في جحيمهم عالقة

بارت (39)

الكاتبة: - زينب الحربي
حساب الانستكرام: -1oz_w

…………………………………
و تظن أنك تقاوم و أنتَ في الحقيقة تنطفئ
…………………………………
ريم: -
ورجعنا للبيت كالعادة  خالة محضره الأكل وتنتضرنا
اول مطبينة كلنا السلام عليكم ردت خالتي

_وعليكم السلام بدلو وتعالو تغدو يلا منتظرتكم

_ماشي خالة  خطية منتظرتنا  رجعت احجي وي امي اتصلت عليها سلمت عليها اريد احسها يمي دزيتلها بوسة بالجهاز كلتلها اشلونج وهي هم سالت عليه  فبنص الحديث كالت

_اكلج  ذهبج و  غراضج وين

_ ذهبي احتاجيت  وبعتة

_ هاا. كلة؟

_اي كلة بس اني بالحقيقة  مبعت شي بالعكس جنت أزيد عليهم كل ميصير عندي رجعت  كالت

_ متحين يمي مفكرتي بالموضوع يومية اطرحة عليج؟

_مو هسة خل أشوف وضعي يلا واردلج خبر

_ ماشي. يلا مع السلامة

_الله وياج سديت التلفون ونمت مرت 3 شهور بأمان وعادي كولش يعني لا شي جديد من السوك للبيت من البيت للسوك  وصلنا شهر 10/2020
هنا بدت الأمور اتصير عكس رجعت امي نفس مشاكلها وياي وخالتي بوجه المدفع طليقي رجع يحقر وياي ع جهال لان دا ارفضة ربيع حاول وياي هواي بس اني رافضتة وسمعت مصاحب وحدة وحامل منة استغفر الله يجوز زوجتة ما ادري بس تخبلت ولعبت نفسي  خالتي بدت تتمرض وجانت محتاجه عملية وبالشغل الوضع صار مو مريح كلها التمت عليه رجعت دموع تشتغل ويانة فد يوم الصبح جانت تمطر كولش قويه فعمو وصلنا للشغل واحنا نزلنا بس راح. باوعتلهن هنا ضحكن كلتلهن يلا طلعنا نركض بالشارع ونلعب جان السوك فارغ بس احنا بي حتى اهل المحلات مطالعين  واحنا نكعنا مي طبينا للمحل ميتين برد خالة ام علا فاتحة الصوبة كالت

_ شبيكم جهال انتو

_ اي والله خالة جهال

_ ديلا لعد تعالن يم الصوبه لا تتمرضون

_ رحنا نركض كعدنا ندفة كالت دموع

_ اني كولش ضايجة اليوم ومغثوثة حيل 

_شبيج يا ستار شصاير؟

_  مدري بس تعبانه وأختي راح تتزوج عرسها قرب واكيد راح يحبسوني بالبيت علمود اخدمهم وامي منا مريضة وميتفاهمون ابد

_  كولي يالله ان شاء الله الأمور تمشي مثل هسة واحسن  كالت غدير

_يلا ولجن كومن ع شغل اخذنا الواهس وكعدنا شو

_  يمعودة  الدنيا غركانة  مي منو يطلع للسوك هسة

_  يي صح راحت من بالي

_  دكومي سويلنا شي دافي نشربة  من ايدج الحلوة كامت واحنا بقينا انسولف اجه أبو زهراء. كال