Unicode..
" ငယ် .. ငယ် ဘာလို့ ငိုနေတာလဲ"
ငယ်ထွေးပွေ့ထားသော ဆူးရစ်သည် သတိရလာပြီး ငယ့်မျက်နှာကို လက်နဲ့ ဖွဖွ အုပ်ကိုင်ရင်းမေးသည်။
" အဟင့် အဟင့်.."
ငယ်က ဆူးရစ်၏ အမေးကို မဖြေပဲ ဆက်ငိုနေတုန်းပင်။
" မသိသင့်တဲ့ အရာတွေကို မသိတာကလည်း အေးချမ်းခြင်းပဲ ဒကာမလေး.."
ဆရာတော်၏ အသံကြောင့် ဆူးရစ် လဲနေရာကနေ ကမန်းကတန်း ထိုင်ပြီး လက်အုပ်ချီလိုက်သည်။တစ်စုံတစ်ခုကို အပြင်းအထန် စဉ်းစားနေဟန် မျက်ခုံးတို့ က စုကြုံ့နေသည်။
" အနားတိုးခဲ့ကွယ်.."
ဆရာတော်၏ အမိန့်ကြောင့် ဆူးရစ်လည်း အနားတိုးကပ်သွားသည်။ထို့နောက် လက်ထဲ ဆွဲကြိုးလေး တစ်ခု ထည့်ပေးလာသည်။
" ဒကာမလေးတို့ အဆောင်မှာ ရှိတဲ့ ဆွဲကြိုးလိုပဲ.. ဒါပမယ့် အနည်းငယ် ကွဲပြားတယ်။ ဆွဲကြိုးနှစ်ခုကို ပေါင်းစပ်လိုက်ရင် တစ်ခုတည်း ဖြစ်သွားပြီး ဘယ် ဝိဉာဉ်ကိုမဆို အမှုန် ဖြစ်စေနိုင်တယ်။ဝိဉာဉ်က အသက်အန္တရာယ်ကို ထိခိုက်လာမှ ဆွဲကြိုး နှစ်ခုကိုပေါင်းပါ။ဘာကြောင့်လဲဆိုတော့ တကယ်လို့ အမှုန်ဖြစ်သွားရင် ဘယ်တော့မှ ပြန်မွေးဖွားလာနိုင်မှာ မဟုတ်တော့လို့ပဲ။"
ဆူးရစ်တို့ နှစ်ယောက်၏ မျက်နှာပေါ်မှာ အံ့ဩရိပ်တွေဖြတ်ပြေးသွားသည်။
" ဆွဲကြိုးနှစ်ခုလုံးကို တစ်ယောက်စီ အချိန်တိုင်းဝတ်ထားစေချင်တယ်။"
" မှန်ပါ့ဘုရား.."
ဆူးရစ်က ဆရာတော်ဆီက ဆွဲကြိုးကို တရိုတသေ ယူပြီး ငယ့်ကို ဝတ်ပေးသည်။
ထို့နောက် ငယ့်ပါးပေါ်က မျက်ရည်တွေကိုလည်း တယုတယ သုတ်ပေးသည်။
" တချို့သော သံယောဇဉ်အပူမီးတွေဟာ ကိုယ်တိုင်က မသိလိုက်မှာပင် လောင်မြိုက်နေတာပါလား.."
ဆရာတော်က ထိုသို့ မိန့်ပြီး အတွင်းခန်းထဲကို ဝင်သွားသည်။ဆူးရစ်တို့လည်း ဘုရားရှင်နှင့် ဆရာတော်ကို ရှိခိုး ကန်တော့ လိုက်ပြီး အဆောင်သို့ ပြန်လာလိုက်ကြသည်။
YOU ARE READING
လှမ်း၍သာလာလှည့်ပါ...(Complete)
De Todoကိုယ့်ဘဝထဲကိုရော.. ကိုယ့်နှလုံးသားထဲကိုရော နောက်ထပ်တစ်ခါ လှမ်းလာခဲ့ပေးပါလား ကလေးငယ်။ ...... ကိုယ့္ဘဝထဲကိုေရာ.. ကိုယ့္ႏွလုံးသားထဲကိုေရာ ေနာက္ထပ္တစ္ခါ လွမ္းလာခဲ့ေပးပါလား ကေလးငယ္။
