في جحيمهم عالقة

بارت (32)

الكاتبة: - زينب الحربي
حساب الانستكرام: -  1oz_w

……………………………………
تگلي أحمِيك وانت
ملثم مِن الخوف !
تسولف عَلى النِدى
وتِحرگ بسَاتيني .

…………………………………

ريم: -اجه وكف يمي باوعلي وهو مستحي مني ويدري بروحة كلش غلطان علئ سوايتة وياي كال بخجل

_ اشلون صرتي

_  الحمدلله بخير الله ليعوزني لاحد

_ ليش اجيتي للشغل مو بعدج تعبانة خاف تتخربطين

_  باوعتلة واني بداخلي عتب الدنيا كلها علاجي هنا مو ابقى بالبيت انتضر رحمة من احد درت وجهي عنه وهو صعد ضليت بمكاني احس نفسي احبه و اكرها بنفس الوقت صار الليل  وطلعت للبيت وصلت هناك لكيتة واكف بباب العمارة ما حجيت شي وياه كانما مموجود  صعدت و هو ورايه طبيت للشقه وفات هو كال

_ شبيج ليش هيج جاي تسوين عاتبيني بس لتضلين شايلة بكلبج علية

_مابية شي. بس ضايجة

_كلت  احجي لتضلين ساكتة

_ ما اريد احجي ولا اريد اعاتبك لان بطلت اعاتب احد الكل يعرف شديسوي فمراح اعاتب ابد

_  اني مو احد اني حبيبج ربيع

_   من عفتني واني محتاجتك صرت احد ليش مكلت بوقتها اني حبيبها اشلون اعوفها  بهاي الحالة ما طخت ببالك يعني ماكلت خطية

_صار عندي ضرف انجبرت وداعتج وداعة معزتج عندي

_   شنو الضرف الي يخليك اتعوفني مريضة هنا ومسوية عملية  وتعرف محد الي ومحد عندي
شفكرت تعرف شصار بيه تعرف شلون صرت زينه حتى لو جايني نص ساعه جان فرقت عندي هنا انهاريت وضليت ابجي هو كام حضني ويحلف بعد ميعوفني وانو صار عنده ضرف بس يريد اسامحة وسامحتة مرت ايام و شهور عيشني احلى ايام عمري عشتها بس جان من يريد يتقربلي ماكدر اخاف و انفر منه ورغم هل شي ما اتغير عليه عشنا ايام كلش لطيفه مكسر خاطري ولا ضوجني وصلنا لل ١٠ /٢٠١٩ وقت المضاهرات طبعا الوضع كله اتخربط عايشين بتوتر اصلا الوضع ببغداد جان يخوف بسبب الأشعات الي كامت تطلع فاجة ربيع سكن وياي رسمي مرت الايام و الوضع صار اصعب طلعت الإشاعات على مرض الكورونا الى ان وصلنا لشهر ١٢ سدو المطعم وكعدنا بالبيت جنة اول بداية فرحانين  ونام نوم مو طبيعي وبالليل نلعب بوبجي واكل وبالنهار نوم اجه راس السنه وطبينا ٢٠٢٠ احتفلنا بيناتنا ويه اصدقائنا و كلش اتونست طبعا جنت فاتحه خط ويه الجهال ونحجي متونسين سديتة منهم ورجعت وي البنات لتن كل واحد و زوجتة جانت الاجواء اتجنن صارت الساعه ١٢ ربيع قدملي بوكيه ورد والشباب هم كل واحد انطة زوجته هديه المفاجأة وين انو ربيع باسني كدامهم كلهم وهم يصفكون واني بنص هدومي كملنا سهرتنا ورجعنا للبيت مشي اتونسنا  جان يسولفلي على حياته قبل من جان بلبنان و دائما من نروح للماركت هم انروح مشي مسافه طويله كل مره يسولفلي قصه شكل حتى ما اضوج او اتعب مرت ايامنا بسلام وصلنا ليوم ميلادي ٢٤/١
حجرلنا بمطعم كلش راقي بدلت ومكيجت وطلعنا وجان ويانه شيف ايلي هم لان جان صديقنا كولش البسيت فريند مال ربيع  وصلنا للمكان جان كولش حلو ومرتب دخلنا وجان اكو أمسية اتعشينا وكملنا جابو الكيك  و ورد وياه وعلبه جان جايبلي سوار ذهب كولش حلو و احتفلنا وكملنا تقريبا ل ساعه ٣ يلا رجعنا للبيت
طبينا للبيت اني كبل للحمام اسبح و هو بقة بره طلعت جنت لابسه دشداشه قصيره هو جابها الي اسمعه مشغل اغنيه مال وائل كفوري يا اميرة كل النجمات جرني من ايدي وبقى يركص واني اركص  وياه ويغني
عمري كلو بيديكي
صوتك همسات النسمات
والحنيه الي بعنيكي
ويحضني قويه  ويفرني واني اضحك و هو مكيف خلّصت الاغنيه ادنه عليه وباسني و الاول مره ابادلة هو كيف تالي شالني واخذني للغرفه كل لمسه و كل حضنة جانت حنينة  وبعدين صار الي صار  جنت كلش مستحيه منه ومغطية راسي جرني لحضنة وكال

_عادي ليش تستحين اني زوجج شيلي المستحة