في جحيمهم عالقة

بارت (36)

الكاتبة: - زينب الحربي
حساب الانستكرام: -1oz_w

…………………………
يوصلنه السرة و يتأجل الموت
يم رگابنه و تعمة السچاچين .
…………………………
ريم: -
سدت التلفون مني ونشرت ستوري والبنات نشرو همين حتئ الناس اللي موجودة بتلفوناتنة تدعيلها اشوية و دموع خابرتني تبجي

_ريم امي حتموت كولش مو زينة خايفة عليها حيل خايفة حبابة ادعيلها انتو كلكم ادعولها 

_دكولي يا الله يمعودة خلي املج بالله جبير و لا يضل بالج الله يشافيها ويكومها بالسلامة يارب يلا غسلي وجهج وصلي وادعيلها حبابة كومي يلا
اشوية وخابرتني امي  تلطم

_ولج ريم شبيها خالتج وليش ما تكولون لان بعيدة عليكم

_ ها هلاو ليضل بالج  ماكو شي هسة الحمدلله احسن شوي لحد يضل يبجي خلو املكم بالله جيير جانت امي متكدر تجي لان سادين الطرق. حظر تجوال بكل العراق. بسبب انتشار الفايروس يعني إذا اجتي متكدر تدخل ربيع شاف الستوري دخل عليه ضل يتصل ما جاوبته دز رسايل فتحتهم كلت خل أجاوبه اكو رسالة مكتوب بيها

_شكو شصاير حبيبتي هسة غير تفهميني شكو ليش ساكتة

_ رديت عليه كتلة  هيج وهيج السالفة وبالنا كلنا عليها رجع كتبلي 

_ بس طمنيني انتي وين. خوما بيج شي

_كتلة  ببيت خالتي مرايم كال

_ماشي هاي هي 

_دز هاي الرسالة واختفى جابتلنا خالتي الغدة و كالت

_يلا ماما اكلو  ونامو لان يومكم جان صعب يحتاجلة راحة حتئ لتتخربطون

_ هم صدك أخذتني غدير بدلت ملابسي وغسلت وجهي وادية  وبلكوة أتحرك اكمز جني كنغر وبنت غدير تضحك علية ارتاحيت شوي صبت الأكل خالتي  مسوية دولمة واني افقد عليها كولش احبها ولبن صبتلي ع الميز اني اكل  وهم كعدو بالكاع كالت غدير

_ اليوم متكدرين تتعاركين ع جدر هههههاي

_ ومرض مو مصابة اني المفروض منج اتجيبي الي بدون حروب. وعركات ضلت تضحك أكلنا دولمه مال خالاتي وامي ماكو مثلها ابداااا كل وحده اتسويها بطريقة وكلهن طيبات خلصت الأكل كالت خالتي

_هاي شنو الماعون بعده متروس شكلتي لعد؟

_ شبعت والله. بعد كولشي ما اشتهي

_ماعندي هيج حجي. حجي يفيدج هذا بس مل يفيدني وراج دوة أكلي يلا هسة تخلصين الماعون كامل

_ أكلت على كيف عود اني دا أكل هي جذب حتئ متضل خالتي تحجي  خلصنا شالت السفره صعدتني غدير للغرفة أخذت الدوة ونمت واني نايمة احس احد دا يلعب بشعري كل الي بالي بنت غدير شو هاي دا شم ركبتي فزيت شفت ربيع كبالي كال