في جحيمهم عالقة

بارت (33)

الكاتبة: - زينب الحربي
حساب الانستكرام: - 1oz_w

……………………………
ليس عليكِ أن تخوضي حروبًا قذرة
، استرخي و ستنتصرين طالما
أنتِ صاحبة الحق .

……………………………
ريم: -
دنكت. باوعت بعيوني شفت موقف قهرني كلش وبنفس الوقت حسيت بفخر تعبي ما راح شفت مصطفى حاضن رجلي ويريد يبوسني متحمس كلش متحمس يشوفني دنكت  كبل شلتة وبقيت ابوس بي واشم ريحتة وابجي وره شوي اجة حمودي من بعيد يصيح

_ماما ماما اديتي

_اي اي حبيبي اجيت حضنتة  هم بقيت احضن بيهم و ابوسهم ممصدكة هم بحضني و اني يمهم بحيث ضليت اشهك من البجي اخذتني زينب   كعدتني
وجابتلي مي شربت

_تفضلي اشربي وكولي ياالله واحمدي الله واشكري هم بصحة جيدة وتكدرين تشوفيهم استريحي يلا

_بستها وكلت الحمدلله وكعدنا وهم يمي يسولفون كتلهم يلا ماما حضرو نفسكم حتى انروح كامو بفرحه يلمون ملابسهم ضحكت عليهم لا تاخذون هواي جبتلكم اني هم كالت زينب

_ اي والله  زين جبتيلهم ابوهم صار كومة ما مشتريلهم شي ملابسهم قديمة

_ مو مشكله اني اجيبلهم كامت سوت جاي وكعدت اتسولفلي على مشاكلها وياه و خيانته الها كتلها ترة انتي اتعرفي يعني مو غريب عليج وتعرفين كل سوالفة النكسة شكو اخذتي باوعتلي بحيرة ومقهورة كلش

_ صح اني احبة واريدة بس مجنت اريد اتزوجة  بس انجبرت اتزوجة

_  اشلون انجبرتي وشنو اللي جبرج

_  اختي

_سكتت وحسيت الغصة بصوتها كانما تريد تبجي
كتلها شبيها احجي كالت

_ ريم زهراء  رادت اتبيعني لكو…………… باربيل تريد تخليني وصخة فوك الوصاخة اللي اني بيها تعبت اني تعبت منهم وين اروح

_ عزا بعينها صخام الصخمها اي والله  صدك تحجين

_ والله فحتى متاخذني عقدنا اني وحسين

_ضلت تبجي كتلها شبيج ليش دا تبجين هسة

_  مابقة احد الي وعمتي دا اتاذيني و تعيرني بالماضي مالتي والله تعبت منها و حسين هم دا يخوني. وماكو شخصية لا يحل ولا يربط تعبوني كلهم واني ماكدر اطلك وين اروح ابقى بالشارع يعني

_كتله باعي صح الي صار بينة خيانة وانتي تعرفين بس اني ما انسة وكفات امج وياي فبيتي مفتوح الج شوكت ما حبيتي تجين اهلا وسهلا ولتعتبرينة بيتي اعتبري نفسج جاية لبيت اهلج هيجي تمونين عليه ولتعتبرين نفسج ثكيلة بالوكت اللي حسيتي بي انتي محتاجة سند اني موجودة باتصال واحد تلكيني يمج مال هذولي ينعدلون فمراح ينعدلون وذيل الجلب مينعدل حشاج حضنتني وضلت تبجي صراحة وضعها صعب واني اكثر وحدة اعرف هي بشنو دا اتحس وخرت مني راحت اتغسل اجوي الجهال اثنينهم حجو مرة وحدة