في جحيمهم عالقة

بارت (27)

الكاتبة: - زينب الحربي

حساب الانستكرام: -1oz_w

……………………………
كبرانه احس روحي صرت
مابيه احبن واعشگ
ماعندي واهس والگلب
مابي بعد يتعلگ
هو انه گبل شحصلت
كل يوم اموتن وازهگ
واهواي أمور اتغيرت
حتى المشاعر تعتگ
مو ذيچه وادمنا التحب
ياگلبي بالك تزلگ

…………………………
ريم: -
نمت نومة تعب كعدت الصبح طبعا جان عدنه اجازه
كمت طبيت سبحت وبدلت وخابرت امي اول مردت الو السلام عليكم

_الو هلا ماما اشلونج بعد امج

_الحمدلله بخير انتي اشلونج  اكلج  باجر اجيج

_ ماشي هلا بيج

_يلا باي سديتة منها  خابرت ربيع اول مفتح خط

_لك اهلين وسهلا بالحب كيفك

_هلا الحمدلله بخير اكولك راح اجي للمطعم اخذ فلوس وهم اشوفك

_  ماشي اهلا فيك

_ لبست ملابس سبورت رحت كلهم موجودين ابو المطعم ابو احمد جان موجود اول ما دخلت سلمت وكلهم ردو عليه السلام  خطيه انطاني  فلوس كال

_هاي بابا مال تعبكم البارحة ووكفتكم وياي وما فشلتوني

_ وزع للكل  خطيه وانطاني نص راتب ٥٠٠ الف و ١٠٠ منه كتله كافي. شكرا جزيلا ما انسة وكفتكم وياي سلمت وطلعت رحت كعدت يم ربيع ضلينا انسولف كال

_مشتاق اشوكت يصير كلشي رسمي

_  ان شاء الله بس ارجع ارتب الوضع يم اهلي حتى تجي تتقدم رسمي

_ ماشي مستني

_ خطية جان  فرحان. كمت سلمت عليه ودعتة رجعت للبيت نضفتة وخليت كم قطعه ملابس الي وكم شغلة لامي ولاخواني   خابرت السايق كال بالطريق كتله ماشي لحد ما وصل  حضرت روحي ولبست شي مريح لان الطريق طويل  ومتعب  وصلت واتوكلنا على الله جان الجو بارد طلعنا بغداد وربيع ع الخط خطيه جان باله يمي  وصلنا للاستراحة نزلنا بمطعم بس ضهري مفصوم من السياره طبيت كبل للحمام غسلت  ورتبت شعري  وضليت اتحرك شوي علمود يمشي دم بيه وشربت جكاره وطلعت جبت نساتل وعصير لان ما اكل بل طريق شي اخاف تلعب نفسي. شوي وكال السايق

_ يلا هم يالة نوصل بعد ورانا طريق طبعا اني صاعدة كدام والباقين  وره ضل يمشي والنعاس موتني وماكدر انام لان ابقى بقلق واخاف من الطريق  قربنا نوصل صار ٤ ساعات بل طريق قريب نوصل ما اشوف اله سيارة وكفت كدامنا والسايق لزم بريك حسيت روحي طرت بس اكو ايد انمدت وجرني لمكاني اباوع خطيه الولد الي وراي جرني حتى لا انضرب يعني لو ما لزمني جان طلعت من الجامة خليت ايدي علئ كلبي و بعدني مهبوطة انطوني مي هديت شوي اتشكرت من الولد وكملنا طريق كلت يا ستار هاي بدايتها  طبينا دهوك  سويت اقامتي وكملت الاجراءات كاملة وكلشي كامل  ورجعنا لليارة  خابرتها. لماما كتلها راح اوصل اني