في جحيمهم عالقة

البارت (1)

الكاتبة: - زينب الحربي
للتواصل انستكرام: -zienab_alharbi

……………………………
ذات السبع سنوات

صغيرة وجميلة مميزة

لا يوجد ما تعيش لاجله سوئ نفسها ووالدتها

_ريمي ماما راح اروح للمعمل دربالج علئ نفسج

_رفعت راسي ابتسمتلها صباح الخير حبيبتي

_صباح النور بعد امج تعطلت علئ شغلي راح اروح للمعمل خليتلج ريوك علئ الطباخ وسويتلج جاي دربالج تشعلين الطباخ ارجعي نامي اذا بعدج نعسانة وشغلي التلفزيون باوعي عليه اذا ضايجة تمام ماما

_تنهدت تمام ماما هي راحت وقفلت الباب لان تخاف عليه حتئ مبايل ما عندي  رجعت نمت اشوية وكعدت كمت غسلت وجهي لكيت بيض بس الجاي بارد وهي وصتني اشلون ياربي صبيتة هو بارد وشربت وتريكت شغلت التلفزيون علئ سبيستون وكعدت اباوع سمعت صوت لعب الاطفال من الشباك باوعت لزينب تلعب وي ابوها بالشارع وتضحك اني ليش ما عندي اب ليش بس امي تتعب علمود تعيشني مو المفروض عندي اب تنهدت وكعدت اني من صرت ودرت ما عندي اب امي فقط هي الوحيدة الدايرة بالها عليه لا عمام ولا خوال كانما مكطوعة من شجرة فقط صديقة امي خالتي حسنة اعرفها اشوية واجت امي دخلت والتعب ماكل من حيلها باوعتلي وابتسمت

_اشلونها عزيزة امها اشلونها حبيبتي

_ابتسمتلها اني بخير ماما جنت متانيتج ضجت وحدي

_يبعد امج لعد شسوي هسة تجينة خالتج

_تمام ماما جبت طشت غسلت رجليها وغسلت وجهة وكامت تصلي كملت وكعدت يمها تقرا قران علئ راسي ماما انتي ليش تصلين

_ماما اقرب عمل من الانسان لله هو الصلاة الله منطينا اهواي هذا رد الجميل الة هو ما محتاجة بالعكس هاي الاعمال النا يسجلها بالاخرة

_بس ماما ما عندي اب يعني ما منطيني اهواي خلت ايدها علئ راسي تنهدت

_لا تكولين هيجي ماما عدنا اهواي اشياء عدنا بيت وعدنا شغل عدنا اكل عدنا صحة نكدر ناكل ونشرب ونشوف ونسمع ونمشي ونصلي هاي كلها من نعم الله هسة ابسط شي بيتنا اللي يلمنا من حر وبرد اهواي ناس ما عدها مثلنا وتتمنئ مثلنا تعيش اهواي ناس تتمنئ تشوف وتتمنئ تسمع وتتمنئ تاكل وتشرب ويكون عدها شغل كلها نعم هاي ماما المفروض نحمد الله ونشكرة عليها

_الف الحمدلله والشكر زين ماما بابا وين

_ابوج انفقد يا امي وما ندري بي وين قسم يكولون ميت وقسم يكولون مفقود والعلم عند الله ليش تسالين ماما شنو ما مكفيتج اني

_لا ماما اريد مثل زينب تلعب وي ابوها

_الله كريم يمة الله كريم اجيبلج اب ان شاء الله