في جحيمهم عالقة

بارت 13

الكاتبة: - زينب باسم الحربي
حساب الانستكرام:-zienab_alharbi

………………………………
رغم أننا نؤمن أن أختيار العقل أكثر صوابًا إلا أنه يصعب التخلي عن أشياء أختارتها قلوبنا.🩵☁🤍

…………………………….

ريم: - اخذت الكلاص من ايدة وشربتة مرة وحدة عن لا يرجع يضربني وضربتة توجع طلعت حركة كلبي كلها بهالكلاص ريحتة كريهة نفس ريحة المجاري شغل جكارة وخلاها بحلكي سحبت نفس وكحيت حيل باوعلي وابتسم ابتسامتة الحقيرة

_يلا عادي تتعودين اشربي الثاني

_دفعت الكلاص من ايدة واني دايخة وارجف كتلة لا وخرة ما احبة كلش بس سحبة من ايدي وشربنياه مرة وحدة وهو مبتسم فقدت يعني شي بسيط اتذكر دفعتة عني وكمت اتطوطح اروح اني بالغرفة غفيت وبعد محسيت بشي غير للصبح كعدت فتحت عيوني عيني بالسكف وفكرت اني مو البنية النضيفة اللي اتعلمت الصلاة من الطفولة دنسني ووصخني مو ريمة حبيبة امها من اليوم التفتت لكيتة نايم بصفي وبدون ملابس تفلت علية بلا صوت وكمت ابجي اباوعلة اشلون نايم براحة ولا كانما مسوي شي يغضب رب العالمين كمت كوة امشي دايخة فد نوب  غسلت عيوني وسويت ريوك نتريك اني وجهالي للضهر وكعد هو اجة يمشي غمزلي

_علئ فكرة حبيت البارحة حيل هاج هاي بوسة

_خزرتة وبجيت بصوت وابني بحضني بس ولا هز من عندة شعرة باوعتلة بحقد راح ورث جكارة وانطانياها

_هاج هاي هسة تصيرين توب التوب وتروح الدوخة

_من القهر اخذتها من ايدة وسحبت نفس قوي كحيت حيل وهاي اول عادة نكسة علمني عليها
شمرت الجكارة وكمت من يمة عبرتة وطبيت للحمام الشيطان لعب بعقلي وهنا بمصر السخانات غاز فتحت السخان وخليتة يسرب غاز وكعدت بالكاع رفعت رجلية وخليت راسي علئ رجلية ضليت افكر بيني وبين نفسي مو اني هاي مو اني بين يوم وليلة صرت وحدة نكسة صرت وحدة وصخة ما تنضف بعد بشنو راح اواجه رب العالمين بجيت بيني وبين نفسي كل اللي جنت مفكرة بي اموت واخلص من هالحياة مفكرت باحد ولا بعواقب هذا الشي ولا بالذنب العلية اندك الباب حمودي يصيح ماما فكيت عيوني علئ وسعهن هاي الكلمة صحتني كلش صحتني وكانما شالتني من عالم الغفلة الاني بي كمت بدون سبح لبست هدومي وطلعت اخذت ابني ورحت للبلكونة خليتة يلعب واني اباوع للناس اللي بالشارع البنات طالعة للمدرسة وهنا تقريبا بعمري زين ليش اني بالذات ليش دائما ما عندي شخصية ليش اقارن نفسي بيهن ليش كلهن راحن للمدرسة وقت دراسي بس اني عمري 17 وعندي ملائكة 2 وداير مدايري وحوش داير مدايري مو بشر غابة وبالاخص ابوهم اجاني مصطفئ يجر بذيالي ويضحك

_ماما ممة

_باوعت الضحكتة ورجع الشيطان لعب بعقلي لا ما اخليكم عايشين اخذتهم اثنينهم وطبينا للحمام وقفلت الباب وكعدنا بلكي ينفجر بينة وادعي الله ينفجر بينة واموت واخلص ادري حرام بس نفسيتي تعبت اني تعبت اني مو كد هالصبر ابد فزيت وكمت طفيت السخان وبجيت اني شداسوي اني احتاج احد يرشدني اني احتاج ام مو النوب اصير ام دخيلك ياربي ساعدني سبحتهم وبدلنا وطلعنا
طلعت لكيتة ياكل وكلش عادي مو بعينة بكلبي كلت ان شاء الله سم اجاني غمزلي