonကတော့သူ့ခေါင်းကိုခါပြလာသည်။

"မဟုတ်ပါဘူး"
ကောင်ငယ်လေးကချက်ချင်းပင်ပြန်ဖြေသည်။

"တကယ်တော့သူ့ဘာသာဘတ်စ်ကားစီးသွားခိုင်းလည်းရပါတယ် အဲ့ဒါဆိုရင်မင်းလည်းနေ့တိုင်း Baiboonကိုအကြို့အပို့အတွက်ကားမောင်းစရာမလိုတော့ဘူးလေ အန်တီမြင်သလောက်ဆိုမင်းလည်းဒီရက်ပိုင်းနေ့တိုင်းအလုပ်တွေများနေတာမဟုတ်ဘူးလား?"
အန်တီNeeကဝင်ပြောသည်။

"အန်တီကျွန်တော်ကကိုယ်ရေးကိုယ်တာအရလည်းသူ့ကိုကြိုပို့လုပ်ပေးနေတာပါ ဘာလို့လည်းဆိုတော့ KhunKimကလည်းကျွန်တော့်ကိုအကူအညီတောင်းထားသေးတာလေ
ကျွန်တော်လုံးဝမအားဘူးဆိုရင်လည်း Lopဒါမှမဟုတ်တစ်ယောက်ယောက်ကိုသူ့ကိုကြိုပို့လုပ်ပေးဖို့ပြောထားမှာပါ"
Komကလေးလေးနက်နက်ပြန်ဖြေလိုက်သည် ။
ဘာလို့လည်းဆိုတော့သူ့စိတ်ထဲမှာBaiboonကိုတစ်ယောက်ထဲဘတ်စ်ကားနဲ့သွားခိုင်းတာမျိုး လုံးဝမဖြစ်စေချင်ပါ။

"အန်တီကမင်းအတွက်တွေးပေးတာပါ မင်းကအလုပ်တွေလည်းအများကြီးလုပ်နေရတာတောင် Baiboonကိုလည်း ကိုယ်တိုင်အကြိုအပို့လုပ်ပေးနေရသေးတယ်လေ"
အန်တီNeeကစိတ်ပူစွာနဲ့ပြောလိုက်သည်။

"အန်တီ ကျွန်တော်ဒီလိုလုပ်ရလို့ဝန်ထုတ်ဝန်ပိုးဖြစ်တယ်လို့မခံစားရပါဘူး ပြီးတော့ကျွန်တော်တို့ကဒီမှာမိသားစုတွေပဲလေ
အန်တီကကျွန်တော်နဲ့တစ်ခြားလူတွေကိုအမေတစ်ယောက်လိုမျိုးစောင့်ရှောက်ပေးနေတာလေ
ပြီးတော့ကျွန်တော်သေချာပါတယ် ကျွန်တော်တို့ကိုဂရုစိုက်ပေးနေရတာကို အန်တီလည်းဝန်ထုတ်ဝန်ပိုးဖြစ်တယ်လို့မခံစားရဘူးဆိုတာကိုလေ ဟုတ်တယ်မလား အဲ့တော့ကျွန်တော်လည်းတူတူပဲပေါ့"
Komကလေးနက်စာပြောလိုက်တော့ အန်တီNeeလည်းငြင်သာစွာပြုံးလိုက်မိသည်။
ပြီးတော့အကြီးတွေစကားပြောနေတာကိုတိတ်တိတ်လေးနားထောင်နေတဲ့ သူမမြေးရဲ့ခေါင်းလေးကိုပုတ်ပေးနေတော့သည်။