في جحيمهم عالقة

بارت 19

الكاتبة: - زينب الحربي
حساب الانستكرام:-zienab_alharbi
…………………………
هيج وصرت مو مهم؟
وعندك فراكي طلع ميكلف اغنية
شتريد مني بعد؟
غيرت كل الجنت ما حابهن بية

…………………………
ريم:-
حقدت علئ الكل حقدت علئ امي وحقدت علئ عيالي وعلئ نفسي صممت انو ائذيهم كلهم ردت اكرهم بعيشتهم ردت انتقم منهم كلهم وهذا جان اكبر خطا لانو بدل ما ائذيهم اذيت نفسي اذيت روحي وضلمتها طلعوني للردهة النسائية لاكتني امي باوعتلها بحقد تعبيرا عن كل الالم اللي تعرضتلة

_الحمدلله علئ سلامتج يمة العوض علئ الله

_هزيت راسي الله يسلمج كمت من العربانة تمددت علئ السدية باوعت للسكف وخرن دموعي امي حجت رادت تصبرني وما حجيت وياها ولا رديت
اجتي الدكتورة حجت وي امي

_الحمدلله علئ سلامتها بس منكدر انطلعها اليوم وضعها مو مستقر وحالتها مو زينة حتضل تحت المراقبة

_ردت عليها امي وحجت وياها تلفتت ما موجود رجع للبيت يطبك مرض ولي درب اليسد لا يرد بقينا اني وامي وابني الصغير ابني الجبير راح وي ابو باوعت لروحي و لابني وبجيت اتخذت قراري بعد ما اصيرلة مرة لو يصبونة ذهب لو مو امي تزعل لو تذبحني همين ما ارجعلة لو تنكلب الدنيا طلعت ثاني يوم من المستشفئ كوة اتحرك موجوعة دموعي تجري تعبانة نفسيا وجسديا كلشي بية تعبان روحي وجسمي وكلبي  رحنا لبيت امي عندي غرفة هناك وحدي لكيتة كاعد بالصالة اول مطبيت بدون ميكول الحمدلله علئ السلامة كال

_النوب تاخذين مانع ما دام هيجي اللولب جذاب

_باوعتلة بحقد قسما عضما لو بيدي مسدس بذيج اللحظة افرغة براسة كلة وانعل ساس اهلة كتلة منو كلك حخليك تتقربلي

_روحي طبي نامي هسة انتي تعبانة

_عفتة وطبيت للغرفة حطيت راسي علئ المخدة وغفيت كعدت العصر لكيت باكيتي بالكنتور اخذت جكارة وكعدت كبال امي باعي تتبرين مني تغلطين عليه تذبحيني تحملت بما فيه الكفاية شفت الجوع والذل والاهانة والالم والسوالف المكسرة كلشي شفت وهسة اطلك يعني اطلك باوعتلي وما حجت شي تنرفزت اخذت مبايلي دكيت عليه

_الو

_بعد لا اريدك ولا تجيني مو مجبورة ادور شخص يصرف علينا وانت كاعد اني الرجال مو انت كل عمرك جنت اتكالي تصرف علينا الناس وانت لا شغل ولا عمل فلوسك مكضيها علئ الكحاب بعد لا تجي لبيت اهلي لان راح تصير مو خوش

_بس اسمعيني

_بعدة استوة حجة كلمتين كتلة مفهوم بصوت عالي وسديت الجهاز بوجهة تالمت كلش روحي توجعني وصدك بعد ما سئل ولا اجة ولا كال جهالي بحضني امي تصرف علينا وما مقصرة ولا اشوية علينا مر يوم يومين اسبوع اسبوعين وهو ماكو واني كلش كلش مرتاحة ما اريد اشوف خلقتة ولا اريد اسمع كلامة
مر شهر تقريبا واني مشايفتة ومرتاحة كلش لان شوفتة ما اريد اشوفها بعد شهر تقريبا كاعدة دادخن واكلب بالفيس اندزلي طلب صداقة حساب بس رموز سكتت ما جاوبت دزتلي بالخاص الووو وافقت علئ طلب الصداقة شفتها هاي عرفتها البنية رديت عليها الوات بلشت تكتب