Unicode..
2037//
" ညက ငယ် အိပ်မက်ဆိုးတွေ မက်တယ်"
မျက်နှာသစ်ပြီး ပြန်လာသော ဆူးရစ်အား
ကုတင်ပေါ်မှာ ထိုင်နေသော ငယ်သည် မျက်နှာမကောင်းစွာ လှမ်းပြောသည်။
ဆူးရစ်လည်း မျက်နှာသုတ်ပဝါနှင့် မျက်နှာကို သုတ်လိုက်ပြီး ငယ့်ဘေးကို သွားထိုင်ရင်း..
" ဘာအိပ်မက်တွေ မက်လို့လဲ ငယ်"
" အိပ်မက်ထဲမှာ အမျိုးသမီးနှစ်ယောက်ကို တွေ့တယ်။ပြီးတော့ သူတို့တွေ အချင်းချင်းငြင်းခုံပြီး ငိုနေကြတယ်။ ပြီးတော့.. ပြီးတော့.."
" ပြီးတော့ ဘာဖြစ်လည်းဟင် ငယ်လေး.."
ဆူးရစ် စိတ်အားထက်သန်စွာ မေးလိုက်သည်။
ငယ်က သက်ပြင်းဖွဖွရှိုက်ရင်း ဆက်ပြောသည်။
" အိပ်မက်ထဲက အမျိုးသမီးက ဒီက .."
ငယ်က ဘေးဘီဝဲယာကို ဝေ့ဝဲကြည့်ပြီး
" ဒီက သရဲမနဲ့ တူနေတယ်"
" ဟင် "
ဆူးရစ် ထင်နေသည့် အတိုင်းပင်..
" အဲ့ထဲက မိန်းမငယ်လေးကလည်း ငယ်နဲ့တူနေတယ်.."
စိုးရိမ်ပူပန်သော မျက်နှာလေးနှင့် ပြောနေသည်ကြောင့် ဆူးရစ် ကရုဏာ သက်မိသွားသည်။
" ဘာမှ စိတ်ထဲ မထားပါနဲ့ငယ်ရယ် စိတ်လှုပ်ရှားပြီး မက်တာ ဖြစ်မှာပါ။ကျောင်းသွားရမှာမလား ရေချိုးတော့လေ.."
" ဟုတ်"
ငယ် ရေချိူးရန် သွားသည်အထိ ဆူးရစ် ထိုနေရာက မထမိသေး...
ငယ် ပြန်ဝင်လာသည်အထိ ထိုနေရာတွင် ထိုင်နေမိဆဲ။
အတွေးထဲ၌ ဒီကိစ္စတွေ ဘယ်လို ဆက်လုပ်ရမည်ဆိုတာကိုပင်။ဒီအတိုင်း ဆက်သွားပါက အဆောင်ပင် ပိတ်ရနိုင်သည်။
" မ ဘာ ထိုင်လုပ်နေတာလဲ ရေသွားချိုးတော့လေ.."
ငယ်က ထဘီရင်လျားလေးနှင့် ပခုံးပေါ် သဘက်လေး လွှမ်းထားပြီး မျက်နှာပေါ် ရေသီးလေးတွေ တွဲခိုနေသည်။
ဆူးရစ် အတန်ကြာ ငေးကြည့်နေမိသော မျက်နှာလေးသည် နီရဲလာမှ ဆူးရစ် သတိဝင်ပြီး ..
YOU ARE READING
လှမ်း၍သာလာလှည့်ပါ...(Complete)
Aléatoireကိုယ့်ဘဝထဲကိုရော.. ကိုယ့်နှလုံးသားထဲကိုရော နောက်ထပ်တစ်ခါ လှမ်းလာခဲ့ပေးပါလား ကလေးငယ်။ ...... ကိုယ့္ဘဝထဲကိုေရာ.. ကိုယ့္ႏွလုံးသားထဲကိုေရာ ေနာက္ထပ္တစ္ခါ လွမ္းလာခဲ့ေပးပါလား ကေလးငယ္။
