Chapter 21
-----------------------
ဧည့်ခန်းထဲရှိ TV ပေါ်တွင် ရေပန်းစားနေသော TV Show တစ်ခုပြနေ၏။
ကျေနပ်အားရနေသော ရယ်သံများကပေါက်ကွဲထွက်နေသည်။
ကြီးကောင်ဝင်စအရွယ် ရောက်နေသော ကျင်းမြောင်သည် ခပ်အက်အက်အသံ အနည်းငယ်ပေါက်နေသေးပြီး အဖေကျင်းဘက်သို့လှည့်ကာ ကလေးလေးတစ်ယောက်လို သရုပ်ဆောင်လိုက်သည်။
“ဖေဖေ့ အဲဒါ ခေါင်းဆောင်မင်းသားသုံးတဲ့ ဖုန်းပဲ... သားလိုချင်တယ်... သားအတွက် ဝယ်ပေးရမယ်နော်”
ကျင်းဖူ၏ အသံမှာ ငြင်သာနေပြီး သူက စိတ်ဆိုးဆိုးဖြင့် ပြောလိုက်သည်။
“ဘာဖုန်းကိုဝယ်မှာလဲ... နာခံမှုရှိစမ်းပါ... မင်းက အခု အရေးကြီးတဲ့ အခြေအနေကို ရောက်နေပြီ...မင်းဒီထက်ပိုပြီး စာလေ့လာရမယ်”
“ဝယ်ပေး ဝယ်ပေး”
ကျင်းမြောင်က ကျင်းဖူ၏လက်မောင်းကို လှုပ်ယမ်းလိုက်သည်။
“ဖေကြီး သားအတွက် အဲဒါလေး ဝယ်ပေးပါလား နော် နော်... သားအခန်းဖော်တွေဆီမှာတောင် အဲဒါ ရှိတယ်... စာကျက်မပျက်စေရဘူးလို့ သားကတိပေးတယ် ဟုတ်ပြီလား”
ဖေဖေကျင်းက ချောင်းဟန့်လိုက်သည်။ သို့သော်လည်း သူ့သား၏ ပူဆာမှုကို မခုခံနိုင်တော့ပေ။
“ကောင်းပြီ မင်းကို ဝယ်ပေးမယ်... ဒါပေမယ့် မင်းရဲ့စာလေ့လာတဲ့အပေါ်မှာ ထိခိုက်လို့မရဘူး... ကြားလား”
ကျင်းမြောင်က တက်ကြွပျော်ရွှင်သွားသည်။
“ဖေဖေက အရမ်း သဘောကောင်းတာပဲ”
ကျင်းစစ်သည် အေးစိမ့်နေသော ကြမ်းပြင်ပေါ်တွင် ခြေဗလာဖြင့် ရပ်နေကာ အပြင်ဘက်ရှိ ရယ်သံများကို နားထောင်ပြီး မျက်လုံးများကို အနည်းငယ်မှေးကျဥ်းလိုက်လေသည်။
ခဏကြာပြီးနောက် သူက ဖုန်းကို ထုတ်လိုက်လေ၏။
......
1982၏ အခန်းထဲတွင် ကျန့်ချွယ်သည် သီချင်းတစ်ပုဒ်ဆိုပြီးသည့်နောက် မိုက်ခရိုဖုန်းကို ချလိုက်ကာ သူ့လည်ချောင်းကို စိုစွတ်စေရန် တံတွေးမျိုချလိုက်၏။ ပြီးနောက် သူ့ဘေးရှိ ဟယ့်ကျိုးဘက်သို့ လှည့်ကြည့်လိုက်သည်။
YOU ARE READING
ကျောင်းမြက်ခင်းစိမ်းလေးရဲ့ ရည်းစားဟောင်းအဖြစ်သို့
RomanceTitle- Dressed as The School Grass's ex Boyfriend Description ကျင်းစစ် : သင်္ချာပုစ္ဆာတွေကလည်း ဖြေရှင်းရခက်သလို စာမေးပွဲတွေကလည်း စိတ်ဝင်စားစရာမကောင်းဘူးမလား... အဲဒါဆို ဘာလို့မချစ်မိတာလဲ... စိတ်မဝင်စားရင် မဖြစ်နိုင်ဘူး... အချိန်အလဟဿကုန်တာပဲ... ကျောင...
