في جحيمهم عالقة

بارت (29)

الكاتبة ;- زينب الحربي
حساب الانستكرام: -1oz_w

..............................
أنِي أدرِي رَاح أنجَرح
بَس أبَد مُو مَنّك ،
أسِفة الأهلِي الچَنت
احچِيلهُم عَنّك .

...........................
ريم: -
رجعنا كل واحد لبيته واني هم رجعت لبيتي
ومشت لايام وشغل لحد يوم ٢٤/١ يوم عيد ميلادي جنا بالشغل عادي ودنشتغل اجة يمي ربيع وكال

_ انطيني نسخه من مفتاح الشقة مالتج

_باوعتلة واني مستغربة وكتلة ليش

_ شغل اريد اسويها وارجعه الج باليل وبدون سؤال رجاءا

_ كتله تمام انطيته نسخة وكملت شغلي طبعا اني رايح من بالي انو عيد ميلادي اليوم بس اشوف ربيع مخبوص وكل شوي يروح على عبدو كتله شبيك صاير شي وضامة علية

_ما بيه شي بس اشوية مشغول

_هزيت راسي صارت الساعه ب ٩ خابرتني امي كالت

_الو ماما اني جاية للمطعم

_ حجيت باستغراب و كتلها هلا بيج اشوكت متجين صدوك نص ساعة وصلت اخذتها وكعدتها والجهال اخذتهم منها كعدتهم كالت

_ تعالي كعدي يمي

_ رحت كعدت اجتي. زهراء كالت

_ مرحبا

_ طبعا اني ما احجي وياها وحده مو مؤدبة
كالت امي هلا بيج و راحت باوعتلي امي كالت هاي مو راحه كتلها اعرف والله بس شسوي شالت تلفونها ودكت فتحت الخط زينب صديقتي القديمة ضحكت باستهزاء جان اتكول

_ مبروك ريمة

_الله يبارك بيج ضلت اتسلم واني من النوع الي اسامح بس ما انسى وعادي ضلينا نحجي كالت رجعنا لبغداد كتلها اي زين شوي جان اتفر الكامره وطلعو جهالي يمه قلبي وكف بدون وعي ضليت ابجي جان اتصيحهم شافوني وضلو يبجون وهي اتسكت بيهم سكتو شوي ضلو يسولفون جان يحجي ابني الجبير كال

_ماما اني اعرف ليش رحتي رحتي لان بابا ضربج بس لا تخافين بس اكبر اجيج واضل احبج ماما لا تضوجين من اكبر اشوكت ما تضوجين اجيج

_شاطت روحي كتلة ماما والله احبكم اني وان شاء الله اكدر اجيبكم يمي عاد زينب اخذت التلفون كالت

_ صار صوت سدي كل فتره اخابرج اخليج اتشوفيهم دزيلي رقمج

_ماشي واني دموعي ما نشفت سدته حضنت امي وضليت ابجي كالت

_حمدي الله انو دا اتشوفيهم

_كلت الحمدلله شوي سكتت كتلها شعجب رجعو

_ امها مريضة واجوي علمود الدكتور لان وضعها فد مره

_كتلها الله يشفيها اجه ربيع شافني وجهي مورم وعيوني هم كال شبيج كتلة السالفه