في جحيمهم عالقة

بارت (16)

الكاتبة: - زينب الحربي
حساب الانستكرام:-zienab_alharbi

…………………………………
قل لروحك مواسـيًا ، موقـنًا ، مؤمـنًا ؛
‏﴿ أَلَم تَعلَم أَنَّ اللَّهَ عَلىٰ ڪُلِّ شَيءٍ قديرٌ ﴾

…………………………………
ريم: -
حجيت الخالي كلشي باوعلي بحسرة  وكال

_خالي نروح للزيارة باجر وذبي حملج هناك ما تقصر طبيبة المعلولين

_باوعتلة بضعف منو حيروح ويانة

_امج وخالاتج ونسوان خوالج و خالتج ام حسين والبنات وياج

_ماشي بس انطوني خل ادخن طبعا هالوكت كلة مكضيتها تدخين لا اكل ولا شرب وهم ميحاجوني يعرفون بحالتي انطانياها شعلت الجكارة وضليت ادخن روحي تحترك مثل هاي الجكارة صفنت عليها والله ما ادري بشنو افكر نمت وكعدت الفجر كومتني امي كوة

_يلا يمة خالج متانينة نروح للزيارة

_لبست كوة جسمي مكسر مالي طاقة اكوم كوة حاربت نفسي وكمت لبست ملابسي وفوكاهن العباية اخذت باكيتي وجكارتي وطلعت الكل يباوعلي بنضرة شفقة حتئ مكلت صباح الخير صعدنا بالسيارة الكل يباوعلي بنضرة شفقة ما احبها كعدت وحركو السيارة رحت بغير عالم افكر بالاشياء الاشوفها صحيحة لو خيال جائز اني مسودنة وداتخيل كلشي وارد غمضت عيوني ورجعت راسي ع الكشن نمت ولمن وصلنا فزيت نزلت رحنا توضينا ودنريد ندخل الضريح للسيدة شريفة بنت الامام الحسن عليهم السلام احس مختنكة فد شخص لازم ركبتي وخانكني هيجي احس دخيلك ياربي احس الضريح صار حيل حيل حيل بعيد والطريق طويل احس امشي وبعدني مواصلة بالف يا علي وصلت الضريح لزمت الضريح وبجيت بتعب دخيلج يا مولاتيي دخيلج يا شريفة اقسم عليج بمضلومية عمج الحسين تدركيني مولاتي تعبانة كل اللي احس بي يكطع روحي ادركيني يا مولاتي بست الضريح ووخرت اخذت تربة وبديت اصلي احس شخص ع ضهري بالكوة اكوم وبالكوة اكعد مو ركعتين صارن عبالك مية من كد الثكل امي خلت ايدها ع ضهري وبدت تقرا وتدعي ماما ثكل داحس بثكل

_شريفة ما تقصر الله واهل البيت ميقصرون اكو الله

_بجيت بهدوء كملنا صلاة وكمنا طلعنا لاكيت خالي ووياي النسوان كلتلهم امشونا للحمام اريد ادخن طبعا هم ضايجين مني بس محد يحاجيني لان يعرفون بحالتي رحنا للحمام نزعت عباتي هاج ماما خليها يمج

_جيبيها يوم اخذي راحتج

_استوني شغلت الجكارة اريد اخليها بحلكي باوعت ع باب الحمام وشفت اسوء شي بحياتي لا هو بشر لا جن لا حيوان لا مدري شنو اسود ووجهة يخوف اريد اعيط فد شي لازم بلعومي ميطلع صوتي اريد ابجي ما اكدر كمت ارجف رجف الجكارة وكعت من ايدي حسيتة طار واجة باتجاهي عطت وبعد محسيت بشي كعدت لكيت نفسي برة وخالي يقرا علية قران كعدت دموعي تجري وكلهم مقهورين علية كلتلهم شنو الصار